Nancy, AD Meurthe-et-Moselle, H 476 n° 1

<< < / > >>

NuméroChLor771

GenreBulle

Date28/11/1182

LieuVelletri (lat : Velletri )

DiocèseToul

Supportparchemin

Fiabilité de l'actenon suspecté

Sceau Lacs

Etat de la traditionoriginal

AuteurPape Lucius III

BénéficiaireAbbaye  de  Clairlieu

Regeste

Lucius III confirme les biens de l’abbaye de Clairlieu et la donation de privilèges .

Texte

l. 1 LUCIUS EPISCOPUS SERVUS SERVORUM DEI DILECTIS FILIIS JACOBO, ABBATI MONASTERII CLARILOCI, EI[USQUE] FRATRIBUS TAM PRESENTIBUS QUAM FUTURIS REGULAREM VITAM PROFESSIS, IN PERPETUUM.

l. 2 Religiosam vitam eligentibus apostolicum convenit adesse presidium ne forte cuiuslibet temeratis incursus aut eos a proposito revocet aut robur quod ab[si]t sacre religionis infringat.

l. 3 Eapropter dilecti in Domino filii vestris justis [po]stulationibus clementer annuimus et prefatum monasterium Sancte Dei genitrici semperque virginis Marie Clariloci in quo

l. 4 divino mancipati estis obsequio sub Beati Petri et nostra protectione suscipimus et presenti scripti privilegio communimus. In primis si quidem statuentes ut ordo monasti-

l. 5 -cus qui secundum Dei timorem et beati Benedicti r[e]g[ula]m atque institutionem cistercien[sium fratr]um in eo loco ins[titutus] esse dinoscitur perpetuis ibidem temporibus inviolabiliter ob-

l. 6 -servetur. Preterea quascumque possessiones quecumque bona idem monasterium impresentiarum juste et canonice p[ossi]det aut in futurum concessione pontificum largitione regum

l. 7 vel principium oblatione fidelium seu aliis justis modis prestante domino poterit adipisci firma [vobis vestrisque] successoribus et illibata permaneant. In quibus hoc propriis

l. 8 duximus exprimenda vocabulis. Locum ipsum in quo prefatum monasterium situm est cum omnibus appendi[tiis] suis. Grangiam de Gemmes cum appenditiis suis. Grangiam

l. 9 de Forest cum appenditiis suis. Grangiam de Novoloco cum appenditiis suis. Grangiam de Bellodo[no] cum appenditiis suis. Vineam de Nancey, cum censu. Vineas de Remeycort

l. 10 cum censu. Vineas de Larczos et duos mansos ejusdem loci. Vineuam de Ludey. [Vivarium] de Nancey [et] molendinum. [Molen]dinum de Villa Prata de Chelennei. Prata de

l. 11 Chanteheuo. Prata de Undesmeys. Domum [metensem]. Domum tullensem. Domum de Vil[la]. Terram de [Tanto]villa. Terram de Loocort. Vineam tullensem. Sane laborum vestrorum

l. 12 quos propriis manibus aut sumptibus colitis sive de nutrimentis animalium vestrorum nullus a vobis decimas exigere vel extorquere presumat. Liceat quoque vobis clericos

l. 13 et laicos liberos et absolutos e seculo fugientes ad conversionem recipere et eos absque contradictione absque in vestro monasterio retinere. Paci quoque et tranquillitati

l. 14 vestre paterna volentes sollicitudine providere auctoritate apostolica prohibemus ut [infra clausura] locorum seu grangiarum vestrarum nullus hominem capere vel in-

l. 15/-terficere furtum committere, ignem apponere, violentiam sue rapinam audeat exercere. Inhibemus [insuper] ut nulli fratrum vestrorum post factam in monasterio vestro

l. 16professionem fas sit absque abbatis seu licentia de eo discedere discendentem vero absque comm[unium] litter[arum] cautione nullus audat retinere. Ad hec presenti scripto sancimus ut si episcopus

l. 17 in cujus parrochia domus vestra fundata est, tertio per intervalla temporum cum humilitate et devotione qua conv[enit, requisitus] substitutum abbatem benedicere forte

l. 18 noluerit licitum sit eidem abbati proprios novitios benedicere et alia que ad officium ipsum pertinent exercere [donec idem] episcopus duritiam suam [recogitet] et benedicendum

l. 19 a[bbatem benedicere non re]cuset. Sane si episcopi aliquid ad abbatibus vestri ord[inis] preter obedientiam debitam, contra libertatem ordinis a predecessoribus nostris et [a]

l. 20 nobis indultam experierint, liberum sit eisdem abbatibus denegare quod petitur, ne oc[casio]ne ista predictus ordo qui hactenus liber extitit perpetue servitutas laqueo vin-

l. 21 -ciatur. Decernimus ergo ut nulli omnino hominum liceat prefatum monasterum temere, perturbare aut eius possess[iones] auferre vel ablatas retinere, mi-

l. 22 -nuere seu quibuslibet vexationibus fatigare sed omnia integra conserventur eorum pro quorum guberna[tione] ac sustentatione concessa sunt usibus omnimodis

l. 23 profutura. Salva apostolice sedis auctoritate. Si qua igitur in futurum ecclesiastica secularisve persona hanc nostre constitutionis paginam sciens contra

l. 24 eam temere venire temptaverit secundo tertiove commonita nisi reatum suum digna satisfactione correxerit potestatis honorisque sui dignitate careat, reamque se di-

l. 25 -vino iudicio existeat de perpetrata iniquitate cognoscat et a sacratissimo corpore et sanguine Dei et domini redemptoris nostri Iesu Christi aliena fi[at] atque in extremo examine

l. 26 districte ultioni subjaceat. Cunctis autem eidem loco sua jura servantibus sit pax Domini nostri Iesu Christi quatinus ut hic f[ruct]um bone actionis per-

l. 27 -cipiant et apud districtum judicem premia eterne pacis inveniant/ Amen. Amen. Amen.

l. 28 (ROTA) Ego Lucius catholice episcopus (BVLT).

l. 29 Ego Theodinus Portuensis et Sancte Rufine sedis episcopus suscripsi.

l. 30 Ego Henricus Albanensis episcopus suscripsi.

l. 31 + Ego Vivianus tituli Sancti Stephani in Celio monte presbiter cardinalis subscripsi.

l. 32 + Ego Arduinus presbiter cardinalis tituli Sancte Crucis in Jerhusalem subscripsi.

l. 33 + Ego Laborans, presbiter cardinalis Sancti [Marie Transtiberim] tituli Calixti subscripsi.

l. 34 + Ego Rainerius Sancti Georgii ad Velum Aureum diaconus cardinalis subscripsi.

l. 35 + Ego Gratianus Sanctorum Cosme et Damiani diaconus cardinalis subscripsi.

l. 36 Datum Velletri per manum Alberti sancte Romane Ecclesie presbiteri cardinalis et cancellarii, IIII kalendas decembris, indictione prime, incarnationis dominice anno millesimo centesimo LX[XXII], pontificatus vero domini LUCII pape, anno II.

Bibliographie

Henri LEPAGE. L’abbaye de Clairlieu, dans « Bulletin de la Société d’Archéologie Lorraine », vol. 5. - Nancy, 1885, p. 161.

Responsable

Non relu

Comment citer cette notice

Acte n°771 dans Chartes originales conservées en France (1121-1220) , Christelle BALOUZAT-LOUBET, Jean-Baptiste RENAULT, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2013. (Telma). En abrégé, citer : « ChLor n°771»[En ligne] http://www.cn-telma.fr/originaux2/charte268586/. Date de mise à jour : 28/02/14.