Thierri, élu de Metz, confirme la décision prise par Thierri et Werri, fils de Rambaud de Deneuvre : ceux-ci maintiennent la donation faite par leur père à l'abbaye de Beaupré de la terre d'Olzey, qu'il avait en fief du comte de Vaudémont, et de certains droits au ban d'Azerailles. Thierri a accepté de sceller cette donation parce que les donateurs sont des vassaux.

l. 1 Ego Theodericus, Dei gratia Mettensis electus, notum facio fidelibus universis quod Raymbaldus de Danubrio de-

l. 2-dit ecclesie sancte Marie Belli Prati fundum terre de Oblesei, in terris, in pratis, in silvis et nemoribus in omni usu et fructu,

l. 3 cultum et incultum, nichil sibi vel suis retinens, nec reservans in eodem fundo in posterum, quantum pertinebat ad eum, scili-

l. 4-cet medietatem ipsius feodi, hoc est a rivo versus grangiam et ultra, ea libertate et integritate qua ipse tenebat a nobili viro

l. 5 comite Wadanimontis. Dedit etiam eidem ecclesie jam dicte in reliqua parte banni de Ayserable quam sibi retinuit,

l. 6 pasturam ad omnia cujuslibet generis animalia ad abbatiam et ad omnes grangias pertinentia, glandem quoque et faginam ad

l. 7 usus porcorum, ligna etiam ad marrimandum vel ad alia quelibet necessaria quantumcumque necesse fuerit, quercum videli-

l. 8-cet et fagum et quecumque repperiuntur lignorum genera tam pro abbatia quam pro ipsa grangia de Oblesei et ceteris grangiis, quas

l. 9 nunc habent vel habituri sunt. Processu vero temporis Theodericus et Wirricus, filii predicti Raymbaldi, postquam feodum

l. 10 illud in manus eorum devenerat, querimoniam posuerunt in donis antedictis, sed postea ratione ducti recognoverunt et lau-

l. 11-daverunt omnia et hanc elemosinam tam pro patre suo quam pro se ipsis liberam statuerunt jam dicte ecclesie Dei perpetua pace

l. 12 possidendam. Ad horum omnium memoriam retinendam et ad omne deinceps contentionis occasionem removendam, census

l. 13 duorum denariorum constitutus est, qui in festo sancti Johannis Baptiste singulis annis sunt persolvendi. Quod si diutius

l. 14 forte tardaverint, sine ulla tamen occasione vel calumpnia recipiendi erunt, cum venerint, et sic libere possidebunt

l. 15 tam feodum quam usuaria infra bannum de Ayserable sibi necessaria. Et ut ecclesie beneficium majoris auctoritatis

l. 16 robore fulciretur, milites supradicti Theodericus et Wirricus, homines mei, me in testimonium adduxerunt et petierunt.

l. 17 ut sigilli mei munimento signaretur, quod fecerunt ipsi et pater eorum. Quod si processu temporis aliquis heredum predictorum

l. 18 Theoderici et Wirrici aliquam ecclesie Belli Prati movere querimoniam vel inferre molestiam attemptaverit, ego et successores

l. 19 mei dictam elemosinam in pace possidere faciemus et de ea ecclesie Belli Patri legitimam warentiam prestituri sumus.

l. 20 Testes : Anselmus, abbas de Alteria ; Welfo de Myliseis ; Balduinus, advocatus de Danubrio et Raymbaldus,

l. 21 frater ejus ; Garsirius de Danubrio ; Johannes de Salmis ; Clarembaldus miles ; Hael...

l. 22 et Johannes. Actum anno dominice incarnationis millesimo centisimo sexagesimo quarto.