Innocent III demande aux abbés cisterciens de Beaupré et de Clairlieu de s’opposer à ce que les clercs déjà pourvus d’une prébende dans la cathédrale de Metz puissent prétendre en obtenir une autre dans la collégiale Saint-Thiébaut.

l. 1 Innocentius episcopus, servus servorum Dei, dilectis filiis abbatibus Belliprati, Clariloci, Cisterciensis ordinis, Tullensis diocesis,

l. 2 salutem et apostolicam benedictionem. Non absque dolore cordis et plurima perturbatione didicimus quod ita in plerisque partibus

l. 3 ecclesiastica censura dissolvitur et canonice sentencie severitas enervatur, quod viri religiosi, et hi maxime qui per sedis

l. 4 apostolice privilegia majori donati sunt libertate, passim injurias sustineant dum vix invenitur qui congrua illis

l. 5 protectione subveniat et pro fovenda pauperum innocencia se murum deffensionis obponat. Conquerentibus dilectis filiis

l. 6 decano et canonicis Sancti Theobaldi Mettensis nobis innotuit quod cum ecclesia eorum novella sit et redditibus satis minime

l. 7 premunita, quidam clerici in majoribus ecclesiis redditus et prebendas habentes ipsos in postulatione prebendarum in-

l. 8-quietare presumant. Nos autem pauperis ecclesie miserentes et quieti fratrum providentes, talium peticionem frivolam

l. 9 decernimus et sub anathematis interminatione firmiter prohibemus ne quis in majori ecclesia canonicam consecutus

l. 10 eis amplius super hiis gravamen presumat inferre. Quo circa discretioni vestre, per apostolica scripta precipiendo, mandamus

l. 11 quatinus, si aliquis eandem ecclesiam pulsare temptaverit, secundo terciove commonitus, nisi adquieverit, eundem denuntietis

l. 12 excommunicatum et faciatis ab omnibus cautius evitari donec molestiam passis de illato gravamine competenter satisfecerit.

l. 13 Datum Laterani, Vo kalendas decembris, pontificatus nostri anno quintodecimo.