Thierry, doyen de la cathédrale [de Metz], et Ingo, doyen de Saint-Sauveur de Metz, règlent une querelle entre Pierre, abbé de Chéhéry, et Drogon, abbé de Saint-Vincent de Metz, au sujet d'une dîme sur des vignes que possède l'église de Chéhéry près de Châtel[-Saint-Germain]

l. 1 Quoniam per inevitabilem temporis successionem expirât memoria, nisi scripti testimonio renovetur, ego Theodericus majoris ecclesie et ego Ingo Sancti Salvatoris

l. 2 decani Mettenses, notum facimus universis presentem paginam inspecturis controversiam que inter P. de Caherio, cisterciensis ordinis, et conventum ejusdem loci et

l. 3 D. Sancti Vincentii Mettensis abbates et etiam conventum loci ejusdem vertebatur, videlicet super decima vinearum quas ecclesia de Caherio apud villam que dicitur Chastel

l. 4 possidet in presentia nostra necnon et multorum qui aderant, tali conditione esse terminatam : pro decima siquidem vinearum quas ecclesia supradicta apud prenominatam

l. 5 villam tempore pacis hujus habebat duo modii vini ecclesie Sancti Vincentii singulis annis a fratribus Caherii persolventur. Si vero postmodum aliquas

l. 6 vineas de quibus decima spectet ad ecclesiam sancti Vincentii in prefata villa jam dicti fratres titulo emptionis acquisierint, decimam ex integro

l. 7 reddent earumdem. Quod si processu temporis alique vinee ecclesie Caherii in elemosinam fuerint collate, ex illis dimidiam tantum decime solvent

l. 8 porcionem, de decimis autem frugum quas in pretaxata villa ex labore suo habebunt dimidia pars a tociens dictis fratribus persolvetur, eisdem

l. 9 tamen a solutione totius minute decime penitus absolutis. In aliis etiam quibuscumque locis in quibus jus decimandi ad ecclesiam sancti Vincentii spec-

l. 10-tat, si ecclesia de Caherio aliquid adquisierit in agris seu pratis seu vineis et rebus aliis, eadem forma observabitur cum distinctione predicta

l. 11 inter illa que adquisita fuerint per emptionem, et ea que intuitu elemosine eis obvenerint. Nec est silentio pretereundum quod ecclesia Caherii

l. 12 XIIIcim et dimidium jugera vinearum in eadem villa tempore quo pax ista facta est possidebat. Ut igitur hec rata permaneant et nulla medio tempore

l. 13 valeant levitate rescindi, rei geste seriem litteris tradi fecimus, et ipsas litteras de consensu partis utriusque factas tam nostrorum impressione

l. 14 sigillorum et earumdem partium sygillis quam testium subscriptione communiri. Testes : abbas Morimundensis, R. Triumfontium, A.

l. 15 de Caladia, N. Castellionis, abbates Cisterciensis ordinis et E. cantor, W. custos, et R. canonicus majoris ecclesie Mettensis.

l. 16 Actum anno verbi incarnati MoCCoIX, VIo kalendas octobris, pontificatus domni Bertranni mettensis episcopi, anno tricesimo.