Bar-le-Duc, AD de la Meuse, 16 H 5, n° 49

<< < / > >>

NuméroChLor43

GenreCharte

Date1185

Lieu non identifié

DiocèseToul

Supportparchemin

Fiabilité de l'actenon suspecté

Sceau

Etat de la traditionoriginal

Hauteur à gauche685   mm

Hauteur à droite685   mm

Largeur en haut500   mm

Largeur en bas500   mm

AuteurPierre de Brixey, évêque  de  Toul

BénéficiaireAbbaye d'Evaux

Regeste

l'évêque de Toul rapporte sous forme de pancarte une série de donations faites à l’abbaye cistercienne d’Evaux (à Saint-Joire; Meuse, Commercy, Gondrecourt-le-Château)

Fac simile

Texte

/01/ IN NOMINE PATRIS ET FILII ET SPIRITUS SANCTI. AMEN. Quoniam tempora temporibus succedunt venturaque nec scientia providentur et preterita passim oblivione delentur, ego Petrus, per gratiam /02/ Dei Leucorum episcopus, ad cautelam futurorum quasdam actiones propter crebro emergentes calumpnias scripto memorie commendo et sigilli mei auctoritate confirmo ut, quisquis ea que susbscribuntur quacumque pre-/03/-sumptionis audacia violare attentaverit, anathematis telo, nisi resipuerit, percuciatur. ¶ (Poncius) Notum igitur facimus universis quod Pumcius, gener Hatonis de Namtheia, laude uxoris sue Hodierne, et Bauduinus frater ejusdem /04/ Hodierne, concessit ecclesie Vallium perpetuo jure possidendum quicquid in elemosinam olim contulerat eidem ecclesie Hato predictus et Hugo Escuruns, pater ipsius, scilicet terras, nemora, secatoria, usuaria, vanas pa-/05/-sturas et viam qua itur de grangia usque ad stagnum de Nanteia, terram quoque alodii de Vremeicort. Inde habuit idem Pontius C solidos Cathalaunensium. Factum est hoc cum Bauduinus predictus nundum haberet uxorem. Testes : /06/ Wirricus Magnus, Alarz, Savaris, Albertus de Belloramo. De laude Bauduini testes sunt : Walterus Sancti Amantii, Milo de Trumvilla, Petrus de Nantheia. ¶ (Domina de Bonei) Item Domina, uxor scilicet Hugonis Lo Reis de Bonei, /07/ laude omnium liberorum suorum, donavit in perpetuum ecclesie Sancte Marie de Vallibus quicquid calumpniabatur vel calumpniari poterat in alodio quod tenet ecclesia Vallium de Radulfo de Nais, usuaria quoque et pas-/08/-turas in omni potestate sua. Testes : Willermus prior, Alo, Godefridus, monaci de Ragiscort, Falco de Limervilla, Vivianus de Bonei, Nicholaus et Onfridus de Bonei. Actum anno ab incarnatione Domini M° C° LXX° V°. /09/ ¶ (Gerardus de Nais) Similiter Gerardus sacerdos de Nais et Doelinus et Petrus nepotes ejusdem, laude omnium heredum suorum, dederunt perpetualiter et absque ulla retentione fratribus de Vallibus omne hoc quod habebant in valle /10/ illa que est juxta terram quam habent de domno Waltero Sancti Amantii. Testes : Gislebertus clericus de Vaus, Hugo sacerdos de Nais, Gerardus de Oei. ¶ (Emelina) Noverint etiam omnes quod domina Emelina de Nais, laude filiorum suorum /11/ Radulfi et Ainardi et filie sue et generi sui, dedit ecclesie Vallium partem alodii in Planoloco. Testes : Holduinus et Gislebertus filii Seiberti, Hugo de Valcolor, Falconez Capra. Dedit quoque eadem mulier pasturas et usuaria, heredibus cunctis predictis /12/ laudantibus. ¶ (Radulfus de Nais) Item dominus Radulfus de Nais, laude conjugis sue et omnium liberorum suorum, donavit fratribus Vallium totum quod habebat in faillo de Nais, usuaria et pasturas in omni terra sua. Hoc etiam laudavit /13/ Theodericus et Hugo frater ejus de Dumgermen et Elisabeth cognomento Micheta soror eorum, que fuit uxor Bovonis Venatoris de Nanceio. Concesserunt etiam quicquid possent acquirere in eodem loco de terra sive /14/ de nemore hujus avunculi sui, scilicet Radulfo, quod totum in quantum ad ipsos pertinet libere in perpetuum fratres Vallium possiderent. Testes de Radulfo : Bonardus sacerdos de Buincurt, Hato de Nanteia. Testes Theoderici sunt : /15/ Hugo frater ejus, Petrus miles de Wees consanguineus ejus. Testes Elisabeth : abbas de Ferraria, Jacobus dapifer ducis. ¶ (Bartholomeus de Tullo) Iterum Bartholomeus de Tullo, privignus Petri de Fossa, laude uxoris sue Hodegardis et Benedicte sororis ejus omniumque here-/16/-dum suorum, dedit ecclesie Vallium in elemosinam vineam quandam in monte Barri sitam. Testes : Johannes Bernardus, Petrus Burgis, Radulfus de Pariete. ¶ (Dodo de Line) Dominus quoque Dodo de Line dedit ecclesie deVallibus, laude filii sui Wineranni, quartam /17/ partem alodii de Viler. Testes patris : dominus Milo de Gundricort, Hugo Escuruns. Testes filii sui : Odo Chesleis, Dodo de Rounai. ¶ (Vivianus de Abienvilla) Vivianus de Abienville dedit ecclesie Vallium omnia usuaria in pascuis, in nemoribus ubicumque. Testes : Hugo filius Hugonis Escu-/18/rum, Vivianus miles de Sancto Georgio. ¶ (Rembaudus de Domenges) Scire etiam volumus universos quod Rembaudus de Domenges et Charduns frater ejus remiserunt omnem querelam quam habebant adversus domum de Vallibus et in elemosinam concesserunt terram filiorum /19/ Naimunt, Hugonis et Lamberti, in qua posita est abbatia et pratum quod est juxta cum alio prato quod dicitur Rollipre et omnes alias terras et prata ab illis vel quibuslibet aliis ab eisdem possessa. Concesserunt etiam quicquid infra terminos juxta novam ecclesiam quoquo modo posse-/20/-derant. Lineam quoque ad vadum inferius quam tenuerant et alteram lineam juxta quercum superius, duo similiter prata ad vadum inter duas abbatias et lineam aliam juxta lineam Sancti Michaelis. Et quod in prato Lescherie clamabant, cum /21/ prato de Rampunt et omnia quecumque tunc temporis ecclesia tenebat et pratum Ad Salicem. Denique quicquid clamabant in terris, in pratis, in nemoribus in quocumque loco totum acquitaverunt. Testes : Jocelmus et Milo monachi de Crista, /22/ Gerardus de Domenges, Morinus de Mostir. ¶ (Achardus et Joannes) Achardus et Johannes frater ejus omnem hereditatem quam habebant in confinium Hermotionis in elemosinam Sancte Marie de Vallibus concesserunt. Testes : Hugo de Dominica, Walterus Cathalaunensis. /23/ ¶ (Hugo de Sancto Martino) Hugo, filius Benceline de Sancto Martino, reddidit ecclesie de Vallibus pratum quod habebat in vadimonium de terra Stephani et IIos solidos. Testes : Gerardus Quatuor Brachia et Bartholomeus de Sancto Georgio. ¶ (Viardus filius Alberti) Viardus filius Alberti Pallart de /24/ Gondricort dedit ecclesie de Vallibus partem alodii sui in confinio Lizeville, assensu matris sue et omnium heredum suorum. Testes : Ricoinus prior de Gundricort et Radulfus conversus de Vallibus. ¶ (Hecelinus de Sancto Georgio) Item Hecelmus de Sancto Geor-/25/-gio, laude uxoris sue et filie, dedit ecclesie Vallium terram suam que sita est ante grangiam de Wahuncort. Testes : Hato et Petrus ejusdem ville. ¶ (Hugo Li Baeges) Hugo qui cognomento Baeges vocatur et frater ejus Lanbertus dederunt juxta /26/ eandem grangiam eidem ecclesie poossessiunculas (sic A) terre. Testes : Acelinus presbiter et Girardus de Oei. ¶ (Jocelmus de Sancto Georgio) Iterum Jocelmus de Sancto Georgio, laude uxoris sue et omnium filiorum et filiarum suarum, dedit ecclesie predicte juxta molendi-/27/-num eorum varannam quandam et tria jugera super corveiam ipsorum, terram quoque ubi dicitur Alrual et partem Malberti quam tenebat. Hoc idem fecit Ulricus frater ejus et filii et filie ipsius. Et dimidiam partem prati quod tenebat donnus Lam-/28/-bertus de Sancto Georgio, dedit idem Ulricus, quod calumpniabatur Brehardus. Testes : Bonardus sacerdos de Buincurt, Morinus et Walterus de Mostir. ¶ (Adam de Chivillum et Rogerus) Adam quoque de Cheveillum et Rogerus frater ejus dederunt ecclesie de Vallibus quod pos-/29/-sidebant ultra Urmancum. Testes : Letardus sacerdos, Lebaudus frater Falconis Alaboce, et Rogerus. ¶ (Iarsenz) Similiter Iarsenz concessit eidem ecclesie in elemosinam terram de alodio Stephani Qualerte. Testes : Girardus capellanus de Borlammunt, /30/ Huldierus presbiter de Fribocort. ¶ (Wiardus de Chaslennes) Wiardus etiam de Chaslennes dedit ecclesie de Vallibus quicquid habebat intra fines Sancti Apri qui sunt ultra Urmanzum et quicquid habebat in alodio de Morens, laude omnium heredum suorum et ux-/31/-oris sue, filiorum et filiarum suarum et Henrici de Tusei nepotis sui et uxoris ejusdem Wine nomine filiorumque et filiarum. Testes Wiardi sunt : Ansierus Sancti Christofori et Radulfus ejusdem ville. Testes Henrici : Rodulfus, Anscherus. /32/ ¶ (Gerardus de Oei) Iterum Gerardus de Hoei, assensu heredum suorum, dedit ecclesie Vallium decimam partem de Johansart et de Veteri Chasneto. Testes : Acelinus presbiter, Vivianus miles et Jocelmus et alius Jocelmus. ¶ (Jocelmus miles de Sancto Georgio) Simili modo Jocelmus, miles /33/ de Sancto Georgio, dedit predicte ecclesie, laude omnium heredum suorum, quicquid ad eum pertinebat in Johansart et in Veteri Chasneto, et Gerardus, filius ejusdem, et Milo hoc idem fecerunt, assensu fratrum et sororum suarum. Testes : / 34 / Hato et Jocelmus. ¶ (Vivianus de Abenvilla) Item Vivianus de Abenvilla, assensu Girardi filii sui, remisit ecclesie Vallium quicquid querele habuit adversus eam in confinio grangie Fonteneti. Concessit etiam usuaria et pasturas sitas circa Robaucort et /35/ Bovei et Lizevillam, laude filii sui. Testes : Boso clericus de Gondricort, Theodericus de Nancei. ¶ (Theodericus presbiter de Domenges) Notum etiam sit omnibus quod Theodericus presbiter de Domenges, laude patris et matris sue et fratrum suorum, dedit Sancte Marie de Vallibus terciam /36/ partem prati quod est juxta Montem Fortem et de alia tercia parte terciam partem et medietatem campi qui est in Aviau et medietatem prati quod est juxta ipsum campum et terciam partem prati quod est in Udubuam et lineam Junce-/ 37 /-te que est in Aviau. Testes : Bernardus qui fuit abbas de Vallibus et hoc fecit, Petrus monachus et Acelinus de Sancto Georgio. ¶ (Teaudus de Domenges) Teaudus de Domenges similiter dedit ecclesie de Vallibus quartam partem prati quod est in Nonenvoi et hoc quod habet in /38/ Varanna et in Rolopre et quod habet juxta pomerium et quod habet juxta pratum Macelini. Testes : Girardus et Theobaudus qui hoc ipsum laudaverunt, Rogerus conversus et Wirricus et Holduinus. ¶ (Ancherus et Gaufridus) Item noverint omnes quod Ancherus et Gaufri-/39/-dus, filii Jarredi, dederunt Sancte Marie de Vallibus per omnes terras que sunt eorum juris usuaria et pasturas libere perpetuo possidendas. Testes : Acelinus presbiter, Walterus de Amblei, Gerardus de Oei. ¶ (Lambertus Perfectus) Noverint quoque universi quod Lambertus Perfectus /40/ et Mainardus de Robaucort et Ourens (lecture incertaine) de Monasterio et Berardus hujus filius, Robertus de Buincort heres ejusdem, Henricus et Seynus filii Manardi, Hugo de Robaucort et Stephanus Potardus dederunt ecclesie Vallium in /41/ elemosinam terram Medii Montis juxta Ormanzum cum duabus vallibus hinc et inde adjacentibus usque ad duas vias de Robaucort. Testes : Bernardus presbiter de Buincort, Morinus presbiter de Mostir, Josbertus de Donnamaria. /42/ ¶ (Milo de Valcolor) Notum sit etiam omnibus quod Milo de Valcolor et fratres ejus Warinus et Hugo, cum neuter eorum haberet uxorem, dederunt ecclesie Vallium perpetualiter totum alodium suum quod vocatur alodium Francorum de /43/ Valcolor in territorio de Limelvilla juxta grangiam que dicitur Wees. Testes : Wacelinus monachus, Robertus conversus hospitalis, Hugo de Domenges pelliparius, Jocelinus Ionville. ¶ (Hugo Vaslez) Item domnus Hugo Vaslez dedit ecclesie Vallium /44/ pasturas et usuaria in omni loco sui juris, et annosam putei querelam, qua ecclesiam diu fatigaverat, absque ulla retentione in perpetuum remisit. Testes : Rogerus prior, Radulfus monacus de Ragiscort, Harmannus miles. /45/ ¶ (Vivianus filius Jocelmi de Sancto Georgio) Iterum Vivianus, filius Jocelmi de Sancto Georgio, dedit ecclesie Vallium in elemosinam, laude fratrum suorum et domni Hatonis Escurum, a quo fiedum istud tenebat, quicquid habebat in valle de Secru sub censu duorum /46/ nummorum Preveniensium qui eidem annuatim persolvendi sunt, vel predicto Hatoni, si tamen Vivianum sine herede mori contigerit. Quod si per oblivionem acciderit censum aliquo anno non persolvi, ad ejus commonitionem sine omni occasione /47/ persolvetur. Similiter quicquid calumpniabatur vel calumpniari posse videbatur super terram Aramterme, quam fratres de Vallibus scindendo elaboraverant vel elaboraturi erant, totum predictis fratribus in pace remisit. Testes : Acelinus /48 / Sancti Georgii presbiter, Hugo Gallicus, Hato supranominatus qui presens huic donationi et testis interfuit. ¶ (Bertrannus et Hugo de Sancto Georgio) Bertrannus quoque et Hugo frater ejus de Sancto Georgio dederunt ecclesie de Vallibus quicquid clamabant in Anglemerval. Testes : Acelinus presbiter, Constan-/49/-tius Lovaz et Morellus. ¶ (Albricus filius Arnulfi de Sancto Georgio) Similiter Albricus, filius Arnulfi de Sancto Georgio, laude liberorum suorum, dedit predicte ecclesie partem suam alodii de Wauncort. Testes : Hugo Gallicus, Hugo Li Magniens, Ulrricus (sic A) de Basso Prato. /50/ ¶ (Parumbella) Soror autem hujus prefati Albrici dedit Parumbella laude filii sui Ansieri partem suam quam habebat sub fullone. Testes : Girardus de Oeio, Girardus filius Henrici. ¶ (Hugo Gallicus) Simili modo Hugo Gallicus, assensu conjugis, filii et /51/ filiarum et generum suorum, dedit quicquid habebat in terra illa que dicitur Boervaus et in prato quod est ad Querquum et in illo quod fuit Lamberti presbiteri de Sancto Georgio. Testes : Acelinus presbiter, Bertrannus de Sancto Georgio, Morellus. /52/ ¶ (Stephanus Chaboce et frater ejus Hugo) Stephanus quoque Chaboce et frater ejus Hugo, laude uxorum et omnium liberorum suorum, dederunt usuaria et pasturas in finibus de Bures et in omnibus locis, ubi habent aliquid citra riveriam de Sauz. Testes : Constancius presbiter, Jocel-/53/-mus et Radulfus frater ejus de Pariete, Johannes Maletrace. ¶ (Lambertus de Robaucort) Lambertus quoque de Robaucort, laude uxoris sue et heredum suorum, dedit ecclesie Vallium quicquid possessionis a Danvalle usque ad Ormanzum. Calumpniam quoque prati, quod dederat / 54 / frater ejus Rainaudus, remisit. Testes : Paganus et Bonardus presbiteri de Buincort. ¶ (Hugo Mordanz de Robaucort de varanna) Notum etiam facimus universis quod Hugo Mordanz dedit ecclesie Vallium terram suam in varanna in Gimelprei inter Buincort et Robaucort, laude omnium /55/ liberorum suorum. Testes : Warnerus et Robertus. ¶ (Warnerus) Similiter frater ejus Warnerus dedit partem suam in eadem varanna, laude uxoris sue et omnium liberorum suorum. Testes : Acelinus et Boso presbiteri. ¶ (Aalina) Aalina quoque uxor Lamberti, /56/ laude filii sui Letardi, dedit partem suam ejusdem varanne sub testimonio parrochie. ¶ (Robertus) Similiter Robertus et frater ejus Morrannus dederunt partem suam varenne, teste Acelino et Bosone presbiteris. Johannes quoque Roberti nepos dedit /57/ partem suam, laude filiorum suorum Bosonis et Viviani. Soror quoque ejus Maria dedit quod in eadem habebat sub testimonio parrochie. ¶ (Aalandis) Aalandis etiam, uxor Bovonis, dedit partem suam ejusdem varanne laude omnium /58/ liberorum suorum, teste parrochia. ¶ (Johannes Penirs) Noverint etiam omnes quod Johannes Penirs, laude filiorum suorum Angerberti et Norberti et Hugonis nepotis, dedit ecclesie predicte pratum juxta Ber[………]orum [….] et aliud similiter pratum juxta Fos-/ 59 /-sam de Ormanzum. Testes : Johannes clericus et alius Johannes de Robaucort. ¶ (Albricus de Robaucort) Item Albricus de Robaucort, laude Elene sororis sue et filiorum Elene, dedit ec[clesie] Vallium pratum unum super grangiam de Ormanzum. Hoc tes-/60 /-tantur Hunbertus et Constantius de Gondricort. ¶ (Albricus filius Norberti) Similiter Albricus, filius Norberti de Bonei, laude patris sui, dedit prefate ecclesie jornellum unum [……] juxta puteum […] […]am de Ormanzum. Testes : Johannes sorori-/61/-us ejus et Johannes socer ejus. ¶ (Morellinus) Morellinus etiam, assensu uxoris sue et omnium liberorum suorum, dedit fratribus Vallium duo jugera terre juxta Foicheri[….] et Hugo sororius ejusdem dedit eis alium jornellum in eodem /62/ loco. Mareta quoque de Rob(aucort) dedit eis omne tenementum suum in terra et in prato. Testes horum : omnis parrochia de Rob(aucort). ¶ (Bertrannus et Hugo Bufei) Notum quoque sit omnibus quod Bertrannus et Hugo Bufei [dederunt] ecclesie Vallium quicquid habebant sub /63/ fullone et in mortua varenna et in jornello de Croeia. Dedit etiam Bertrannus partem suam in prato de alodio et in noa. Simili modo dedit eis Robaudus de Triverei quicquid habebat in mortua varenna. Testes : Vivianus /64/ Quaseis et Malusvicinus de Domenges. ¶ (Bonardus presbiter de Buincort) Iterum notificamus omnibus quod Bonardus presbiter de Buincort et Warinus frater ejus laude sororum suarum dederunt fratribus Vallium in elemosinam partem suam de /65/ Milunhant. ¶ (Sorores Bonardi) Similiter sorores eorum partes suas eis perpetualiter tribuerunt. Testes : Petrus decanus et Josbertus frater ejus de Donnamaria, Jocelmus de Buincurt. ¶ (Harbertus de Buincort) Simili modo Harbertus de Buincort et Emelina1 de Triverei et Pa-/66/-ganus ejusdem ville Leduydis quoque, laude filii sui Wirrici Brochet, et Berta, soror Leduydis, laude liberorum suorum, Wibertus etiam et Boneta soror ejus, Stephanus […..………] de Sancto Georgio, isti omnes donaverunt ecclesie / 67 / Vallium absque ulla retentione2 quicquid habebant in Milunhant. Stephanus etiam predictus Mimus laude filii sui Wirrici fecit hanc elemosinam […………………….………………..]. Horum omnium testes sunt : Wi-/68/- bertus de Triverei conversus, Hato et Hugo Rufus de Sancto Georgio. (¶ Radulfus de Dominica) Radulfus de Dominica, filius Gisleberti, dedit fratribus Vallium, laude uxoris sue et liberorum suorum, partem prati sui sub castello de Monteforti. Testes : Ang[er]-/69/-bertus Aoite, Oliverus de Triverei, Warnerus de Lizevilla. ¶ (Vivianus Quaseis) Similiter Vivianus Quaseis dedit eis, laude uxoris sue et liberorum suorum, unam falcatam prati […]eria in Avio. Testes : Malusvicinus, et /70/ Fragnelellus, et Daviez. ¶ (Martinus Milraz) Martinus etiam Milraz de Dominica, laude uxoris sue et omnium liberorum suorum, dedit fratribus Vallium partem prati sui […]curban. Testes : Vivianus Quaseis et Girardus filius ejus. /71/ ¶ (Henricus Li Mechuns) Henricus autem qui vocatur Li Mechuns, assensu uxoris sue et liberorum suorum, donavit eisdem pratum unum juxta pratum Sancti Remigii. Testes : Daviez et Falco frater ejus. ¶ (Tecelinus) Simili modo Tecelinus, assensu /72/ uxoris sue et omnium liberorum suorum, tribuit fratribus Vallium dimidiam falcatam prati inter duas aquas juxta pratum Sancte Marie. Hujus rei testes sunt : Coquinus et Warnerus et Oliverus de Triverei. /73/ ¶ (Josbertus de Dominica) Josbertus etiam de Domens, laude sororum suarum, dedit eisdem partem suam prati super vadum de Unguinmeis. Testes : Warnerus sororius ejusdem, Angerbertus Aoite et Fragnellus.

Responsable

Laura Gili

Comment citer cette notice

Acte n°43 dans Chartes originales conservées en France (1121-1220) , Christelle BALOUZAT-LOUBET, Jean-Baptiste RENAULT, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2013. (Telma). En abrégé, citer : « ChLor n°43»[En ligne] http://www.cn-telma.fr/originaux2/charte267598/. Date de mise à jour : 15/09/14.