Henri, évêque de Toul, rapporte la donation faite à l'abbaye d'Ecurey par Hugues Ligree de Ligny de ce qui lui appartenait à Moutiers : droits d'usage, prés, bois et vaines pâtures à Couvertpuis

l. 1 IN NOMINE SANCTE ET INDIVIDUE TRINITATIS. Henricus, Dei gratia Leucorum episcopus, omnibus in Christo

l. 2 renatis presentibus ac futuris in posterum. Officii nostri debitum postulat, ut ea que coram nobis et

l. 3 per nos rationabiliter acta sunt auctoritatis nostre munimine roborata vigorem proprie stabelitatis

l. 4 obtineant. Ea propter noverint omnes tam futuri quam presentes quod dominus Hugo Ligree de Lineio

l. 5 dedit ecclesie de Escurei pro remedio anime sue libere et absque ulla retentione quicquid ad eum pertinebat

l. 6 infra terminos terre de Moster, quod dominus Gaufridus pro construenda abbatia divise tradiderat et

l. 7 hoc assensu uxoris sue Ode et filiorum suorum Galterii et Garini et Hugonis et Isenbardi. Preterea

l. 8 in ceteris finibus de Moster usuaria omnimodis absque terre ruptura fratribus ibidem commorantibus

l. 9 perpetuo concessit in pasturis videlicet in aquis, in agris, in patris, in nemoribus, glandem quoque

l. 10 et faginam. Ligna etiam ad edificia construenda pro predicti loci necessitate ita tamen ut exinde

l. 11 numquam aliquid detur aut vendatur ab eis, prata quoque que dominus Hatto de Hattuncurt et domina

l. 12 Hawidis uxor ejus ecclesie prefate in elemosinam dederant et pratum de Curva Salice, assensu uxo-

l. 13-ris et predictorum heredum libere concessit, his adiciendum quod idem vir strenuus pietate ductus

l. 14 fratribus prenominatis pasturas vanas infra fines de Cuverpois perpetuo possidendas, assensu eorumdem

l. 15 donavit absque dampno circummanentium. Quod si cui dampnum forte intulerint absque emendatio-

l. 16-ne capitule restituent. Prohis omnibus fratres de Escurei semel in anno absque ulla occasione persol-

l. 17-vent duos annone sextarios predicto Hugoni, unum de tritico et alium de avena ad sextarium de

l. 18 Jovisvilla. Hoc igitur rationale pacis testamentum auctoritate pontificali confirmamus et sigilli nostri

l. 19 impressione munimus. Quicumque autem temeritatis ausu aliquid a predicta donatione excrusta-

l. 20-re presumpserit, anathema sit, nisi resipuerit et eidem ecclesie ablata restituerit. Hujus rei

l. 21 testes sunt : Gaufridus de Jovisvilla, Hugo de Fescha, Hugo Chauderun, Arlebaut de Pessum,

l. 22 Odo ejusdem ville, Garnerius Begart, Winelandus de Lineio, Paganus ejusdem ville, Jocelinus de Sallei.

l. 23 Acta sunt hec anno ab incarnatione Domini millesimo quinquagesimo nono, epacta

l. 24 nulla, concurrente tercio, indictione septima.