l'évêque de Toul notife à Enguerrand, abbé de Saint-Jean de Laon, qu'a la prière de Louis, roi de France, de son frère Henri, archevêque de Reims, et de Barthélémy, évêque de Beauvais, il a donné à l'abbaye de Laon l'église de Rozières-sur-Mouzon (Vosges, Neufchâteau, Lamarche) et la chapelle de Romain-aux-Bois (Vosges, Neufchâteau, Lamarche)

l. 1 IN NOMINE PATRIS ET FILII ET SPIRITUS SANCTI. Petrus, Dei gratia Leuchorum episcopus, venerabili abbati

l. 2 Enjorrando suisque fratribus in ecclesia Beatȩ Dei genitricis et Sancti Johannis Baptiste Lauduni Deo fa-

l. 3-mulantibus eorumque successoribus in perpetuum. Vobis, dilecti fratres, et omnibus Dei fidelibus in quorum

l. 4 manus hec nostrȩ donationis presens cartula devenerit, notum relinquimus quod, pro tam digne attenden-

l. 5-da excellentissimi regis Francorum Ludowici peticione, et pro benigno interventu fratris sui Henrici venera-

l. 6-bilis Remorum archiepiscopi et carissimi cognati nostri Bartholomei Belvacensis episcopi, ecclesiam de Roseriis et capellam

l. 7 de Romens cum omni integritate tam in presbiteratu quam in omnibus earum appenditiis, concessimus et contulimus in

l. 8 perpetuum ecclesiȩ vestrȩ in honore sanctȩ Dei genitricis Mariȩ et sancti Johannis Baptiste in monte Lauduni Deo consecrate,

l. 9 ob salutiferum animȩ nostrȩ remedium, ita ut, salvo jure episcopi et archidiaconi, ecclesia vestra predictam parrochiam

l. 10 et capellam deinceps possideat et de eis vigilanti cura ordinet et disponat. Hujus nostrȩ donationis

l. 11 testes sunt : Odo archidiaconus et thesaurarius ecclesiȩ nostrȩ, Albricus archidiaconus, Haimo archidiaconus, Fridericus archidiaconus, Rofridus

l. 12 archidiaconus et magister scolarum, Johannes notarius noster, Hugo presbiter de Gundricuria. Anno ab incarnatione Domini

l. 13 M C LXX IIII, indictione VIII, epacta XXVI, concurrente I. Datum, per manum Theoderici

l. 14 archidiaconi et cancellarii.