Henri II (de Blieskastel), évêque de Verdun, notifie la donation qu’il fait à l’abbé Tiécelin et aux chanoines de Saint-Paul de Verdun des autels de Rupt et d’Amblonville

l. 1 In nomine sancte et individue Trinitatis. Ego Henricus Dei pacientia Virdunensis episcopus tam futuris quam

l. 2 presentibus in perpetuum. Ex suscepte dispensationis oficio nostre incumbit sollicitudini omnium ecclesiasticorum virorum

l. 3 sub regimine alarum nostrarum degentium utilitatibus communiter inviligare sed eorum potius quos sub regule claustralis disciplina

l. 4 nec non et obedientie salutaris cohercitione Deo ardentius atque familiarius constat inherere. Eorum siquidem commodis

l. 5 operam adhibere materia est negligentie et dissolutionis adhimende ne imminente penuriarum media fructus religionis

l. 6 et honeste vite incentio sub occasione remissionis et negligentie paulatim evanescat. Hujus itaque rationis pia

l. 7 intentione pulsatus nec non et predecessorum meorum exemplo laudabili commoniter, ego Henricus Dei gratia Virdunensis ecclesie

l. 8 pastor indignus notum facio tam futuris quam presentibus quod duo altaria de Rivo videlicet et de Amblonisvilla

l. 9 cum omni integritate sua cum dotibus et appendiciis suis c ejusdemque

l. 10 nominis confessoris sub titulo ejusdem ecclesie de gratia bone voluntatis contulimus, statuentes ut ea deinceps

l. 11 predicta ecclesia absque ulla contradictione vel noxie retractationis oppositione sub fundatoris atque proprii pastoris

l. 12 titulo in evum possideat, salvo tamen jure archidiaconorum et nostro. Ne igitur hec donatio nostra sub nube oblivi-

l. 13-onis in posterum obvolvatur et inde emergat seditio unde veritas oriri putabatur, hanc scripto memoriali impri-

l. 14-mi fecimus sigilli nostri patrocinio illud munientes testesque ydoneos ascribi facientes. Testes

l. 15 Punczardus majoris ecclesie nostre decanus, magister Omerus, Warinus Sancte Marie

l. 16 Magdalene decanus, Helias decanus de Frasnido, Magister Harowaldus canonicus

l. 17 Monte Falconis, ego Hugo cantor et cancellarius recognovi.