G., maître de l’hôpital de Marloux, les frères et les sœurs, annoncent qu’ils viennent de conclure un accord de confraternité avec l’abbaye de Remiremont et précisent les obligations qui en résultent pour l’hôpital

l. 1 G. Dei pacientia dictus magister hospitalis de Merlo et fratres ac sorores ejusdem loci universis presentes litteras inspecturis ve-

l. 2-ritatis testimonium acceptare. Noverint universi presentes litteras inspecturi quod nos unanimiter aspirantes ad communionem et fra-

l. 3-ternitatem Romaricensis ecclesie tandem cum Dei adjutorio optatum voluntatis nostre portum feliciter consequuti sumus ita quod ego G. magister

l. 4 predicti hospitalis tam pro me quam pro fratribus ac sororibus ecclesie de Merlo jurejurando firmavi quod pro inito fraternitatis federe in ho-

l. 5-nore beati Romarici preclari confessoris in ecclesia de Merlo altare infra annum edificabimus, in quo pro pace ac salute Romaricensis ecclesie

l. 6 ter ad minus in ebdomada divina mysteria celebrabuntur. Item si canonicus aut soror conventus Romaricensis obierit, quam cito ad noticiam predi-

l. 7-cti hospitalis pervenerit, commendacionem ac exsequias integras pro anima defuncti celebrabit et insuper alicui miserabili persone pro anima defun-

l. 8-cti usque ad anniversarium suum annua sicut uni ex fratribus ejusdem loci prebenda conferetur. Preterea si pro necessitate superveniente contingat

l. 9 canonicum aut sororem monasterii Romaricensis aliquando locum permutare, prefatum hospitale supervenientem honeste recipiet, necessaria administrans quam-

l. 10-diu ibidem commode poterit permanere, preter hec autem sub predicto juramento firmatum est quod de terris, pratis, vineis, censibus, nemoribus, aut rebus alüs

l. 11 ad Romaricensem ecclesiam spectantibus, domus de Merlo nichil omnino alienabit. Ad ultimum cum predicti hospitalis magister viam universe carnis ingressus

l. 12 fuerit, successor ipsius infra annum per se aut per nuncium idoneum si necessitas eum impediat cum litteris domus de Merlo ad ecclesiam Romaricensem humiliter

l. 13 accedens, predecessoris sui obitum nunciabit, cujus exsequias conventus Romaricensis sollempniter celebrabit et in recordationem inite fraternitatis substuitus magister

l. 14 gratiam ac familiaritatem ab ecclesia Romaricensi cum litteris capituli reportabit, ad observandum initam pactionem inter prefatum hospitale et prefatam Romaricensem ec-

l. 15-clesiam que in litteris domini Cabilonensis episcopi et capituli ejusdem habetur per juramentum se nomine hospitalis obligando et ea die qua venerit, Romaricensis ecclesia sibi

l. 16 necessaria ministrabit. Actum anno domini millesimo CC° septimo decimo.