Etienne, évêque de Metz, rappelle à l'abbé Adelon de Marmoutier que ses prédécesseurs ont livré les biens du domaine abbatial à des mininstériaux qui ont opprimé les moines. Ayant appris que, fatigués des exactions, ceux-ci voulaient fuir, l'évêque a repris, contre dédommagement payé par l'abbaye au chevalier qui les avait eus en bénéfice, 4 livres que celui-ci devait percevoir annuellement sur les revenus du monastère: avec l'accord du comte Folmar, avoué de l'évêque, Etienne a abandonné cette somme aux moines.

l. 1 [croix] IN NOMINE SANCTE ET INDIVIDUE TRINITATIS, STEPHANUS, DIVINA DICTANTE MISERICORDIA SANCTE METENSIS ECCLESIE EPISCOPUS, VENERABILI FRATRI ADELONI SANCTI MARTINI MAURIMONASTERI

l. 2 abbati ejusque successoribus ceterisque ejusdem loci fratribus, gratia vobis et pax ab eo qui est et qui venturus est, in perpetuum. Quoniam disposatione divinȩ providentiȩ rerum ȩcclesiasticarum regimina suscepimus, summa vigilantia

l. 3 ȩcclesiarum necessitatibus concurrere debuimus, precipue tamen ȩcclesiȩ nobis commissȩ appendentibus. Unde etiam dum vos, fratres, visitaremus et vestrorum atque loci necessaria consideraremus, pravorum hominum invasiones, distractiones ac diversas infestationes vos

l. 4 sepuis sustinuisse cognovimus. Nec mirum antecessores etenim nostri res ȩcclesiasticas ad secularia negocia transtulerunt t dominicaturȩ quasdam reliquias quasi peripsima vix reliquerunt superque ea ministeriales suos posuerunt, qui fratres in Dei servicio die

l. 5 noctuque laborantes vestrorumque provisores multis oppressionibus afficiebannt et in tanntum de die in diem infestationes exaggerabant. Quod vestrorum insolentiam declinare volentes, omnia relinquere ac secedere disponebatis. Unde hȩc audientes vestris com-

l. 6-passionibus necessario condoluimus atque anxio pectore versabamur qualiter tam gravi ȩcclesiȩ scandalo in posterum finem imponeremus. Denique superna disponente providentia memoriȩ reduximus qualiter in vestro loco ex reditu rerum diversarum singulis annis

l. 7 *IIIIor libras recipere debuimus. Quas tamen cuidam militi inbeneficiatas non sine magno labore et dampnoso vestro dispendio de manibus illius extraximus et consilio advocati, comitis Folmari, et ceterorum nostrorum fidelium vestrȩ necessitati pro spe retri-

l. 8-tionis ȩternȩ perpetuo remisimus. Quoniam autem non solum nobis, verum etiam omnibus nostris successoribus ad perpetuȩ hereditatis salutem futurum credimus beatȩ promissionis commercium, sanctis apostolis Petro et Paulo atque sancto MARTINO, vestri loci patronis, easdem res, unde

l. 9 predictus reditus solvebatur, hereditario jure designavimus et transfunditus advocati supradicti manus inmissione donavimus. Proinde notum esse volumus omnibus in Christo fidelibus tam futuris quam presentibus ut a progenie generatio

l. 10 cognoscat altera, cartȩ hujus traditionem auctoritate apostolica Petri et Pauli et banno episcopi confirmatam, ea lege et corroboratione ut ammodo nulla magna parvave persona eam infringere presumat. Si quis vero aliqua injusta presump-

l. 11-tione vel stulta temeritate contra hoc aliter facere temptaverit, secundo terciove commonitus, nisi satisfecerit, canonica feriatur sententia et perpetuo anathemate a sanctȩ matris ȩcclesiȩ gremio exterminetur. Quod ut

l. 12 credatur verius et ab omnibus custodiatur diligentius, nostri sigilli impressione subter designavimus et omnibus in Christo fidelibus sub testimoni Christi ac beatorum apostolorum Petri et Pauli ac totius ȩcclesiȩ obser-

l. 13-vandum precipientes obnixe rogamus. Hujus autem rei testes subscripti sunt: domnus Adalbero, Metensis primicerius; et Richerius, ejusdem loci decanus;,agister Garlandus; Otto, Sancti Salvatoris prepositus;

l. 14 Albertus Lupus et Tituinus, abbas Gorziensis; Bertrannus, abbas sancti ARNULFI. Comites etiam: Herimannus; Theodericus et frater ejus Fridericus; Guttefridus de Castro; Fridericus de Sarevuelde; Rainaldus et ne-

l. 15-pos ejus Heinricus; advocatus Otto ejusque filius Otto; Johannes, dapifer et Walterus, camerarius; Borcardus de Maurimonasterio. Actum Metis publice ad vicem Emmalrici cancellarii

l. 16 Anno dominicȩ incarnationis *Mo centesimo *XXoVo, indictione *IIIIta, regni Lotharii regis *Io, Stephano venerabili episcopo sedente episcopali Metensi sede *Vo, regnante in cȩlo Domino nostro Jhesu Christo.