Strasbourg, AD Bas-Rhin, H 609, n° 2
NuméroChLor2
GenreCharte
Date1123
Lieu non identifié
Supportparchemin
Fiabilité de l'actenon suspecté
Sceau
Etat de la traditionoriginal
Hauteur à gauche298 mm
Hauteur à droite298 mm
Largeur en haut398 mm
Largeur en bas398 mm
AuteurEtienne, évêque de Metz
BénéficiaireAdelon, abbé de Marmoutier
Regeste
Texte
l. 2 Stephanus, Dei gratia sanctae Metensis ecclesiae episcopus, gratia vobis et pax ab eo qui erat et qui est et qui venturus est.
l. 3 Quicquid devotione fidelium in ȩdificatione aecclesiarum ad memoriam et venerationem sanctorum construitur, universarum rerum
l. 4 conditori in laudem et querelam, ut dignum est, ascribitur atque multimoda informatione per officium pontificale ipsius defensionis dominio
l. 5 committitur. Eapropter notum esse volumus inn Christo fidelibus tam futuris quam presentibus qualiter rogatu venerabilis abbatis Maurimonasterii Adelonis
l. 6 una cum apostalicae sedis legato, domno Conone cardinali, aecclesiae ad sanctum Quirinum manus consecrationis Domino Deo cooperante imposuimus et dedi-
l. 7-cationem sanctae Dei Genitrici Mariȩ et sancto Quirino inibi requiescente martyri precioso adtitulavimus. Denique quando monachicȩ regulȩ fratribus locus est inmu-
l. 8-tatus, diligenti discretionis custodia disposuimus quatinus plebesanus presbiter suis parrochianis ad altare sanctae Crucis vivis ac defunctis prevideat, ita tamen
l. 9 ut fratribus inibi nullam inquietudinem vel molestiam inferre presumat, sed patienter tamdiu sustineat, donec domnus abbas in remotiori loco aecclesiam presbitero et populo con-
l. 10-stituat. Nunc itaque his omnibus taliter dispositis, atrium evidentibus signis determinatum et aecclesiam celesti sponso conjunctam cum omnibus sibi
l. 11 appendentibus mobilibus et inmobilibus canonicis et apostolicis institutis munire et custodire satagimus. Precepta igitur sanctorum patrum sequentes,
l. 12 in nomine Patris et Filii et Spiritus sancti denuntiamus et confirmamus ut nullus dux aut comes aut vicecomes vel aliqua magna parvave persona locum illum Deo
l. 13 ordinatum temeraria manu invadere, distrahere vel aliquid inde seu de omnibus illuc pertinentibus auferre presumat. Si quis aut spiritu superbiȩ ductus confir-
l. 14-mationem hujus cartȩ infregerit aut infringere adtemptaverit, perpetuo anathemati subjaceat et a coetu omnium fidelium in adventu venturi judicis
l. 15 depereat, nisi forte resipiscat et aecclesiam Dei quam per elationem lesit, humilitatus ablata restituendo juxta canonicam censuram satisfaciat. Advocatus autem summus,
l. 16 si forte aliquando ibi supervenerit, villicus facenta collecta cum villanis sumptus necessarios honorifice sibi prebeat. Si vero alium idoneum ad defensionem ȩc-
l. 17-clesiae loco suo posuerit et ille statuto tempore ad placitum benigne possideat et dom-
l. 18-nus abbas vel fratres in fraterna mansuetudine eum suscipiant et necessaria cum omni humilitate victualia prebeant. In mane vero eo discedente
l. 19 prandium honorifice sibi prebeant. Quod autem hȩc scripta et indicta verius credantur et firmius observentur, nostri sigilli impressione subter insigniri fecimus.
l. 20 Anno ab incarnatione Domini millesimo centesimo XXoCIIIo, indictione XV, Calixto II papante, Heinrico IIII feliciter regnante.
Responsable
Non relu
Comment citer cette notice
Acte n°2 dans Chartes originales conservées en France (1121-1220) , Christelle BALOUZAT-LOUBET, Jean-Baptiste RENAULT, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2013. (Telma). En abrégé, citer : « ChLor n°2»[En ligne] http://www.cn-telma.fr/originaux2/charte267557/. Date de mise à jour : 21/03/14.