Reims, AD Marne, 54 H 94 n° 1
Numéro99
Fiabilité de l'actenon suspecté
Genrecharte
Date03/08/1116(fiabilité :édition)
LieuReims(lat :Remis)
DiocèseReims
RégionChampagne/Ardenne
Supportparchemin
Chirographienon
Sceau sceau pendant perdu
Etat de la traditionoriginal
Hauteur à gauche680 mm
Largeur en bas485 mm
AuteurRaoul, archevêque de REIMS
BénéficiaireAbbaye de SAINT-DENIS de REIMS
Regeste
Fac-similé
Texte
l.2 Ego RODULFUS, non meis meritis sed miseratione divina Remensis ȩcclesiȩ humilis sacerdos, omnibus Christi fidelibus in perpetuum.
l.3 Suscepti pontificalis regiminis debita sollicitudine perurgemur, ȩcclesiis quibus propitia divinitas nos preesse voluit providere, et earum
l.4 necessitatibus pro facultate nobis divinitus concessa subvenire. Quocirca ȩcclesiȩ Beati DYONISII secus urbem Remensem sitȩ,
l.5 ad sustentationem et gubernationem fratrum inibi Deo servientium et postmodum in perpetuum serviturorum altare de Boeio, et altare de
l.6 Mare, pro animȩ nostrȩ remedio contulimus. Preterea in Attiniaco fisco quondam regio et apenditiis ejusdem Attiniaci, quod divina
l.7 misericordia per donum domni HUGONIS venerabilis Campaniȩ comitis, assentiente et probante gloriosissimo Francorum rege LUDOVI-
l.8-CO Remensi ȩcclesiȩ ad nostram successorumque nostrorum Remensium archiepiscoporum mensam contulit, decimam annonȩ, feni et omnium justorum
l.9 redituum eidem ȩcclesiȩ contradidimus, eo videlicet tenore ut prima dominica septuagesimȩ inde fratribus refectio paretur, et obitus nostri
l.10 anniversaria dies quotannis in eadem ȩcclesia celebretur; et de eisdem reditibus si superhabundaverint fratres eadem die refectionem
l.11 habeant. Donum etiam altarii de Novilisia quod decessor noster piȩ recordationis domnus MANASES archiepiscopus predictȩ largitus
l.12 est ȩcclesiȩ presentis privilegii auctoritate confirmamus. Et ut hȩc nostrȩ largitionis et confirmationis pagina rata permaneat
l.13 ac inconvulsa, honestarum personarum testimoniis cum nostrȩ imaginis aditamento eam muniri fecimus.
l.14 Signum Nicholai archidiaconi. Signum Fulconis archidiaconi. Signum Ȩbali praepositi. Signum Joffridi decani. Signum Lamberti cantoris. Signum Cyrici vicedomini. Signum Elberti, signum Odonis,
l.15 signum Ade presbiterorum. Signum Fulconis, signum Gerardi, signum Richardi dyaconorum. Signum Guidonis, signum Gervasii, signum Odonis subdyaconorum.
l.16 Actum Remis, anno incarnati Verbi millesimo CoXVIo, indictione VIIII, regnante glorioso Ludovico rege Francorum anno VIII,
l.17 archiepiscopatus autem domni Rodulfi anno VIIII. Fulcradus cancellarius recognovit, scripsit et subscripsit [croix].
l.18 [sceau].
Bibliographie
DEMOUY (Patrick), Actes des archevêques de Reims d'Arnoul à Renaud II, 997-1139, 3 vol., th. dact, Nancy, 1982, t. 2/1, p. 437-439, n° 167.
Responsable
M. Courtois
Comment citer cette notice
Acte n°99 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°99»[En ligne] http://www.cn-telma.fr/originaux/charte99/. Date de mise à jour : 29/03/12.