Charlemagne, roi des Francs, confirme à l'abbaye de Saint-Claude la donation de la cella de Saint-Lupicin, et accorde à la dite abbaye une partie de la forêt du Jura.

l.1 [chrisme] IN NOMINE SANCTAE ET INDIVIDUE TRINITATIS, KAROLUS, GRACIA DEI REX. SI EA, QUAE SANCTA DEI ECCLESIA ADQUISIERIT ET FIDELES NOSTRI, CONFIRMAVERIMUS PRECEPTO NOSTRAE AUCTORITATIS, IDCIRCO SCIMUS NOBIS DEI MISERICORDIAM PRESTOLARI ET VIVENTES
l.2 in nostra fidelitate promciores exhibemus. Quocirca noverit omnium optimatum ac nostrorum fidelium sollercia imperii nostri, quoniam venit ad nostre sublimitatis excellentiam Ricbertus venerabilis abbas ex monasterio Sancti Eugendi Juren-
l.3-sis in civitate Raemis apud Sanctum Remigium unacum abbate Dottone et comite Adalardo, quos antea direximus ad suum prefatum coenobium ad discernendas et inquirendas rationes, quas ipse habebat et Gedeon archi-
l.4-episcopus Vesontionensis de cella, in qua corpus beati Lupicini humatum jacet, humitenusque et Adeline supplicando petiit cum suis monachis, ut eis concederemus et confirmaremus precepto nostrae auctoritatis rectitudinem, quam
l.5 se ostendit habere ante nostrorum presentiam legatorum in predicta cella. Cujus peticioni assensum prebentes suam mansuetudinem humilitatemque videntes precipimus ut nullus dux, marchio, comes,
l.6 vicecomes vel aliquis ministerialis ipsam cellam subtrahat a jamdicto monasterio sancti Eugendi neque monachis ibidem Deo deservientibus aliquam molestiam neque damnietatem inferre presumat, sed sicut temporibus
l.7 priscorum patrum vel sanctorum, ut a multis didicimus, unianimes sive consortes fuerunt in silvis exartandis et terris laborandis, ita sint a presenti et in futuro socii in prosperis [et in adversis].
l.8 Ne ergo aliquis persona ab hac die et deinceps lites inferat monachis de prenominata cella suisque appendiciis, donamus ad prefatum locum Condatiscensem silvam qui vocatur Juris a termino Bracioli aquȩ
l.9 vocabulo Orba et in ipsa contra terminationem Nigri Montis, sicut pendit aqua, et in ipsa contra, ubi aqua in foveam intrat, usque in alpes et usque in viam, que venit per mediam Ferrariam
l.10 sicut aqua currit quȩ vocatur Seronna usque ad Brunnumbetus, et a Brunumbetus usque ad Salcimanam, et a Salcimana usque ad Betus Nociuum, et a Betus Nociuum terciam partem Escalon et
l.11 sicut ab ipsa jamdicta orba partibus occidentalibus venitur in calmibus Merrenses vocabulo, usque quo in planiciem perveniatur parrochie Segonciacense. Et ut hȩc nostre corroborationis
l.12 auctoritas pleniorem in Dei nomine obtineat vigorem, manu propria subter firmavimus et anuli nostri inpressione signamus.
l.13 SIGNUM KAROLI SERENISSIMI AUGUSTI. HRODMUNDUS NOTARIUS AD VICEM CANCELLARII RECOGNOVI [sceau].
l.14 Data XI kalendas octobris, anno XXII regni Karoli piissimi. Actum Remis civitate apud sanctum Remigium.

1

FINOT (Jules), Dissertation sur l'authenticité de la charte attribuée à Charlemagne et attribuant les terres du Haut-Jura à l’abbaye de Saint-Claude, in Mémoires de la Société d'Emulation du Jura, 1870, p. 131-152, p. 136-138.

BRUNE (P.), Diplômes de l'abbaye de Saint-Claude publiés dans l'Histoire de l'abbaye et de la terre de Saint-Claude par D. P. Benoît, Montreuil, 1890, pl. 2 (fac-similé).

BENOIT (P.), Histoire de l’abbaye et de la terre de de Saint-Claude, 2 vol., Montreuil-sur-Mer, 1890-1892, t. 1, p. 634.

POUPARDIN (René), Etude sur deux diplômes de Charlemagne pour l'abbaye de Saint-Claude, in Le Moyen Age, 1903, p. 345, p. 373-375, n° 1.

MÜHLBACHER (E.), Die Urkunden Pippins, Karlmanns und Karls des Grossen, Hanovre, 1906 (MGH Diplomata Karolinorum, 1), p. 454-455, n° 302.