Godefroid, évêque d'Amiens, confirme à l'abbaye de Saint-Fuscien-aux-Bois les autels donnés par le comte Enguerran.

l.1 IN NOMINE SANCTȨ ET INDIVIDUȨ TRINITATIS, AMEN.
l.2 Godefridus, Dei gratia sanctȩ Ambianensis ȩcclesiȩ episcopus, quibuslibet personis, per salutare regenerationis sacramentum in Patris et Filii et Spiritus Sancti timore
l.3 amore consolidatis, ita christianam militiam exercere in tabernaculo ut de manifesta visione regis beatȩ immortalitatis premium reportent in palatio.
l.4 Quoniam dilectissimi per gratiam Christi pastoralis curȩ dignitatem licet indigni suscepimus, officii nostri qualitate cogimur commissis dominicis ovibus omni
l.5 vigilantia sollertes excubias adhibere, luposque incursantes ab earum circuitu vivaciter propulsare, et ne aliquam patiantur negligentiam in
l.6 in alimonia tam corporali quam spirituali sollicita circumspectione providere. Si enim quorumdam secularium ratio et vita in tantum a Deo illu-
l.7-stratur, ut illud evangelicum: Facite vobis amicos de mamona iniquitatis, sincera devotione cordibus imprimentes sua Christi pauperibus, largiantur
l.8 quatinus ab ipso inestimabili mercede remunerentur, quanto magis nos sacerdotalis et leviticus ordo hereditas Christi assumptio Domini debemus
l.9 tanquam lucerna in domo Domini posita, alios ad bene agendum illustrare, ne nobis si torpentes fuerimus illud propheticum merito opponatur, erubesce
l.10 Sydon ait mare. Quia igitur ad diripiendas ȩcclesiasticas possessiones inepta, calumpniatorum et inpudens violentia, processu temporis emergere solet, ubi
l.11 vel privilegia vel personarum legitima testimonia ad medium non ducuntur, ad tilium occasiones radicitus extirpandas, oportet nos mucronem canonici vigoris
l.12 exerere, et ȩcclesiarum utilitatibus dupplici modo providere, videlicet ut ipsarum facultates per privilegia confirmemus, et ad ejus rei testimonium canonicas et
l.13 synodales personas adhibeamus. Hujus itaque considerationis ratione inductus ego GODEFRIDUS, episcopus, per auctoritatem a domno Paschali primȩ sedis
l.14 antistite mihi licet indigno traditam, assigno presentisque privilegii annotatione totiusque hujus conventus synodali confessione confirmo monasterio martyris
l.15 Christi Beati Fusciani ad victum monachorum ibidem Deo servientium quȩdam [altaria] quȩ Ingelrannus comes tenebat et illi ȩcclesiȩ tradidit ipsaque altaria eidem ȩcclesiȩ
l.16 per manum nostram confirmari concessit. Scilicet dimidium altare de Sanctis cum dimidio atrio. Pro quo tamen a monachis ejusdem monasterii Botuensi cellȩ quinque modiorum
l.17 frumenti census persolvetur et deducetur singulis annis post mortem Viviani clerici. Dimidium altare de Amelli, cum dimidio casso et dimidio atrio. Parrochialem ȩcclesiam Sanctȩ
l.18 MARIAE de Botua cum dimidio casso et toto atrio. Altare de Glisi et atrium. Altare de Camce et atrium. Altare de Gutincurt et atrium. Altare de Rumellis et atrium. Altare
l.19 de Fraisnet in Santers et atrium cum XI metis frumentalis terrȩ, ad dotem ecclesie pertinentis. Altare de Fraisnet quod adjacet castro Piceio et atrium. Altaris de Corci minute decimȩ
l.20 mediam partem. Altaris de Botuella minute decime duas partes. Altaris de Vilers Hernoldi mediam partem, de cassi tertia parte duas partes. Ȩcclesiȩ de Hornet cassi
l.21 sextam partem. Ȩcclesiam quoque Sancti Remigii in suburbio hujus civitatis sitam que specialiter ad cathedram nostram pertinet, cum tota possessiuncula sua quam ab exordio sui regu-
l.22-lariter adepta est ut ibi Deo a monachis serviatur eidem martyris Christi monasterio concedo salva in omnibus istis nostra pontificali dignitate et synodalibus exeniis.
l.23 Si quis autem superbiȩ et avaritiȩ telle transfixus in posterum contra auctoritatem nostram surrexerit et per aliquem dolum vel vim sive machinationem de his quȩ per presens privilegium
l.24 confirmantur ab ȩcclesia martyris Christi Beati Fusciani aliquid abstulerit sive distraxerit gladio Sancti Spiritus percussus moriatur, et nisi peccatum canonica satisfactione correxerit, cum Sathana et ejus
l.25 complicibus gehennalibus flamis traditus in ȩternum excrucietur. Ego Godefridus, Ambianensis cathedrȩ episcopus, huic privilegio in synodo Ambianensi, in ȩcclesia Sanctȩ Mariȩ ab universis concorditer confirmato, primus subscripsi atque vo-
l.26-luntate promtissima consensi. Signum Jhesus (Alpha [croix] Omega) Christus Godefridi, episcopi. Signum Fulconis, archidiaconi. Signum Ingelranni, archidiaconi. Signum Rogeri, decani. Signum Oberti, praepositi. Signum Rogeri, cantoris. Signum Raineri, thesaurarii. Signum Gualteri, abbatis Sancti Judoci. Signum Rotberti, abbatis Sancte Mariȩ Forestensis monasterii.
l.27 Signum Johannis, abbatis monasterii Sancti Jeremari. Signum Guilelmi, abbatis Sanctȩ Mariȩ Brituliensis. Signum Anscheri, abbatis Virtuensis ȩcclesiȩ. Actum est hoc anno Verbi incarnati MoCoVo, inditione XIII, presidente in cathedra Romane ȩcclesiȩ Paschali pape IIo, et in Remensi Manasse
l.28 archiepiscopo, et in Ambianensi Godefrido episcopo, Francorum rege Philippo duce exercitus sui filio suo Ludovico, Ambianensi consule Ingelranno. Feliciter. Amen. Geralidus, Ambianensis ȩcclesiȩ subdiaconus vices cancellarii exequens subscripsit [croix].

ESTIENNE (J.), Chartes de saint Geoffroy, évêque d'Amiens (1105-1112), in Bibliothèque de l'Ecole des Chartes, 90 (1929), p. 37-50, p. 44-46, n° 1.

MORELLE (Laurent), Un "grégorien" au miroir de ses chartes: Geoffroy, évêque d'Amiens : 1104-1115, in A propos des actes d'évêques : Hommage à Lucie Fossier, Nancy, PUN, 1991, p. 177-218 (Actes des évêques de France), p. 215-216, n° L 34.