Nicolas, abbé de Corbie, notifie que, sur le point de partir en Croisade, le comte de Flandre Robert II a renoncé à ce qu'il avait usurpé à Woumen, profitant de son avouerie. Il précise les nouvelles règles du partage des droits sur Woumen.

l.1 N., Dei gratia abbas Corbeiȩ. Justa principum vota justaque beneficia ad exemplum et memoriam
l.2 multis scribenda sunt, ut unde alii boni efficiuntur, alii ad bonitatem accendantur. Unde
l.3 scribi et in perpetuum sciri volumus comitis Rotberti clementissimi Flandriarum princi-
l.4-pis erga nostrum Corbeiense monasterium benivolam mansuetudinem et de Walnensi
l.5 nemore mediam recognitionem. Quod quidem sancti Petri antiquo jure totum et indiscre-
l.6-tum fuit, sed quoniam potentes finitimi dampno et ereptioni erant, comitem terrȩ ȩcclesia in advo-
l.7-catum recepit, et quod prius continuum et indivisum habuerat, ob solam ei defensionem ad medium
l.8 contulit, terra tamen vacua in beati Petri possessione retenta. Sed quia plerumque terre-
l.9-na advocatio ȩcclesiarum magis fuit oppressio, successu temporis res in contrarium cessit,
l.10 et quod commune fuerat, vis comitum velut proprium occupavit, ac terram nemore vacuam
l.11 quȩ tota sancti Petri erat in suam ditionem convertit. Hinc multi clamores apud singulos co-
l.12-mitum, sed non potuit flecti in clementia aliquorum. Nunc ergo comes R. divina aspirante gratia
l.13 Hierusalem profecturus ob suȩ salutem animȩ justam et ȩquam medietatem in omni terra
l.14 et nemore sancto Petro cujus totum fuerat recognoscit, et adjacentem terram quam ipse aufere-
l.15-bat, unde et partem in sua manu tenebat, partem quoque suis hominibus dederat, nobis ad medium
l.16 reddidit, jure quidem prius facto, et super altare sancti Petri eo jubente posito. Decrevit
l.17 quoque ut forestarii communem fidelitatem faciant, et de omnibus quȩcumque exierint nobis et
l.18 ipsi tantumdem reddant, excepto quod accipiter et venatio comiti singulariter cedit, pro quibus
l.19 vero mel in sua sola parte ȩcclesia recipit. Permisit quoque ut impositis ab eo forestariis commune quidem
l.20 commodum de eorum impositione habeamus. Addit preterea ut in ȩdificiis et reliquis aut ignium aut
l.21 operum usibus materiem et ligna necessaria accipiamus. Quod si comes lignum vel unum vel plura aut
l.22 dederit aut acceperit, lignum pro ligno, plura pro pluribus ȩquali numero ȩcclesia rehabebit. Con-
l.23-cedit quoque ut singulis annis a nostris et suis insimul hominibus nemus lustretur, et ubi vacua terra
l.24 inventa fuerit, iterum ad idem medium dividatur. Et ita ut eandem terram inter nos et ipsum ȩqua
l.25 dimensione dividi faciat, ac per hoc deinceps omnem contentionem submoveat. Et quia firmitatis
l.26 causa postulat, ut quod de rebus ȩcclesiasticis agitur, scriptis evidentibus ad memoriam commendetur,
l.27 placuit hujusmodi conditionem ad multorum noticiam scribere, et Dei omnipotentis misericordiam ac be-
l.28-nignissimi principis clementiam denuo expectare. Si quis autem his omnibus in aliquo contrarius extite-
l.29-rit, comes aut sucessores ejus seu etiam castellanus Brugensis in cujus castellatura ipsa terra ipsaque
l.30 silva est, justiciam pacemque inde faciant. Qui hȩc custodierit, custodiat eum Dominus ac benedicat, qui
l.31 autem infregerit, confringat eum ille lapis angularis, ac ȩternȩ damnationi subiciat nisi resipiscat.
l.32 Actum sub die kalendarum augusti ternarum, anno incarnati Verbi M nonagesimo
l.33 sexto, coram his testibus, abbate Nicolao, Everardo camerario, Fulcone monacho,
l.34 Balduino de Gant, Radulfo camerario, Rotberto castellano Brugense, Winemaro
l.35 castellano de Gant, Conone, Athelardo filio ejus, Gotsuino de Walnes, Radulfo
l.36 filio Ingramni, Theoderico fratre ejus, Alvuoldo forestario, Ricuardo fratre ejus, Erkembol-
l.37-do de Esnes, Bervualdo filio ejus, Eustachio de Encre, Huberto de Encre, Ulrico de Cor-
l.38-beia, Hescelino, Gradulfo, Balduino de Salgiaco, item Balduino.
l.39 Hȩc carta confirmata est apud Roslere.
l.40 [sceau]. CYROGRAPHUM.

ligne 19-20 : La clause "Permisit quoque... habeamus" a été biffée, selon L. Morelle, dès avant l'approbation comtale de cette charte.