Foulques, abbé de Corbie, notifie que Gui, évêque d'Amiens, lui a demandé Naours en viager, avec ses dépendances, et la moitié de Varennes, avec promesse de n'en rien aliéner, de rendre l'autel de l'église du lieu pour qu'on y fasse un prieuré, et contre un cens de quatre sous pour l'autel et de 20 sous pour la terre.

l.1 [croix] IN NOMINE SANCTȨ ET INDIVIDUȨ TRINITATIS QUȨ BONORUM OMNIUM EST PRINCIPIUM FULCO, ABBAS
l.2 CORBEIȨ, et fratres qui sunt mecum, fidelibus nostris et omnibus diligentibus justitiam, pacem et omne gaudium. Cum nostra inter sit de
l.3 rebus nostris sollicitudinem gerere, eas nos oportet vestro consilio et testimonio bonorum disponere. Et quidem nostri operis est
l.4 rerum monasterii amministratio et providentia, quȩ autem in exterioribus causis geruntur, bonum esse credimus ad vestram et eorum
l.5 omnium notitiam qui secuntur ȩquitatem referre cum omni diligentia, ut nulla aliquando possit evacuari falsitate inditium verita-
l.6-tis, cum in eorum qui justitiȩ nihil preferendum esse arbitrantur sonuerit audientia. Notum sit ergo vobis inpresentiarum positis et futuris
l.7 post nos nostris vestrisque successoribus, universis quoque christianis de justitia sua a Domino retributionem sperantibus, donnum VUIDONEM
l.8 Ambianensium pontificem ad nos venisse, et nostram amicitiam expetisse, suam vero gratiam nobis prȩrogando consilium suum, opem, atque
l.9 auxilium in omni re et in omni negotio quantum valebit omnibus modis nostrum quȩrendo commodum promisisse. Postulasse autem eum
l.10 a nobis indulgeri sibi et impetrasse tantum in vita sua possessionem quandam SANCTI PETRI, quȩ appellatur Nauurz et membra ad
l.11 eandem potestatem pertinentia, id est Castenith, Pincencurt, et medietatem de Vuarennis, et ea quȩ in terra arabili aut nemorosa
l.12 ad eundem vicum nullo calumpniante appendere videntur, vel quȩ contentionem movent et a quibuslibet prȩoccupata in-
l.13-juste detinentur, sub ea conditione quod ipse prout poterit diligentius causam indagando quȩ a prefata potestate alienata
l.14 sunt eidem reformabit et restituet. De jure autem Corbeiensis monasterii potestatem ipsam aut membra ejus non alienabit, neque
l.15 ex ea sancto Petro ad dannum exsistet, neque de his functionibus quȩ de silva sive de vervecibus in nativitate sancti Johannis Baptiste
l.16 colliguntur in contradictionem nobis veniet, neque terras ejusdem possessionis nobis in vita sua occupabit, sed eas quantum possibile fu-
l.17-erit ab omni impedimento emancipabit et immunes faciet, ut quando ipse, evocante Deo, vita decesserit, familia sancti Petri quod
l.18 suum est recognoscat, simul etiam quȩcumque donnus episcopus ibidem instauraverit, ȩdificia scilicet et carrucas et labores earum, et terras
l.19 quas potestati restituerit vel quicquid ei in aliquo questu addiderit, hȩc eadem domus sibi vindicet et libere possideat. Altare
l.20 vero de basilica ejusdem villȩ monasterio nostro restituet, ut cella sit sicut fuit antiquitus, et illud in vita sua censualiter
l.21 tenebit quemadmodum ea de quibus dictum est superius. Et pro altari quidem in predicta sollempnitate sancti Johannis dabit solidos IIIIor
l.22 et pro terris XX in respectu earum redibitionum quas vel ex silva vel ex diversis consuetudinibus vicus exsolvit omni anno.
l.23 Pro hospitibus autem in Nativitate Domini pulli IIIIor et panes totidem dabuntur nobis pro monimento. Bis vero per annum in duabus synodis
l.24 hanc quam ad nos habet de villa dicta sepius conventionem renovabit, ibique et in cȩna Domini itemque in publico conventu qui fit
l.25 post Ascensionem Domini coram clero et universo populo excumunicabit omnem hominem qui post decessum ejus villam quȩ dicitur
l.26 Nauurz aut per se vel per qualemcumque personam invadere temptaverit, aut ullam omnino tortitudinem ex ea vel ex membris ejus
l.27 sancto Petro facere presumpserit. Accepta ergo fide et securitate ab eo omni integritate hoc pactum conservatum iri, de nostris
l.28 et de suis idoneos testes adhibuimus, et ante altare sancti Petri in conspectu multorum qui ad hoc convenerant sub hujus
l.29 cautionis cyrographo prenominatam potestatem ei firmavimus.
l.30 Actum Corbeiȩ, VI kalendas septembris, indictione prima, epacta undecima concurrente quarta, anno ab Incarnatione Domini
l.31 millesimo LXIIIIo, Francis imperante Philippo, sanctȩ Romanȩ et apostolicȩ sedi presidente papa Alexandro, et Remensis
l.32 metropoleos ȩcclesiam regente Gervasio venerabili archiepiscopo. [colonne1] SIGNATORES. Fulco, abbas. Geroldus. Fulbertus. Vualdo. Ursio. Ingobrandus. Balduinus. Hugo. Vualcodus. Everardus. Goisbertus. Rotbertus. Olricus. Item Olricus. Nicholaus. Renerus. Gunselinus. Anscherus. Vualdricus. Vualterus. Vuibertus. Bernerus. Acardus. Hervinus. [colonne2] Eustachius. Rotbertus. Otbertus. Balduinus. Item Balduinus. Mainerus. Matselinus. Vuenerannus. Merandus. Albertus. Lantbertus. Item Lantbertus. Vuibertus. Vuiboldus. Florentius. Hugo. Gamelo. Fulco. Drogo. Godefridus. Lantbertus, clericus. Rogerus. Rodulfus. Alvredus. [colonne3] TESTES. Vualdricus, castellanus. Drogo filius ejus. Lantbertus. Vualterus filius ejus. Gerardus. Vuerno. Gebuinus. Milo. Anscherus. Vuiboldus. Rogerus. Balduinus. Hugo. Item Hugo. Rainbertus. Landricus. Rotbertus. Item Rotbertus. Effridus Encrensis. Hugo. Amolricus. Balduinus. Albertus. Teuvinus. Gamelo, Hugo. Vulbertus. Johannes. Alerannus. [colonne4] Ibertus. Drogo. Adelelmus. Vuermundus. Rodulfus. Isenbertus. Geroldus. [colonne5] Clerici. Vuido. Amolricus. Rotbertus clericus. Item Rotbertus. Adelelmus. Ingelbertus. Alulfus. Ogerus.
l.33 Odolricus cogente abbate scripsit. CIROGRAPHUM.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 10, Instr, col. 288, n° 7.

MORELLE (Laurent), Les chartes de l'abbaye de Corbie : 988-1196 : présentation et édition critique, Thèse de 3e cycle, Paris IV, 1988, 3 vol., t. 2, p. 140-146, n° 16.

MORELLE (Laurent), « Une pièce exceptionnelle du chartrier de Corbie : la charte de l’abbé Foulque de 1064 », in Bulletin de la Société nationale des Antiquaires de France, 2003, p. 222-236 (étude et édition).