Louis l'Aveugle, empereur, restitue à l'église cathédrale d'Avignon l'abbaye de Saint-Ruf, l'église Saint-Julien et le territoire de Capistiniano situés dans le comté d'Avignon.

l.1 IN NOMINE SUMMI DEI AETERNI ET SALVATORIS NOSTRI JHESU XPISTI, HLUDUWICUS, IPSIUS ORDINANTE PROVIDENTIA IMPERATOR AUGUSTUS. IMPERIALIS DIGNITATIS EXCELENTIA NULLA MAJOR EXTAT QUAM
l.2 ut, propter beatitudinis remunerationem, justis fidelium suorum precibus aures clementie accommodare debeat, et tanto libentius ea que expostulaverint largire non abneget quanto eos in obsequio
l.3 sue utilitatis et magnitudinis perspexerit promptiores et [ex condi]tione sui honoris ferventiores. Igitur comperiat omnium fidelium sanctȩ Dei ecclesiȩ industria quoniam Boso, venerabilis comes nosterque propinquus, necnon et Folcherius,
l.4 presul Avinionensis obtimus, nostre sublimitatis excellentiam accedentes, innotuerunt humiliter quandam abbatiolam Sancti Rufi et eclesiam Sancti Juliani, cum territorio sito Capistiniano, que conjacent in comitatu Avinionense, temporibus
l.5 priscis a religiosis christianis matris ecclesiȩ Sancte Marie et Sancti Stephani ac Sancti Johannis Baptiste digna cessione conlatas, jam preterito longo tempore inter reliquarum rerum subtractionem injuste fuisse sublatas; unde sereni-
l.6-tatem celsitudinis nostre suplices oraverunt quatinus, ob amorem Christi et anime nostre remunerationem, jamdictas ecclesias, que injuste vel temere ab eadem sancta matre ecclesia Avinionensi subtracta fuerant, cum suis omnibus reditibus
l.7 juste et legaliter redderemus ac reddentes prefate matris ecclesie precepto nostre auctoritatis confirmaremus. Cujus precibus ac justis peticionibus, ob emolumento mercedis ac retribucionis nostre et propter diutinum famulantum ab ipsis
l.8 nobis exhibitum, libentissime annuentes, hoc serenitatis nostre preceptum fieri jussimus, per quod jam prelibatam abbatiolam cum omnibus appendiciis suis, tam exquisitis quam inexquisitis, et suprafatam ecclesiam, cum suo territorio Capistiniano
l.9 et omnibus adjacenciis suis, prefate ecclesiȩ Sanctȩ Marie et Sancti Stephani et Sancti Johannis [at]que presuli Folcherio ejusque successoribus reddimus ac redita perpetuis temporibus eorum utilitatibus subesse volumus atque prodesse ubique.
l.10 Et ut hec nostre largitionis ac restitutionis auctoritas omni tempore inconvulsam obtinere valeat firmitatis rigorem, manu propria subter firmavimus et anuli nostri impressione adsignari jussimus.
l.11 SIGNUM [monogramme] HLUDUWICI SERENISSIMI AUGUSTI.
l.12 UBOLDUS NOTHARIUS AD VICEM ALEXANDRI ARCHICANCELLARII RECOGNOVI ET S[UBSCRIPSI] [sceau].
l.13 Datum est hohc preceptum Vienne publice, anno DCCCCXVIII, XV kalendas septembris, anno etiam XVII imperii domni nostri Hluduvici augusti, indicione VIII. In Christi nomine, feliciter. Amen.

1

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 1, Instr, col. 138-139, n° 6.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 9, p. 686-687, n° 19.

MANTEYER (Georges de ), Les chartes du pays d'Avignon : 439-1040, Mâcon : Protat, 1914, p. 31-33, n° 40.

POUPARDIN (René), Recueil des actes des rois de Provence (855-928), Paris, 1920 (Chartes et diplômes relatifs à l'histoire de France), p. 101-102, n° 55.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 9, pl. 5 (fac-similé).