Louis l'Aveugle, empereur, donne à son fidèle Stercherius le domaine fiscal de Cadillan avec l'église Notre-Dame, situé dans le comté d'Avignon.

l.1 IN NOMINE DOMINI DEI AERNI, LUDUVUICUS, IPSIUS FAVENTE NUTU IMPERATOR AUGUSTUS. DIGNUM EST
l.2 ut imperialis magestas procerum fideliumque suorum peticionibus oportuna prebeat beneficia, eorum utilitatibus
l.3 pietatis sue prevideat adminiculo, quatinus eos nobilitando erga sua reddat promtiores obsequia. Itaque omnium
l.4 fidelium sancte Dei ecclesie nostrorumque, presentium et futurorum, comperiat magnitudo quoniam Boso, inclitus comes nosterque fidelis
l.5 et propinquus, nostram enixius petiit clementiam ut aliquid ex rebus nostris que sunt in comitatu Avinionense, hoc est
l.6 Cadellianum fiscum, cum ecclesia Sancte Marie, que modo destructa fore videtur, cuidam fideli nostro Stercherio per preceptum
l.7 nostre largicionis ad proprietatem concederemus. Cujus peticioni assensum prebentes, hos eminentie nostre apices
l.8 fieri decrevimus, per quos supradictus fidelis noster Stercherius memoratum fiscum et ecclesiam cum terris scilicet cultis et in-
l.9-cultis, vineis, pratis et silvis necnon et mancipiis utriusque sexus et aetatis et omnibus ibi pertinentibus, teneat et possideat vel quic-
l.10-quid ad proprietatem secundum proprium libitum facere voluerit faciat et cuicumque distribuere voluerit distribuat et qui-
l.11-cumque hoc nostre conlacionis donum violare presumpserit, multatus XII librarum auri poenam percellat, medietatem sacri palatii nostri aera-
l.12-rii et medietatem contra quem litem intulerit. Et ut haec nostre largitionis auctoritas inconvulsam obtineat firmitatem,
l.13 manu propria subter firmavimus et anuli nostri inpressione adsignari jussimus.
l.14 SIGNUM [monogramme] LUDUVICI SERENISSIMI AUGUSTI.
l.15 UBOLDUS NOTHARIUS AD VICEM ALEXANDRI ARCHICANCELLARII RECOGNOVIT ET S[UBSCRIPSI] [ruche] [sceau].
l.16 Datum est hoc preceptum Vienne publice, II idus mai, anno XVIIII imperii domni nostri Luduvici sere-
l.17-nissimi augusti. In Christi nomine, feliciter. Amen.

1

MANTEYER (Georges de ), Les chartes du pays d'Avignon : 439-1040, Mâcon : Protat, 1914, p. 33-34, n° 41.

POUPARDIN (René), Recueil des actes des rois de Provence (855-928), Paris, 1920 (Chartes et diplômes relatifs à l'histoire de France), p. 103-104, n° 56.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 9, pl. 9 (fac-similé).