Aimon, seigneur de Til-Châtel, donne en présence de Joceran, évêque de Langres, la terre de Boeis et ce qu'il y possédait à l'église Saint-Bénigne de Dijon.

l.1 IN NOMINE SANCTE ET INDIVIDUE TRINITATIS PATRIS, ET FILII, ET SPIRITUS SANCTI, AMEN.
l.2 Quandocumque a viris nobilibus quod ipsorum nobilitati congruum, valdeque conpetens esse videtur, aliquid ȩcclesie bonitatis impenditur
l.3 ab ipsis ȩcclesie filiis, litterali memorie commendetur, ne in posterum malicia invidorum, calumpnia inferatur, vel inlata,
l.4 litterarum testimonio confusa conprimatur. Quapropter dissensionem vel controversiam, inter Divionenses monachos
l.5 et Aymonem dominum de Tile Castro diucius habitam, in cunctorum audiencia recitamus, ne dissensio illa Deo volente
l.6 in pacem et concordiam tandem conversa, futurorum quod absit malignitate vel invidia repetatur. Ipse igitur Aymo
l.7 de Tile castro monachis Divionensibus terram de Boeis quam ipsi diucius tenuerant, calumpniando gravem molestiam
l.8 intulit, sed Deo volente calumpnie finem imposuit dum se sapientum consilio pacificum exibuit. Nam utrorumque, monacho-
l.9-rum videlicet et ipsius Aymonis causa, in presencia domni Joceranni Lingonensis episcopi recitatur, que multo-
l.10-rum nobilium industria, ut ita dixerim laudabiliter in melius transmutatur; quia ipse Aymo totam terram
l.11 de Boeis vel quicquid ibi est vel esse potest cum totis appendiciis et reditibus, tam de se quam de suis heredibus
l.12 vel servientibus suis liberum ac quietum usque in perpetuum, in manu domni Joceranni Lingonensis episcopi
l.13 et Heynrici Divionensis abbatis proclamavit, et sancto Benigno Divionensis ȩcclesie patrono, sine aliqua inquietudine
l.14 vel exactione deinceps tenendum et possidendum concessit. Hujus rei in posterum calumpniatores domnus
l.15 Jocerannus episcopus, ipso presente et laudante, maledixit, et usque resipiscant et ad satisfactionem veniant
l.16 sub anathematis sentencia conmultavit. Hujus rei testes sunt, ego Jocerannus episcopus, qui hoc confirmavi
l.17 et sigillo meo cartam istam sigillari precepi; Jocelmus archidiaconus; Arnaldus Divionensis decanus;
l.18 Raynerius de Castellione; Milo dominus de Sarmacia; Nivardus miles; Girardus de Castellione; Oddo Viridis;
l.19 Petrus major de Saciaco; Aillardus famulus; Oddo famulus abbatis;
l.20 et alii quamplures.
l.21 [sceau].