Manassès, archevêque de Reims, concède à l'abbaye Saint-Remi de Reims l'autel de Coulommes, sine persona.

l.1 IN NOMINE SANCTȨ ET INDIVIDUȨ TRINITATIS PATRIS ET FILII ET SPIRITUS SANCTI,
l.2 MANASSES, superna dispensante gratia nomine non executione operis Remorum archiepiscopus, omnibus qui se Christi sanguine redemtos gloriantur inter
l.3 ejus membra annumerari. Ab universis quos ad regendam ȩcclesiam Dei Spiritus Sanctus preficere dignatur, sollertissima attentione convenit esse provisum,
l.4 ne in locis sibi divinitus commissis causȩ aliquȩ suboriantur, per quas dominici gregis necessitudinibus res congruȩ detrimentum paciantur, et si forte
l.5 emerserint, ne invalescant eorum est studio et labore satagendum. Considerantes itaque per altare de Colummis, quod ȩcclesia Sancti
l.6 REMIGII per successionem personarum hucusque tenuerat, in mutatione personȩ occasione accepta, prefatum monasterium rerum suarum
l.7 sustinere dispendium, interventu abbatis AZENERII illud sancto REMIGIO contulimus, et absque personarum vicissitudine
l.8 perpetuo tenendum concessimus. Ut autem hoc nostrȩ largitionis edictum in posterum inconcussum permaneat, probabilibus
l.9 personis illud firmari, et nostrȩ imaginis impressione in secula roborari jussimus. Signum AZENERII, abbatis Sancti REMIGII.
l.10 Signum Gervasii archidiaconi. Signum Oebali archidiaconi. Signum Rodulfi prepositi. Signum Jofridi decani. Signum Richeri cantoris.
l.11 Signum Elberti, signum Odalrici, signum Odonis presbiterorum. Signum Fulconis, signum Gerardi, signum Odalrici diaconorum. Signum Ysembardi,
l.12 signum Adȩ, signum Guidonis subdiaconorum. Signum Rodulfi, abbatis Sancti Theoderici. Signum Hugonis Altovillarensis abbatis.
l.13 Signum Joranni abbatis Sancti NICHASII. Actum Remis, anno incarnati Verbi millesimo CmoIIIIto,
l.14 indictione XIIa, regnante Philippo rege Francorum anno XLIo, archiepiscopatus autem domni Manassȩ anno VIIIIno.
l.15 Fulcradus cancellarius scripsit et subscripsit [sceau].

MARLOT (G.), Metropolis Remensis historia, 2 vol., Lille et Reims, 1666-1679, t. 2, p. 234-235.

MARLOT (G.), Histoire de la ville, cité et université de Reims, métropolitaine de la Gaule Belgique, 4 vol., Reims, 1843-1845, t. 3, p. 725-726.

DEMOUY (Patrick), Actes des archevêques de Reims d'Arnoul à Renaud II, 997-1139, 3 vol., th. dact, Nancy, 1982, t. 2/1, p. 373-375, n° 137.