Philippe, évêque de Troyes, à la prière de Robert, premier abbé de Molesmes, confère aux frères de Radonvilliers la maison-Dieu de la Rothière, leur attribue la moitié des produits de la chapelle dudit lieu et détermine les obligations du curé.

l.1 IN NOMINE PATRIS ET FILII ET SPIRITUS SANCTI, AMEN. Ego Philippus Dei gratia Trecensis episcopus notum facio
l.2 tam presentibus quam futuris, quod ad petitionem donni Roberti primi abbatis Molismensis et fratrum ejus, de communi
l.3 quoque capituli nostri consensu, dono et concedo fratribus apud Radonvillare sub obedientia ejusdem Molismensis ecclesie manen-
l.4-tibus domum Dei de Rosteria cum appendiciis suis jure perpetuo possidendam, in qua videlicet capella de Rosteria
l.5 omnem medietatem habebunt monachi Radonvillaris preter reconciliationes mulierum, et confessiones, et de-
l.6-narium de caritate in dominico die. Cum autem in tribus anni festivitatibus, Natalis scilicet Domini, et Pasche, et Omnium
l.7 Sanctorum de singulis domibus Rosterie vir unus vel femina ad matrem ecclesiam Duinville cum oblatione sua ierint, presbiter
l.8 ejusdem ville unam postea missam cantabit, quam audient ceteri qui remanebunt, et in oblatione illa habebunt
l.9 monachi medietatem. In oblatione vero prime misse quam presbiter ibi omni tempore cantaverit, sive ex mortuis sive ex die,
l.10 medietatem habebunt monachi, et si postea quam ibi cantaverit, iterum pro defunctis cantaverit, nil ibi percipient
l.11 monachi, nisi corpus fuerit in presenti. Candelam et clavem ecclesie presbiter habebit, de qua candela cum ibi affuerint mona-
l.12-chi habebunt quantum eis opus fuerit, et in testamentis morientium presbitero faciendis medietatem habebunt monachi, nil
l.13 vero habebit presbiter in hiis que monachis dimittentur. Domus itaque Dei ubi pauperes recipiuntur, et duo Jugera terre eidem conti-
l.14-gua propria sunt monachis, et de hominibus ibi ad censum vel consuetudinem hospitaturis, redditionem divident inter se mo-
l.15-nachi, et Milo Duinville dominus, sed et si quid beneficii ex ejusdem ville baptisterio provenerit, monachis est medietas. Qui-
l.16-cumque autem super hiis in aliquo presumpserint eisdem monachis in posterum contraire, donec ad emendationem vene-
l.17-rint, a sacratissimo corpore et sanguine Domini nostri Jhesu Christi sequestrentur. Testes inde sunt Girardus, Drogo, Jocelmus,
l.18 archidiaconi nostri, Odo cantor, Anselmus camerarius, Hugo presbiter, Galterus diaconus, Hugo Rufus subdiaconus, Rainardus
l.19 decanus. Actum hoc publice Trecis nostroque sigillo sollempniter confirmatum, anno ab Incarnatione Domini Mo-
l.20-CoIIIIo, indictione XIIa, Paschali Romano pontifice feliciter presidente, Philippo autem rege Francorum regnante.
l.21 [sceau].

L'écriture appartient davantage au type de la gothique cursive de la fin du XIIe siècle. 1