Hugues II, duc de Bourgogne, remet à Saint-Bénigne les coutumes et redevances, justes ou injustes, réclamées jusque là par les ducs ses prédécesseurs, ou par ses propres officiers, à Plombières, dont il affranchit, en ce qui le concerne, les habitants présents et à venir. Il fait de même pour le parcours de Longvic, dont les habitants sont pareillement affranchis.

l.1 IN NOMINE PATRIS ET FILII ET SPIRITUS SANCTI. Ego HUGO dux Burgundiȩ filius Odonis ducis notifico presentibus et futuris elemosinam quam feci ȩcclesiȩ Divionensi, per manum
l.2 domni JARENTONIS abbatis, pro anima patris mei, in itinere Hierosolimitano defuncti. Apud Plumbarias villam Sancti Benigni homines ducis mala innumera committebant, occasione qua-
l.3-rundam consuetudinum et quarundam exactionum quas in eadem villa se habere dicebant. Unde et villa ipsa pene fuerat redacta in nichilum, dum habitatores ipsius tantarum exactionum
l.4 violentiam ferre non valentes, quaqua passim diffugiunt. Et quia eȩdem violentiȩ tempore ducatus patris mei maxime increverant, cum mihi obitum ejus certi nuncii detulissent, tum pro remedi-
l.5-o animȩ ipsius et omnium antecessorum meorum, tum etiam pro me ipso, ut Deus principatum adolescentiȩ meȩ usque in senectam et senium secundum suam dirigat voluntatem, supradictam villam in inte-
l.6-gram restitui libertatem. Assumptis etenim quam plurimis nobilissimis viris unacum fratre meo Heinrico, in capitulum Divionense veni, et omnes consuetudines et exactiones justas et injustas
l.7 quas ab eadem villa antecessores mei duces et homines eorum exegerant, et quas ego et homines mei exigebamus, relaxavi, et per hanc cartam usque in perpetuum relaxo Deo et Sancto Benigno, abbati Jarentoni
l.8 et monachis Divionensibus, scilicet percursus, mariscalcias, brennarias, arbergarias, cautiones et superprisias et precarias, et quicquid consuetudinis atque exactionis predecessores mei
l.9 duces ab hominibus ipsius villȩ exigere solebant, vel per se, vel per suos. Homines quoque et feminas qui eandem villam inhabitant et deinceps inhabitaturi sunt, ab omni mea meo-
l.10-rumque exactione quietos et liberos dimitto. Et ut nullus ex posteris meis eos ullatenus inquietare presumat, presentis cartȩ meȩ auctoritate interdico. Relaxo etiam
l.11 omnes consuetudines et exactiones justas et injustas quas apud Longum vicum faciebam, et nominatim percursum illum quem homines sive armigeri ducis per agros
l.12 vel intra villam faciebant: et precipio ut percursus ille intra villam aut per agros ulterius non fiat, sed villȩ ipsius habitatores tam ab hac quam ab omni alia exactione
l.13 sive justa sive injusta quieti ac liberi permaneant. Post aliquibus itaque annis Hugo prepositus meus cepit ipsam potestatem infringere, et quod relaxaveram repetere me inscio. Quod cum
l.14 audissem dolui, et ipsum prepositum vocans, precepi ut redderet quod tulerat, et Hugoni monacho qui erat de Marriniaco rectum faceret, quia erat provisor de Longovico. Quod et fecit
l.15 dans fidejussorem nobilissimum Widonem Vuangionis Rivi dominum. Hoc feci fieri ego Hugo dux Burgundiȩ, audiente et vidente ipso Widone, Wilenco Linguonensi
l.16 decano et aliis. Hujus rei testis est Framericus ipsius monachi serviens. Actum in camera abbatis Divioni.
l.17 Et ut hȩc omnia inconcussa et firma permaneant, cartam hanc meo jussu conscriptam, manu mea signo, sigilli mei impressione confirmo, et fratri meo Heinrico aliisque nobilibus viris,
l.18 quorum testimonio ac laude scripta est, signandam trado. . Hugonis ducis. S. Heinrici fratris ejus. S. S. S. Milonis de Frollesio. S. Walo-
l.19-nis canonici. S. Hugonis et Wuidrici fratrum ejus. S. Jocelmi de Besua. S. Hugonis filii ejus. S. Odonis prepositi. S. Landaldi filii ejus. S. Ogdilonis Gratapeccatum.
l.20 S. Duranni majoris. Odilardi teloenarii. Rodulfi et Humberti filiorum ejus. Humberti Blanchi. Richardi famuli. Rotberti de Cameraco. Odonis Coci.
l.21 Actum Divioni, anno dominicȩ incarnationis MCII, indictione X, epacta nulla, concurrentibus II, Paschali papa, Phylippo rege, Rotberto
l.22 Lingonensi pontifice, domno JARENTONE ABBATE.
l.23 [sceau].