Robert [II], roi de France, confirme les donations faites par l'empereur Charles le Chauve, par tous les autres rois des Francs et leurs fidèles, assure la liberté de l'enceinte du monastère et dispense quarante villae du droit de garde perçu par lui.

l.1 IN NOMINE SANCTȩ TRINITATIS ET UNICȩ DEITATIS. ROTBERTUS PROPICIANTE DIVINA CLEMENTIA FRANCORUM REX.
l.2 Cum regni nostri sede frueremur quieta et pace, excelsum regnis hominum dominari et eadem ab eodem transmutari reminiscentes utque placet
l.3 vel superponi quemlibet in eis vel Deici mentis intuitu contuentes, justis petitionibus et presertim pro locis sanctis aurem libenter accommodabamus posteritatis nostrae
l.4 prolem, si idem senserint, in honore stabili non dubium habentes. His itaque occupatos studiis presul Linguonensis vocabulo Lambertus nos adiit,
l.5 nostram humiliter deposcens serenitatem quatinus sancti Benigni abbatiam secus Divionensem castrum sitam, precepti nostri auctoritate muniremus,
l.6 quȩque etiam ad eam pertinentia sublimitate regia corroboraremus, necnon salvamentum circumadjacentium villarum ex nostro adderemus. Intermiscuit
l.7 se interea Hugo comes Cabilonensis huic petitioni, utpote custos ejusdem loci. Quod omnino decernentes nobis proficuum et utile, voluntati eorum
l.8 statuimus ad presens satisfacere. Ut igitur cȩtus sanctȩ congregationis monachorum inibi Deo devote famulantium succiduis temporibus nos nostramque stirpem
l.9 ipsi commendet assiduis precibus, cuncta quȩ Karoli imperatoris preceptione, sive omnium nostrorum predecessorum regum seu quorumcumque fidelium dono ac-
l.10-ceperunt aut accepturi sunt auctoritate regia nostrique precepti scripto confirmamus, et quam maxime de claustri eorum invasione, quod omnino jubemus,
l.11 ut nostri antecessores, esse liberum, nec quicquam a torrente, qui castri sanctique causam dividit, abs quolibet accipi vel auferri, sine precepto abbatis vel monachorum.
l.12 Nomina autem villarum salvamenta reddentium sunt subtus notata: Lariacum, Bicisum, Quintiniacum, Cromaium, Suliacum, Aguliacum, Rufiacum, Aschiriacum,
l.13 Bargas, Provisum, Colonias, Plumberias, Escuntias, Gironum, Corcellas, Tremoledum, Vilarium, Pruneium, Lentiniacum, Distum, Longovicum, Saciacum,
l.14 Siliciacum, Asnerias, Corcellas, Norgias, Asiriacum, Dinatum, Mercenniacum, Panerias, Fedenacum, Ulgium, Dusmis, Neirum, Salonȩ, Missiniacum,
l.15 Spaniacum, Villakarli, Villacomitis, Curtearnon, et cȩterȩ his appendices salvamentum reddentes.
l.16 Si quis autem tantȩ nostrȩ auctoritati obviare et donationem legaliter patratam qualibet occasione temptaverit effringere, non prevaleat in his
l.17 quȩ cupit locum habere, sed noverit se compositurum auri libras mille, medietatem prescripto monasterio, et medietatem nostrȩ camere.
l.18 Utque hoc verius accipiatur et diligentius observetur, manu propria corroborantes sigillo nostro insigniri jussimus, necnon
l.19 a fidelibus nostris presentibus confirmari legaliter censuimus.
l.20 SIGNUM ROTBERTI [monogramme] GLORIOSI REGIS. [sceau].
l.21 Constantia etiam regina consocia nostra, cum filiis nostris Heinrico tunc duce, atque Rotberto laudavit.
l.22 S. Lamberti episcopi. S. Hugonis episcopi et comitis ejusdem loci provisoris. S. Azelini Lauduni presulis. S. Josfredi episcopi. S. Ottonis, Maticensis comitis.
l.23 S. Beraldi episcopi. S. Lezelini archidiaconi. S. Ayrardi archidiaconi. S. Girardi archidiaconi. S. Vuidonis archidiaconi. S. Raynaldi Nivernensis comitis.
l.24 S. Vuilelmi tunc temporis jam fati coenobii abbatis. S. Remigii vicecomitis. S. Vuidonis militis, Tetzelini prepositi, Johannis prepositi.
l.25 Data VIII kalendas februarii, anno ab incarnatione Domini millesimo XV, indictione XIII, aepacta XVII, regnante Rotberto rege XXoVIII anno. Actum Divione.
l.26 Feliciter. Amen. Balduinus sacri palatii apochrisarius postulatus recognovi et laudavi.

NEWMAN (William Mendel), Catalogue des actes de Robert II, roi de France, Paris : Librairie du Recueil Sirey, 1937, p. 107-111, n° 87.

CHEVRIER (Georges), CHAUME (Maurice), Chartes et documents de Saint-Bénigne de Dijon, prieurés et dépendances des origines à 1300, t. 1 : VIe-Xe siècle, Dijon, 1986, n°260, p. 49-53.