Walon, évêque d'Autun, donne au chapitre cathédral d'Autun la villa de Tillenay, située dans le comté d'Oscheret.

l.1 [chrisme] [notes_tironiennes] ANNO SACRATISSIMAE INCARNATIONIS DOMINI NOSTRI JHESU CHRISTI DCCCCmoXVIIImo, INDICTIONE VIIma, VUALO, SUPERNA DISPENSANTE
l.2 miseratione humilis Eduorum episcopus. Omnibus pie in Christo vivere cupientibus et ad spem caelestis patriȩ tendentibus, notum fieri volumus quoniam, cernentes congregationem praefatȩ sanctȩ matris
l.3 ecclesiȩ stipendiis alimentorum necessariis nimia difficultate carere, pro quo nec pastoralis exhortationis vigilantia, nec collaboratorum nostrorum regularis correctio, variantibus undique seculi perturbationibus,
l.4 ad divinorum obsequiorum studia provocare, quorumdam fratrum ipsius loci intentionem valebat, et sollicite perpendentes quia pastoris curȩ est gregum sibi commissorum inopiam providere et, sine quibus
l.5 subsistere nequeunt, necessaria alimenta ministrare, dignum fore duximus, ne in hujus torporis otio divinȩ militie cultus suffocaretur, de rebus ipsius ecclesiae aliquod praebere subsidium. Proinde
l.6 amore divino tacti et consilio fidelium ejusdem sanctȩ ecclesiae et nostrorum roborati, adhibito etiam hortamento et auxilio domni Richardi, excellentissimi ducis, cujus defensione et protectione
l.7 per Dei administrationem haec ipsa consistit ecclesia, villam Tilionacum sitam in comitatu Oscarensi, supra fluvium Sagonnam ad stipendia supradictȩ congregationis ministranda mancipavimus
l.8 cum omni sua integritate, sicut a beato Leodigario ejusdem nostrae ecclesiae quondam pontifice ex proprio eidem fuit collata et postmodum per prȩcepta regum restituta et confirmata, et insuper apostolico
l.9 privilegio roborata, quatinus sublata omnis indigentiae occasione, liberius et vigilantius grex ipsius collegii Deo et sancto Nazario militari valeat et attentius pro remedio animarum domni Karoli
l.10 serenissimi augusti et conjugis illius Hirmintrudis ac totius prolis illorum, sed et pro absolutione domni Odonis gloriosi regis et nobilissimi fratris illius domni Rothberti illustris marchionis,
l.11 cum precȩdente progeniae et subsequente posteritate illorum et omnium largitorum et restauratorum earundem rerum ipsi ecclesiae Domini misericordiam implorare studeat, pro diuturna quoque tranquillitate
l.12 et quiete domni Richardi pissimi ducis et nobilissime conjugis illius ac clarissimorum filiorum illorum et omnium fidelium suorum, quatinus defuncti aeternam mereantur omnium peccatorum
l.13 indulgentiam et remissionem, et viventes optabilem prosperitatem et sanitatem et ad defensionem sanctȩ ecclesiae et gentium sibi commissarum sub munimine divinȩ dexterȩ laudabilem et
l.14 acceptabilem Deo virtutem, atque pro inpenso labore digne mercedis remunerationem. Omnem igitur hujus rei summam memorati principis domni Richardi defensioni et protectioni et per eum,
l.15 filiorum ejus cooperationi, in Dei nomine tuendam committimus, pro cujus amore, qui omnium benefactorum certissimus remunerator est, tantam impendere non graventur, elemosinam
l.16 quantam ab eo non possunt diffidere se percepturos cum plenitudine caelestium premiorum gratiam. Quia ergo divina pietas nos ad hoc perscrutandum atque exhibendum provocavit nostramque humilitatem
l.17 ad suam voluntatem implendam et praedicandam excitavit, humiliter imploramus ut, supradictarum precum oblatione adjuti, eorundem praemiorum participes fieri mereamur. Pro misericordia autem
l.18 quȩ se in tribulatione querentibus nulli denegat pro fratris nostri Manasse absolutione simili prece obsecramus, ut qui illicita et periculosa temeritate hanc ipsam villam male usurpavit
l.19 et ad gremium sanctȩ matris ecclesiae penitendo confugiens, per prenominatum principem suo interventu restitui fecit, ut beneficiis supradictarum orationum consolari mereatur. Successorum
l.20 itaque nostrorum reverendam deprecamur paternitatem ut hujus nostrae institutionis testamentum ita inviolabiliter observent et suis diebus observari faciant, quemadmodum id quod pie agere
l.21 decreverunt, a suis successoribus observari optabunt, quo participes ejusdem mercedis fieri mereantur, qua nos credimus, Deo propitio, pro talibus remunerari piȩ devotionis institutis.
l.22 Si qui forte contrarii vel invasores extiterint hujus nostri decreti et eum in aliquo violare aut subtrahendo diminuere prȩsumpserint, eos auctoritate tremendȩ Trinitatis
l.23 et beati Petri potestate et sanctorum canonum discussione et nostro vel omnium episcoporum ministerio excommunicamus anathematizamus et a conventu fidelium seu a liminibus sanctȩ ecclesiae
l.24 secernimus et sequestramus usque ad condignan emendationem et satisfactionem. Et nisi cito ab hac presumptione resipuerint, in sortem Jude traditoris Christi inprecando sociamus
l.25 atque cum Dathan et Abiron quos vivos terra absorbuit et infernus excepit dampnamus et in baratrum perditionis demergimus. Observatores autem et defensores hujus piȩ
l.26 constitutionis, omnium benedictionum plenitudo prosequatur. Et ut hoc nostrae cessionis testamentum et super adnotata dampnationis plaga in Dei nomine obtineat firmi-
l.27-tatis rigorem, non solum meis sed et ceterorum episcoporum manibus firmari decrevimus et tam memorati principis ac filiorum ejus quamque fidelium illorum nominibus
l.28 roborari postulavimus. Actum Augustiduno civitate. Feliciter in Domino. Amen.
l.29 [chrisme] VUALO sanctȩ Aeduensis ecclesiȩ humilis episcopus, hoc testamentum fieri jussi atque [subscripsi].
l.30 Signum Rodulfi, ILLUSTRIS COMITIS QUI PER JUSSIONEM PRENOMINATI PATRIS SUI IN CONSPECTU ILLIUS SUA ET EJUS VICE FIRMAVIT et manu propria [subscripsit].
l.31 [chrisme] ARDRADUS CAVILONENSIS ECCLESIȨ EPISCOPUS [SUBSCRIPSI].
l.32 DURANNUS PRAEPOSITUS [subscripsi].
l.33 [chrisme] Fulco archidiaconus [subscripsi]. [colonne1] Signum Vuarnerii. Signum Ragenardi. Signum Oduini. Signum Berlanni. Signum Arlegii. Signum Bodonis. Signum Abbonis. Signum Eldradi. Signum Vualicardi. Signum Eliranni. [colonne2] Signum Vuithsonis. Signum Vualcaudi. Signum Landrici. Signum Arnulfi. Signum Bertuini. Signum Adsonis. Signum Rodulfi. Signum Vualterii. Signum Gauzberti. Signum Letherii.

PERARD, Recueil de plusieurs pièces curieuses servant à l’histoire de Bourgogne, Paris, 1664, p. 163.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 4, Instr, col. 67, n° 29.

CHARMASSE (A. de), Cartulaire de l'église d'Autun, Paris : Durand, 1865, t. 1, p. 36, n° 23.

DUFOUR (Jean), Recueil des actes de Robert I^er et de Raoul, Paris, Imprimerie Nationale, 1978 (Chartes et diplômes), p. 204-207, n° 51.