Charles le Chauve, empereur, à la requête du duc Boson, restitue à l'abbaye Saint-Bénigne de Dijon les villae de Saint-Marcel-lez-Jussey et de Longvic,

l.1 [chrisme] IN NOMINE SANCTAE ET INDIVIDUAE TRINITATIS, KAROLUS, EJUSDEM DEI OMNIPOTENTIS MISERICORDIA IMPERATOR AUGUSTUS. SI SERVORUM DEI JUSTIS ET RATIONABILIBUS POSTULATIONIBUS AUREM NOSTRAE SERENITATIS ACCOMODAMUS EASQUE
l.2 ad effectum perducimus, et imperatorum [antecessorum scilicet nostrorum morem exequimur atque per hoc aeternae] beatitudinis praemia consequi [nullo modo dubitamus. Noverit igitur, omnium fidelium] sanctae Dei ecclesiae nostrorumque tam praesentium quamque futurorum industria quoniam Boso carissimus noster dux
l.3 [et missus Italiae sacrique palatii nostri archiminister, ad nostram accedens excellentiam, innotuit nostrae serenitati deprecationes quorumdam monachorum coenobii videlicet Sancti Benigni martiris, scilicet] quod nostram deprecarentur altitudinem ut res quae ex longo tempore a jamdicto eorum coenobio abstracte fuerant praefato
l.4 sancto martiri Benigno et fratribus inibi famulantibus, ob nostrae animae mercedem et ejusdem [Bosonis] amabillimam nobis deprecationem, reddidissemus. Nostrae igitur serenitatis clementiam precibus jamdicti carissimi nostri accomodantes et necessitatibus memoratorum fratrum subvenientes, reddimus eis per hoc
l.5 nostrum praeceptum res quae inferius describuntur, hoc est in pago Oscarensi villam quȩ dicitur Longus Vicus cum ecclesiis et omnibus ad se juste et rationabiliter pertinentibus, et in pago Portensi villam Albiniacum cum ecclesiis et omnibus ad se pertinentibus. Unde hoc nostrae imperiali celsitudinis praeceptum praefatis fratribus fieri et dari jussimus, per quod omnes sepefatas res
l.6 [cum omnibus ad se pertinentibus aeternaliter teneant atque] possideant et in suos usus [absque alicujus contradictione retorqueant. Et ut hoc per omnia tempora inviolabiliter] conservetur ac pleniorem in Dei nomine obtineat firmitatis vigorem, manu nostra subter firmavimus et anulo nostro insigniri jussimus.
l.7 SIGNUM KAROLI [monogramme] GLORIOSISSIMI IMPERATORIS AUGUSTI.
l.8 [chrisme] AUDACHER NOTARIUS AD VICEM GAUZLINI RECOGNOVIT ET SUBSCRIPSIT [ruche] [Boso comes ambasciavit] [sceau].
l.9 Data VIII idus januarii, indictione X, anno XXXVII regni domni Karoli imperatoris in Franciam, et in successione Hlotharii VII, et imperii ejus secundo. Actum Carisiaco palatio imperiali. In Dei nomine, feliciter. Amen.

PERARD, Recueil de plusieurs pièces curieuses servant à l’histoire de Bourgogne, Paris, 1664, p. 154-155.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 656, n° 266.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 2, p. 433-435, n° 419.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 5, pl. 19 (fac-similé).

CHEVRIER (Georges), CHAUME (Maurice), Chartes et documents de Saint-Bénigne de Dijon, prieurés et dépendances des origines à 1300, t. 1 : VIe-Xe siècle, Dijon, 1986, t. 1, p. 135-136, n° 102.