Pierre, évêque de Saintes, confirme le don de son prédecesseuur Ramnulfe avait fait à l'abbaye de Saint-Maixent, de l'église Saint-Georges du Doret.

l.1 Ego Ramnulfus episcopus do ecclesiam Sancti Georgii de Oirec sancto adjutori Maxencio, in manu Garnerii abbatis, consensu et consilio Petri
l.2 archidiaconi mei et aliorum clericorum meorum videntibus testibus subtus scriptis: Stephano monacho de Boscho, Arberto presbytero, Tetbaudo
l.3 Aigaiget, Lanberto Collardo, Johanne de Alberada. Hoc donum primum factum est ad portum de Runza in navibus in quibus eramus. Postea domnus
l.4 abba Goffredus successor ipsius Garnerii, requisivit hoc donum in sinodo Sanctonensi, et ab ipso domno Petro episcopo qui Ramnulfo successerat,
l.5 cum crocha sua videntibus omnibus qui in sinodo erant, revestivit eum et concessit hoc donum ei in perpetuum habere, sicut antecessor suus
l.6 dederat, et presbytero eciam de ecclesia imperavit ut permissione vel adfirmacione sua deinde cantaret.
l.7 S. Petri episcopi. S. Amalvini archidiaconi. S. Goscelini archidiaconi. S. Goffredi abbatis. S. Christiani monachi. S. Tetbaudi monachi. S. Guillelmi archipresbyteri. S.
l.8 S. Tetbaudi Aigaiet. S. Lanberti Colardi. S. Johannis de Alberada. S. Airaudi Beriuns. S. Arberti presbyteri.
l.9 Acta sunt hec anno ab incarnacione Domini MCXVII, Petro Sanctonensi presule, et Willelmo comite in Aquitania regnante.