Béraud et sa famille donnent à l'abbaye de Saint-Maixent la moitié du pacage de Marçay et de celui de Vouillé. Pierre, frère de Béraud, donne par la suite une serve et deux de ses fils.

l.1 Priscorum mos extitisse dinoscitur ut quisque mortalium de proprietate substantiȩ suȩ secundum sibi placitum facultas non denegetur erogandi. Enimvero quid prudentius agere salubriusve potest
l.2 quam pro salute animȩ absque cessatione cogitare. Legimus enim Dominum nostrum jussisse sequaces thesaurizare thesaurum indeficientem, et acquirere: amicos de iniquo mammona qui nos recipiant cum defecerimus in ȩter-
l.3-na tabernacula. Sane fertur Dominum imperiosa voce precepisse et cum imperio necessitatatem induxisse quod si quis semetipsum non abnegaverit, et bajulans crucem invictam Christumque sequutus fuerit, ipsius esse
l.4 discipulus minime valebit. His et similibus preceptis reminiscentes ego Beraldus dictus Nomine, fraterque meus Petrus, et uxor mea, Beatrix nuncupata cum filiis nostris quorum hȩc sunt nomina: Johannes, Wautfridus,
l.5 atque Geraldus, cogitantes examinationem aeterni arbitris, ut ipsae sua inmensa clementia in supradicta examinatione faciat nostrum opus absque consumatione indeficientem persistere, sta-
l.6-tuimus ex propriis rebus Deo conditori nostro paululum largire sanctoque Maxentio confessore atque adjutore, videlicet medietatem de paschario de Marciaco, unacum illo de Vulliaco, tali interposita
l.7 pactione quod abbas scilicet Aimericus qui ejusdem loci tenebat regimen, datis mihi LXta solidis et supradicto fratri meo XL, secundum placita nobis voluntatem et beneficium commune seniorum ejusdem loci. Post hȩc accepta hac cartula et super
l.8 altare sancti Maxencii imposita manu mea propria, et firmavi, et firmare jussi. Si quis vero aut ego aut aliquis ex eredibus nostris hanc infringere voluerit, in primis iram Dei omnipotentis incur-
l.9-rat, et quod petit minime consequatur; insuper auri libras C coactus persolvat. Signum Wuidonis ducis qui hanc firmavit et manu principum suorum firmare jussit. S. Agnetis comitissȩ et sanctimonialis genitricis ejusdem ducis. S. Isemberti
l.10 Pictavorum pontificis. S. Aimerici domni abbatis. S. Rainaldi monachi prioris. S. Gerberti monachi prepositi. S. Petri monachi cantoris. S. Ramnulfi monachi qui hanc edidit. S. Beraldi qui hanc firmavit. S. Petri fratris ejus. S. Beatricis uxoris meȩ. S. Johannis, S. Wautfridi, S. Geraldi, filiorum nostrorum. S. Ingelberti prepositi ducis quo presente firmata
l.11 est, et super aram sancti posita. S. Wuillelmi generis hujus prepositi. S. Wigonis Aranni. Quibus astantibus super altare sancti Maxencii oblata est. Post hec igitur necdum paucis temporibus peractis supradictus Petrus frater Beraldi quandam suam ancillam nomine Aldeardis, cum duabus filiis suis
l.12 dedit et cum omni genere suo quod umquam a Pictavis civitate in his nostris infimioribus partibus inveniri umquam potuerit. Et si aliquis ex supradicto genere inquisitus denegaret, adquisitus per manum supradicti Petri monasterio sancti Maxencii redderetur
l.13 accepta ob hoc peccunia L solidos et loci istius beneficium. Hec autem facta sunt anno quo primum adiit dux Pictavorum Wido peregrinas partes Rome et quo exiit de sua captione Aimericus vicecomes millesimo sexagesimo sexto, ab incarnacione Domini anno.
l.14 Hujus rei testes sunt: Vi. vigerius de Luhce, Engelbertus prepositus, Woslenus, Woffredus de Gurdun, Radulfus Grossus.
l.15 DATA MENSE MAIO TERCIO IDUS IPSIUS MENSIS REGNANTE PHILIPPO REGE FRANCORUM ANNO AB INCARNACIONE DOMINI MILLESIMO SEXAGESIMO PRIMO.

1