Hugues, comte de Troyes, accorde des privilèges à l'église cathédrale de Troyes.

l.1 IN NOMINE SANCTE ET INDIVIDUE TRINITATIS,
l.2 ego Hugo, comes Dei gratia Trecensis, post vulnerum meorum nimis difficilium afflictionem et eorumdem Deo medicante evasionem, perpendens me in pluribus divinam gratiam
l.3 offendisse, penamque predictam peccatis meis exigentibus me juste promeritum attendens longe majorem promeruisse, de collato michi beneficio a domini benignitate videlicet
l.4 de reddita michi sanitate, proposui in conferendis beneficiis aliquibus ȩcclesiis domino gratias reddere. Et quia bonum desiderium letus debet comitari exitus, testante beato Augustino
l.5 qui Dominum orat ut bonis principiis meliores adjungantur exitus, quod in interiori meo votis disposueram exhibui effectibus. Dedi igitur ȩcclesiȩ Trecensi Beati Petri et Sancti
l.6 Salvatoris libertatem domorum canonicarum, videlicet ut nemo presumat deinceps eas violare propter furem ibi repertum nec aliquo modo extrahere ipsum sed liberum permittere
l.7 in manu atque nutu canonicorum nec mensuram vini sive annone quamvis falsam accipere ibidem neque inde extrahere aliquid violentia nec etiam fugitivum aliquem nec omnino
l.8 a canonicis pro re aliqua neque a domibus eorum exigere aliquam consuetudinem. Servientes etiam qui vivent de proprio victu canonicorum ita liberos efficio ut etiam si mercatores
l.9 fuerint, nullam michi prorsus vel meis faciant consuetudinem et nullum pro mercatura solvant teloneum. Quod si forte clamor fiat de aliquibus predictorum servientium
l.10 nemini respondeant neque in jus veniant nisi ammonitione canonicorum. Quid plura ? Nullum prorsus mihi vel meis faciant servitium. Preterea tres servientes qui custodiunt cummune bonum canonicorum
l.11 videlicet cellerarius et granetarius atque major eadem prorsus libertate quȩ data est predictis servientibus a me donantur, et de quocumque officio vivant, nullum teloneum nulla prorsus consuetudo michi vel meis ab eis
l.12 persolvatur. Decimam etiam mei telonei hujus civitatis supradictis prebeo canonicis ad constituendum aliquid in ȩcclesia Beati Petri et Sancti Salvatoris hac conditione ut inde nichil redigere a proprios usus
l.13 liceat episcopo sive canonicis. [croix] Hujus rei testes sunt: Milo episcopus, Raynaldus prepositus, Girardus, Petrus, Goscelmus, Drogo, Anselmus, archidiaconi. Gosfridus dapifer, Guido de Vuangeruco,
l.14 Galcherius de Firmitate, comes Andreas de Rameruco, Ebrardus de Firmitate, Andreas de Baldamento, Pontius de Mareio.
l.15 Actum Trecis, anno millesimo centesimo quarto ab incarnatione Domini, quarto nonas aprilis, indictione duodecima, residente Ricardo cardinali in supradicta ȩcclesia in sinodo,
l.16 presente Manasse Remensi archiepiscopo et Manasse Suessionensi episcopo et Hugone Cathalaunensi episcopo et multis aliis conprovincialibus episcopis, presente etiam Dainberto Senonensi archiepiscopo et Yvone Carnotensi episcopo
l.17 et Johanne Aurelianensi episcopo et multis aliis conprovincialibus episcopis, presente quoque Radulfo Turonensi archiepiscopo et Marbodo Redonensi episcopo et multis aliis conprovincialibus episcopis, regnante Philippo Francorum rege,
l.18 Milone urbis Trecorum episcopo existente, Hugone ejusdem comitatum obtinente.