Eudes, roi de France, confirme au monastère de Montiéramey, à la suite d'un plaid tenu à Verberie, les droits de cette abbaye sur le monasteriolum ou cella de Saint-Sauveur dit Alfa.

l.1 [chrisme] IN NOMINE DOMINI DEI AETERNI ET SALVATORIS NOSTRI JHESU CHRISTI, ODO, CLEMENTIA DEI REX. SI PETITIONIBUS SERVORUM DEI AUREM NOSTRAE PIETATIS ACCOMODAMUS ET EORUM UTILITATIBUS CONSULUMUS, DEUM
l.2 omnipotentem super hac retributorem habere confidimus. Quocirca noverit omnium sanctae Dei ecclesiae fidelium nostrorumque tam presentium quam et futurorum sollertia, quoniam adiens celsitudinem nostram quidam monachus Aginus
l.3 nomine, qui cellam, quam Sadrevertus abbas a serenissimo pie recordationis Karolo impetrare decertaverat, ante presentiam fidelium nostrorum repetiit. Quam ob causam cum ad placitum nostrum apud Vermeriam venissemus,
l.4 afuerunt inibi Fulco venerabilis archiepiscopus, Vualtarius archiepiscopus, Vuido archiepiscopus, Dido episcopus, Honoratus episcopus, Riculfus episcopus, qui illius proclamationis repetitionem more antecessorum suorum discutiendo investigarent. Cujus petitionem
l.5 inutilem invenientes, talem eidem sententiam diffiniendo dederunt, ut monasterium ex manso Corboni, qui Nova Cella dicitur, pergeret, atque sub abbatis Erchengerii ordinatione regulariter consisteret, nihil amplius ex hac nefaria repetitione
l.6 se intermittens. Quorum diffinitionem inanem adjudicans, eandem cellam ausu temerario iterando repetiit. Quapropter jam nominatus abbas Erchengerius nostram adiens excellentiam obtulit nobis precepta antecessorum nostrorum
l.7 regum scilicet atque privilegia apostolicae sedis, ubi continebatur qualiter monasteriolum, quod quondam Alfa vocabatur, manso Corboni, qui Nova Cella dicitur, subjectum priscis temporibus dinosceretur atque super hoc nostrae altitudinis
l.8 preceptum expetiit ut jam nominatum monasteriolum suȩ dicioni ejusque successorum pareret. Cujus petitionem ratam invenientes, unacum consensu fidelium nostrorum id fieri decrevimus eo videlicet more et tenore ut predictus abba
l.9 Erchengerius successoresque sui idem monasterium necnon sui monachi ac familia illorum cum omnibus sibi legaliter pertinentibus sub tuitione nostra perpetualiter maneant ut nullus alterius loci monachum in eorum coenobio
l.10 mittere presumat nec aliquem infra eorum congregatione ministerialem facere nisi ex ipsis et secundum sancti Benedicti institutionem ex sese non ex aliis habeant eligendi licentiam abbatem. Et ut hoc preceptum per omnia
l.11 tempora majorem in Dei nomine obtineat firmitatis vigorem, manu propria eum subter firmavimus atque anuli nostri impressione insigniri jussimus.
l.12 SIGNUM ODONIS [monogramme] GLORIOSISSIMI REGIS.
l.13 THROANNUS NOTARIUS AD VICEM ASKERICI EPISCOPI RECOGNOVIT ET SUBSCRIPSIT [ruche] [sceau].
l.14 Data II kalendas octobris, indictione X, anno incarnationis dominicȩ DCCCXCII, anno quinto regnante domno Odone gloriosissimo rege. Actum aput villa Coneda. In Dei nomine, feliciter. AMHN. Amen. [Amen].

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 9, p. 459, n° 21.

D'ARBOIS DE JUBAINVILLE (Henri), Deux diplômes carlovingiens des archives de l'Aube (883, 892), in Bibliothèque de l'Ecole des Chartes, 39 (1878), p 193-198, p. 197-198.

LALORE (Charles), Cartulaire de l'abbaye de Montiéramey, Paris-Troyes, 1890 (Collection des principaux cartulaires du diocèse de Troyes, 7), p. 16-17, n° 11.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 7, pl. 16 (fac-similé).

BAUTIER (Robert-Henri), Recueil des actes d'Eudes, roi de France : 888-898, Paris, Imprimerie nationale, Klincksieck, 1967, p. 130-135, n° 30.