Laon, AD Aisne, H 375 n° 2

<< < / > >>

Numéro748

Fiabilité de l'actenon suspecté

Genrecharte

Date1113(fiabilité :texte)

LieuSaint-Quentin, chapitre(lat :capitulum Sancti Quintini)

DiocèseLaon

RégionPicardie

Supportparchemin

Chirographieà droite

Sceau non scellé

Etat de la traditionoriginal

Hauteur à gauche400   mm

Hauteur à droite377   mm

Largeur en haut345   mm

Largeur en bas332   mm

AuteurGérard, doyen  de  SAINT-QUENTIN

BénéficiaireAbbaye  de  SAINT-NICOLAS-AUX-BOIS

Regeste

Gérard, doyen, et les chanoines de Saint-Quentin accordent à l'abbaye de Saint-Nicolas-aux-Bois leur bien situé à Choigny, contre une redevance annuelle de trente-cinq sous, la donation d'un repas le jour de fête de Saint-Liebert.

Texte

l.1 [croix] IN NOMINE PATRIS ET FILII ET SPIRITUS SANCTI, AMEN [croix].
l.2 Provida et racionabili consideratione a prudentibus statutum est viris ut convenientiȩ quȩ inter seculares
l.3 et aecclesiasticos precipuȩ viros pro eorum opportunitatibus finali concordia determinantur litterarum
l.4 apicibus annotentur ac litteralis assignationis testimonio firmatȩ posterorum memoriȩ in palam
l.5 habeantur. Quocirca ego Gerardus decanus et Sanctiquintinensis aecclesiȩ canonici notum esse volumus
l.6 presentibus, notum fore et posteris dompnum et fratrem nostrum Bernerum Sancti Nicholai abbatem
l.7 cum loci ejusdem monachis ad nos nostrum in capitulum venisse et ut bonum nostrum de Cavegniaco
l.8 eis censualiter perpetuo concederemus habendum, humiliter ac fideliter a nobis postulasse. Intel-
l.9-ligentes ergo eorum peticionem rationi non obviam etiam nobis cedere ad perpetuale commodum, si cum
l.10 nostro temporali fructu eis ex re ipsa per ipsorum laborem aliquid perveniret incrementi, simul et hoc con-
l.11-siderantes quia bonum illud guerrȩ instantia penitus annullatum per eos utpote affines securius ac faci-
l.12-lius poterat reformari, eorum voluntati annuimus concedendum, tum etiam quia erant fratres ac nos-
l.13-trarum orationum et beneficii, sicut et nos eorum participes. Concessimus itaque ut bonum illud perhempniter
l.14 habeant ea siquidem tenoris conditione ut quotannis pro solita redibitione pastus in anniversario Leitberti
l.15 die videlicet V kalendas augusti XXXta Vque solidos nobis censualiter persolvant et anniversariam ejusdem Leitberti re-
l.16-cordationem in aecclesia sua sicut nos in nostra faciant. Quod si censum non solverint, et bonum illud in nostre
l.17 possessionis et proprietatis usus ex toto revertatur et totum quod inibi vel fructus vel superedificationes fuerit,
l.18 nostrum singulariter habeatur. Majore decedente, qui voluerit majoriam habere, ad nos in capitulum
l.19 eorum conductu veniat ipsaque a nobis per beneplacitum nostrum racionabiliter requisita et impetrata, fide-
l.20-litatem nobis et ipsis inde fatiat. Quod si quispiam emergat qui jure hereditario ad terram suam velit reverti, dan-
l.21-do inde pro consuetudine intromansum, ad eam revertatur, monachi vero quousque laboris sui fructum receptum
l.22 habeant, poenȩ suȩ exercitium exsequantur. Ut autem hujus convenientiȩ concessio rata inposterum habeatur
l.23 personarum nominibus subterscriptis assignata demonstratur.
l.24 Signum Gerardi, decani. Signum Hugonis, custodis. Signum Bosonis, subdecani. Signum Guidonis, cancellarii.
l.25 Signum Johannis, cantoris. Signum Anselli, dapiferi. Signum Raschelini, pincerne. Signum presbiterorum. Guimberti. Signum
l.26 Rogeri. Signum Radulfi. Signum Odonis. Signum diaconorum. Radulfi. Signum Hugonis. Signum Rotberti. Signum Lamberti.
l.27 Signum subdiaconorum. Balduini. Signum Rotgeri. Signum Odonis. Signum Gerardi, scolastici. Signum Hugonis Calvi. Item
l.28 Sgnum Anselli. Signum Petri. Signum Isemberti. Signum acolitorum. Rogeri. Signum Guidonis. Signum Petri.
l.29 Actum in capitulo Sancti Quintini martiris, anno incarnati Verbi MoCoXIIImo, indictione VIta,
l.30 regnante rege Ludovico anno quinto.
l.31 EGO GUIDO ARCHINOTARIUS SCRIPSI. (devise illisible)

Notes

1

Responsable

M. Courtois

Comment citer cette notice

Acte n°748 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°748»[En ligne] http://www.cn-telma.fr/originaux/charte748/. Date de mise à jour : 29/03/12.