Les évêques, réunis au concile de Pîtres, confirment les biens des moines de Saint-Germain d'Auxerre.

l.1 [chrisme] ANNO AB INCARNATIONE DOMINI DCCCLXIIII, INDICTIONE XII, ANNO VERO REGNI GLORIOSI REGIS KAROLI XXIIII,
l.2 positis nobis diversarum provinciarum et urbium Galliae praesulibus, in loco qui Pistas vocatur, quo nos generalis necessitas traxerat instituendi munitiones contra Nordmannos, quo etiam pro reg-
l.3-ni statu confirmando, regia nos praeceptio evocavit. Adierunt nos legati monachorum Sancti Germani Autisiodorensis monasterii, quibus praeest memorati regis filius venerabilis abbas Hlotharius, sup-
l.4-plicantes, ut ad loci sui religionisque stabilitatem ac securitatem perpetuam optinendam, de facultatibus ipsius monasterii eorum usibus specialiter deputatis, decreti nostri auctoritatem emitteremus, ne aliqua
l.5 deinceps immutandi ea quae juste petita et concessa sunt, cuiquam pateret facultas. Quippe ut prudentes viri atque religiosi tenentes in memoria illud quod recte praecipitur: in die bonorum ne immemor sis ma-
l.6-lorum, et suspectam habentes rerum incertarum mutationem, sibi per nos consuli optaverunt, ut inter varias mutationum vicissitudines, ipsi divino munere nostroque consensu freti, nulla umquam necessitatis occasione
l.7 paterentur suae religionis dispendia, sed potius ipsius Dei nostraque provisione assiduis immutabilibusque beneficiis ad meliora incitarentur. Eorum igitur studium approbantes prudentiamque penitus amplec-
l.8-tentes, facilem votis praebuimus assensum optatumque impendimus favorem, ut sanctorum operum, quae illis divinitus conferentur, non adjutores solum, verum etiam efficiamur participes. Quaecumque igitur regia munifi-
l.9-centia ad conservationem sui propositi sunt adepti, quaeque praecepto ejus nominatim expressa et collata sunt: id est mansa in gyro monasterii sita, et ut vulgo loquamur, clausi vinearum, scilicet ille qui ad-
l.10-haeret monasterio, et campania, plantae habundantia, curticanus et clausellus de Patriniaco, cum aliis vineolis, Ariacus ad integrum, Altaripa cum integritate, mansella in Fontaniliis, quae cum Vuenilone
l.11 metropolitano episcopo permutaverunt pro rebus sancti Remigii, Colonias, Villare, quod cum Agliniaco, villa camerae eorum deputata, regio praecepto per commutationem habere decretum est, cum manso indominicato, et
l.12 appendiciis suis ad integrum, mansella in Mariaco, Pons Maxentus ad integrum, mansella quae Hildeburgis dedit in Monasteriolummedium, Disimiacus ad integrum, Albus Cippus media cum eclesia, mansum I in ripa,
l.13 et alia mansa in Sorgiaco et Laugromo, Orgiacus, Pauliniacus, Buculiacus, Valens et Quintiacus mediae quam commutaverunt pro Ledismo, Patriniacus ad integrum, quam de rebus sancti Stephani ad comitatum pagi Autisiodo-
l.14-rensis pertinentibus, cum Chuonrado comite, propinquo regis, et Christiano episcopo, pro Festiniaco, Lestralio et Graniolo, regali auctoritate commutaverunt, Rochonorus, quam cum praefato comite pro Modolagio commutaverunt,
l.15 Sediliacus, Nabriacus, Vendilus et in Belnensi pago vinea una, quae Morga dicitur, Urus, Modolagius, Luciacus, Monstalonus, Magniacus etiam, in quo sunt in diversis locis mansa XXIIII, et regio praecepto destinata sunt
l.16 usibus monachorum, Vultumniacus cum coloniculis, in Agliniaco mansa tria cum farinariis et piscatione, pro quibus ipsi dederunt mansa IIII in diversis locis. In Trecassino pago mansum I et diversae terrae in elemosina
l.17 illis datae. Cella Meleredensis, quam ipsis deprecantibus monachis regia liberalitas sociavit, cum quibus et unam villam Abundiacum nomine pro Oloniaco commutaverunt. Praeterea Quintiacus media et Cociacus
l.18 quas ipsi monachi de portione sua ad portam deputaverunt excipiendis monachis et caeteris familiaribus suis: sed et ad thesaurum mansella quae sunt in Vogrado et Castaneto, et mansum I in Sigliniaco cum terris et vine-
l.19-olis, in Lineriliis, et in Nantilla, et Blariaco cum appendiciis suis, et in Villari mansa duo cum vineolis et terris, quae diversi homines pro elemosina, vel loco sepulturae, largiti sunt; et in Badesia mansum I. Res quoque quas
l.20 dedit Herimarus vir nobilis ad stipendium matriculariorum quos nonnones vocant, hoc est in Nigronto et in Lacunis, seu Linerolis, et Ferrolis. Item ad hospitale pauperum Vendonsa cum appendiciis suis, Calniacus, et in Guuar-
l.21-chiaco mansum I, in Bassao mansellum I cum vineolis, in Vogrado mansum I, in Valariis similiter, in Creauso similiter, in Crepto similiter sicut etiam regia magnificentia consensit ita et nos concedimus, ut intra annum per XL
l.22 dies certos, ex collatione recenti bonorum hominum, in festivitatibus sanctorum benedictiones fratribus a praeposito vel decano sollemniter procurentur. Praecipimus quoque ut ex omnibus reliquis facultatibus mo-
l.23-monasterii quae vel dominico jure vel beneficiorum consuetudine detinentur, decimae hospitalibus divitum vel pauperum sicut olim statutum est ad integrum conferantur, et sarta tecta totius monasterii, ex his axiliis
l.24 quae mansa debent, certis et oportunis temporibus, instaurentur. Nos Deo et ipsi domino regi uberes gratias referentes, statuimus in perpetuum immutabiliter conservanda, nec umquam ullum defectum imminutio-
l.25-nemque passura quamdiu Deus et dominus noster in hac peregrinatione eclesiam suam dignatus fuerit gubernare. Optamus etiam, ut gloriosus dominus noster beneficiorum suorum, cum Dei cultoribus, Deo conferente, quandoque per-
l.26-[cipiat praemium, quibus] congruum suae largitionis praebere non distulit munimentum. Nos vero memores nostri officii, eosdem venerabiles fratres monemus ut in sancta religione, quam Deo professi sunt, cotidie proficiant,
l.27 et suae sanctitatis exemplo ad se accedentes instigent famaque laudabili ad Dei gloriam absentes quoque esse studeant imitabiles, ut eorum merito et saecularis respublica dirigatur, et infatigabili intercessione cunctae res
l.28 eclesiasticae fulciantur. Si quis autem abbas, vel alia quaelibet contraria persona, hanc nostram constitutionem aliqua impedire astutia, vel corrumpere subreptione molitus fuerit, aut censum sive commodum
l.29 aliquod imponere temptaverit, quae nos, ne Dei servi gravarentur, penitus exclusimus, hac nostra admonitione comperta nisi continuo se a malo subtraxerit et competenti penitentia texerit, eum velut turbantem
l.30 pacem atque salutarem concordiam, a perceptione sacratissimi corporis et sanguinis domini nostri Jhesu Christi separamus, et anathemate quo dignus est, plectendum donec ex corde resipiscat, decernimus, ut qui scandalum
l.31 intulerit quieti ac refrigerio Deo famulantium, ipse ab eis exclusus, dampnationem debitam perferre cogatur. Ut autem hoc privilegium certum jugiter optineat vigorem Deique famulis plenam semper conferat
l.32 securitatem, subscriptionibus id propriis praesentes roboravimus, et absentes fratres et coepiscopos nostros ut idem facere dignentur, seque nobis etiam in hoc unanimes exhibeant, obsecramus. [colonne1] [chrisme] VUANILO MUNERE DIVINO SENNENSIS EPISCOPUS HOC PRIVILEGIUM RECOGNOVI ET [SUBSCRIPSI]. [chrisme] HINCMARUS NOMINE NON MERITO REMORUM EPISCOPUS AC PLEBIS DEI FAMULUS [SUBSCRIPSI]. [chrisme] FROTHARIUS SANCTAE BURDEGALENSIS ECCLESIE EPISCOPUS [SUBSCRIPSI]. [croix] RODULFUS BITURICENSIS EPISCOPUS [SUBSCRIPSI]. [chrisme] AGIUS SANCTAE AURELIANENSIS ECLESIAE EPISCOPUS [SUBSCRIPSI]. CHRISTIANUS AUTISODERENSIS EPISCOPUS egrapsi. LIUDO VOCATUS EPISCOPUS SANCTAE NIVERNENSIS ECCLESIAE [SUBSCRIPSI]. [croix] Folchricus indignus episcopus Augustae Tricorum [subscripsi]. [chrisme] Isaac sanctae Lingonensis ecclesiae indignus episcopus [subscripsi]. [chrisme] Herpuinus sanctae Silvanectensis ecclesiae episcopus [subscripsi]. [chrisme] Girbaldus indignus Kavillonensis episcopus [subscripsi]. [chrisme] HILDUINUS DIVINA MISERATIONE VOCATUS EBROCENSIS EPISCOPUS [SUBSCRIPSI]. [chrisme] INGENALDUS PICTAVORUM GRATIA DEI EPISCOPUS [SUBSCRIPSI]. [[chrisme] Odo Bellovacencis episcopus in nomine Trinitatis subscripsi]. [colonne2] [chrisme] Rotlandus episcopus ecclesiae Arelatensis hoc privilegium firmavi et [subscripsi]. [chrisme] ERCHENRAUS SANCTAE CATALAUNENSIS ECCLESIAE INDIGNUS EPISCOPUS [SUBSCRIPSI]. [chrisme] RAGENELMUS SANCTAE TORNACENSIS ECCLESIAE INDIGNUS EPISCOPUS [SUBSCRIPSI]. [chrisme] LIUTBERTUS SANCTAE MOGONTIACENSIS ECCLESIAE EPISCOPUS [SUBSCRIPSI]. [croix] Altfredus Hildenisheimensis episcopus sub[scripsi]. [chrisme] FRICULFUS SANCTAE SANTONICENSIS ECCLESIAE INDIGNUS EPISCOPUS [SUBSCRIPSI]. [chrisme] Bernaldus sanctae Matisconensis aecclesiae episcopus [subscripsi].

QUANTIN (M.), Cartulaire général de l'Yonne, 2 vol., Auxerre, 1854-1860, t. 1, p. 86-91, n° 45.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 2, p. 103-108 (étude).

WOLLASCH (Joachim), Das Patrimonium Beati Germani in Auxerre, in Forschungen zur Oberrheinischen Landesgeschichte, t. 4 (1957), p. 185-224.

COURTOIS (Michèle), DUCHENNE (Marie-Christine), PARISSE (Michel), Actes originaux conservés dans le département de l'Yonne, Nancy : Presses universitaires de Nancy, 1989, (Diplomatica : Textes et études ; 1), p. 40-43, n° 7.