Foulques, moine de Marmoutier, achète la terre appelée Fractitium à Raoul fils de Foucher de Cripta pour quatorze sous.

l.1 Notum sit omnibus successoribus nostris quod quidam nostrorum fratrum nomine Fulcodius Majoris videlicet
l.2 Monasterii monachus, emit XIIIIcim solidis quandam terram ut putabatur ad modii unius
l.3 sementem sufficientem, ad censum VI denariorum in octavis epiphaniȩ reddendum, de
l.4 quodam homine qui Radulfus vocabatur Fulcherii de Cripta filius, et ejus matre quȩ
l.5 Richildis dicebatur. Cujus terrae censum si oblitus fuerit reddere monachus, non e-
l.6-mendetur nisi prius requiratur. Terra vero dicitur Fractitium, et est inter Broilum
l.7 Radulfi et prata Morteriorum, absoluta ab omni inquietudine consuetudinum, exceptis
l.8 vicaria et decima quȩ cujus sint illi ad quos pertinent bene sciunt. Sed quia omnis
l.9 emptio auctoritate caret nec satis firma stare potest, nisi a prioribus dominis an-
l.10-nuatur, ad Drogonem Viviani Mazelli filium de quo Radulfus terram illam tenebat
l.11 recurritur, et datis IIIIor solidis ut annueret impetratur. Annuit et Normannus Helias,
l.12 ejus etiam uxor Hodierna. Nam de Helia rursus Drogo eam tenebat, et ad dotalitium
l.13 Hodiernȩ pertinebat. Unde IIItres solidos habuerunt, et ab eis sit quieta in ȩternum. Necnon
l.14 etiam Witernus, Ivo, Rainaldus, et Ulricus hujus Heliȩ filii annuerunt, et Odelina et
l.15 Beatrix duȩ sorores eorum. Hȩc autem de qua prefati sumus terra, est in Cenomannico pago
l.16 sita, et ex una parte terrae Sancti Martini quȩ Natbel dicitur, ex alia vero hujus Radulfi
l.17 qui eam vendidit terrae conjungitur. Ceterum ab aliis duabus partibus ut diximus, Broilo
l.18 Radulfi et pratis Morteriorum terminatur. Testes autem qui hoc viderunt et audierunt,
l.19 his nominibus appellati sunt, [colonne1] Hubertus de Pratellis, Raherius de Castellonio, Radulfus filius Alberici vicarii de Valle, [colonne2] Johannes Adversarius, Stabilis faber, Girardus filiaster ejus, Burcardus serviens Normanni, Johannes filius Mainardi de Fleis.

1