Robert II, roi de France, confirme les donations que Liébaud, chevalier, a faites à Saint-Bénigne afin d'établir des moines dans l'église Saint-Pierre de Poiseul.

l.1 [chrisme] IN NOMINE SANCTAE ET INDIVIDUAE TRINITATIS, ROTBERTUS, DIVINA FAVENTE CLEMENTIA FRANCORUM REX. OMNIBUS CHRISTI FIDELIBUS PRAESENTIS
l.2 scilicet ac futuris notum fieri volumus, qualiter Letbaldus miles nostram alierit clementiam consensu et interventu Ottonis comitis necnon et Walterii episcopi
l.3 Augustidunensis petens benignitate nostra concedi ac regali auctoritate firmari quandam donationem quam pro remedio suae animae Deo sanctique Benigni mo-
l.4-nasterio apud castrum Divion ubi praeesse videtur venerabilis abba Wilellmus conferre deliberavit, ex rebus sibi jure hȩreditario sive militari beneficio quas
l.5 suis a progenitoribus nunc usque justa successione adquisitas visus est possedisse, quatinus monachos ad serviendum Deo prȩdictus abba successoresque ejus constituant
l.6 in loco qui dicitur Puteolus, ubi sita est aecclesia in honore beati Petri apostolorum principis. Quam aecclesiam cum suis pertinentiis quoniam ad publicum jus pertinere
l.7 videtur, dilectissimi fidelis nostri comitis jamdicti Ottonis precibus annuentes concedimus regali auctoritate ad votum praefati militis Letbaldi in perpetuam
l.8 possessionem atque largimur beati Benigni coenobio rectoribusque ejus jure firmissimo. In comitatu ergo Belnensi secus fluvium qui dicitur Duina quo sita est seu in aliis quibuscumque locis
l.9 cum terris dominicatis mansis campis pratis pascuis silvis aquis aquarumque decursibus piscariis exitibus et reditibus consuetudinariisque exacti-
l.10-onibus ad praefatam aecclesiam quaeque pertinere videntur sive cultum horum quid sit sive incultum, totum in integrum prȩlibato monasterio concedentes regali decer-
l.11-nimus auctoritate, ut quicquid praefatus miles seu quisque in tota regni nostri amplitudine de proprii juris reditibus jamdictae sancti Petri aecclesiae deinceps
l.12 adiciendo largitus fuerit, sine contradictione cujuscumque ducis, episcopi, comitis, vicecomitis, magnae parvaeque personae diversae dignitatis vel officii, rectores
l.13 jamdicti Divionensis monasterii libere teneant, possideant, justoque disponant arbitrio. Si quis autem quod absit hujus nostri praecepti violator
l.14 extiterit, sciat se compositurum auri optimi libras triginta, medietatem camerae nostrae et medietatem eidem monasterio ejusque rectoribus.
l.15 Et ut hoc verius credatur diligentiusque ab omnibus observetur, manu propria corroborantes sigillo nostro subtus insigniri jussimus.
l.16 Actum publice supra [...] apud regale colloquium gloriosissimi regis Rotberti atque Heinrici regis serenissimi anno ab incarnatione Domini nostri Jhesu Christi MVI
l.17 indictione IIII regnante [eodem] rege Rotberto illustrissimo, anno VIIIIX.
l.18 [sceau] [monogramme].
l.19 Ego Franco cancellarius sacri palatii subscripsi. [signum].

NEWMAN (William Mendel), Catalogue des actes de Robert II, roi de France, Paris : Librairie du Recueil Sirey, 1937, p. 35-36, n° 28.

CHEVRIER (Georges), CHAUME (Maurice), Chartes et documents de Saint-Bénigne de Dijon, prieurés et dépendances des origines à 1300, t. 1 : VIe-Xe siècle, Dijon, 1986, p. 31-33, n° 235. (d'après copie).