Mâcon, AD Saône-et-Loire, H 177 n° 8

<< < / > >>

Numéro612

Fiabilité de l'actenon suspecté

Genrediplôme

Date22/05/989(fiabilité :édition)

Lieunon identifié

DiocèseChalon/Saône

RégionBourgogne

Supportparchemin

Chirographienon

Sceau sceau plaqué perdu

Etat de la traditionoriginal

Hauteur à gauche660   mm

Largeur en bas565   mm

AuteurHugues Capet, roi  de  FRANCE

BénéficiaireAbbaye  de  SAINT-PHILIBERT  de  TOURNUS

Regeste

Hugues Capet, roi de France, à la prière de l'abbé Eudes, confirme aux moines de Saint-Philibert de Tournus les biens et les droits concédés par ses prédécesseurs.

Texte

l.1 [chrisme] IN NOMINE SANCTAE ET INDIVIDUȨ TRINITATIS, HUGO, DIVINA PREORDINANTE CLEMENTIA REX FRANCORUM. SI CULTIS ET DEO DICATIS LOCIS, OB REMEDIUM ET SALUTEM
l.2 animarum nostrarum conferre cupimus, non solum temporale credimus nobis augmentari dignitatem, verum etiam aeternam recepturos nos in caelis haud dubitamus mansionem. Quapropter noverit omnium sanctae Dei aecclesiȩ fidelium
l.3 tam presentium quam futurorum, sollertia, quoniam adiit nostrae caelsitudinis clementiam ODO venerabilis abbas humiliter supplicando efflagitans, quatinus precepta quae antecessores nostri Francorum scilicet reges sanctae et
l.4 intemeratȩ virgini Mariae, sanctoque fecerant Filiberto confessori, precellentissimo jam prenotato abbati omnibusque monachis ejus, nutus subditis precepto nostrae auctoritatis corroboraremus, pro Dei sanctorumque omnium
l.5 amore, atque pro salute animȩ meae, conjugisque meȩ seu filii nostri Rotberti regis, necnon et perpetua prosperitate nostra, ac statu regni nostri. Quorum petitionibus annuentes concedimus jam prelibato abbate abbatiam
l.6 Sancti Valeriani martiris, quae est sita in pago Cabillonensi, super Sagonnam, quo ipse corpore quiescit, [castrum quoque Trino]rchium, quod est ex jamdicta abbacia, necnon et omnes res quae olim a fidelibus christianis predicto
l.7 martyri collatȩ fuerunt : Turnotium quoque villam cum omnibus ad se pertinentibus, et Bisiacum villam in pago Lugdunensi et cellam Sancti Romani in pago Matisconensi cum omni integritate, et Olcasiacum villam in ipso pago, Abziacum
l.8 villam cum aecclesia, Lovincum villam cum omnibus appendiciis, cellam Sancti Porciani cum omni integritate, Conaldum monasterium cum omnibus ad se pertinentibus, Godid monasteriolum cum omni plenitudine, eo videlicet modo ut prefati sancti et pre-
l.9-dictus abba, suique successores perpetualiter habeant. Volumus itaque in predicto loco trapezetas esse, et ut predictus locus capud sit omnium suprascriptarum rerum et super omnia quae aut a nobis aut a fidelibus nostris, a modo collata
l.10 fuerint, et memorato loco omnes res suprascriptae deserviant, et sint in usibus monachorum et necessitatibus pauperum. Preterea licentiam damus eidem congregationi de se semper eligendi abbatem, secundum sancti Benedicti regulam,
l.11 sicuti et alii regi antecessores nostri fecerunt. Annalem quoque mercatum per dies quattuor eidem congregationi concedimus in festivitate sancti Filiberti, de transitu et teoloneum ipsius mercati volumus quoque ut a nulla inpediantur judicia
l.12 potestate. Concedimus quoque eis immunitatem sexcentorum solidorum, quam Karolus imperator, et ceteri reges post ipsum concesserunt. Cujus immunitatis infractor sexcentorum solidorum fore culpabilis judicetur. Erogamus itaque
l.13 luminaribus ipsius aecclesiae totum quicquid exinde sp[erare] potuerat jus fisci nostri. Jubemus itaque ut nullus nostrorum vel successorum, comes seu vicecomes, aut vicarius, aut missus discurrens in predicta immunitate aut monasterio a nobis et
l.14 antecessoribus nostris collata exquirere, aut mansionaticum, aut parafredum, aut eulogias presumat, neque horum quispiam ab eorum servis, colonis, seu francis, super eorum terram commanentibus exigere in publicis mercartis, sive de fratrum
l.15 negotiis, sive de suis, teloneum aut ullam exactionem, neque in mari, sive in Ligeris fluvio, aut Rodano, seu Sagonne, aut Dou, vel ceteris fluminibus navigantibus aut littoribus commorantibus exigere audeat, aut presumat, aut navaticum,
l.16 aut sospitaticum, aut salutaticum, aut portaticum, neque in terra rotaticum, neque de tabernis ullam exhibitionem. Precipimus quoque nostra regia auctoritate ut nemo antistitum vel comes, aut aliqua laicalis potestas, in pre-
l.17-fato loco placidum constituere, aut tenere audeat. Concedimus itaque in pago Pictavensi, Metsiacum, Madernas, Adziacum, et Curciacum, cum omnibus appenditiis suis, Buxiolum quoque in pago
l.18 Cenomannico, cellam Sancti Prudentii in pago Pictavensi, Talgariam, Ariacum, et Classiam, Caciacum villam in pago Belcinensi, Asinarias in pago Pictavensi, cum omnibus ad se pertinentibus. Unde hoc nostrae altitudinis preceptum
l.19 fieri predictoque abbati ODONI dari jussimus, per quod ipse suique successores memoratas res, quas modo concedimus et de preterito concessimus ritu, perpetuo teneant atque possideant. Et ut hoc nostrae auctoritatis
l.20 preceptum inviolabile permaneat, sigillo nostro insigniri jussimus.
l.21 RAGENALDUS CANCELLARIUS SUBSCRIPSIT. SIGNUM HUGONI REGIS ANNO II REGNANTE HUGONI REGE. DATA MENSE XL KALENDAS JUNII.
l.22 [monogramme] [sceau].

Bibliographie

LEX (Léonce), Archives de la Saône-et-Loire. Documents originaux antérieurs à l'an mille, Chalon-sur-Saône, Marceau, 1888, (Archives de Saône-et-Loire) ou Mémoires de la Société d'histoire et d'archéologie de Chalon-sur-Saône, 1888, p. 26-28, n° 18.

Responsable

M.-J. Gasse

Comment citer cette notice

Acte n°612 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°612»[En ligne] http://www.cn-telma.fr/originaux/charte612/. Date de mise à jour : 29/03/12.