Châlons-en-Champagne, AD Marne, 12 H 2 n° 3

<< < / > >>

Numéro61

Fiabilité de l'actenon suspecté

Genrebulle

Date14/10/1096(fiabilité :édition)

LieuCrémone(lat :Cremone)

DiocèseReims

RégionChampagne/Ardenne

Supportparchemin

Chirographienon

Sceau bulle

Etat de la traditionoriginal

Hauteur à gauche670   mm

Largeur en bas410   mm

AuteurPape Urbain II

BénéficiaireBurchard, abbé  de  SAINT-BASLE  de  VERZY

Regeste

Urbain II, pape, confirme à Burchard, abbé de Saint-Basle de Verzy, les possessions de l'abbaye, le renoncement par la maison de Champagne et de Châtillon de ses droits sur l'avouerie de Saint-Basle, et la libre élection de l'abbé.

Fac-similé

Texte

l.1 URBANUS, EPISCOPUS, SERVUS SERVORUM DEI, DILECTO FILIO BURCHARDO, ABBATI MONASTERII SANCTI BASOLI, EJUSQUE SUCCESSORIBUS REGULARITER SUBSTITUENDIS
l.2 IN PERPETUUM. Piȩ postulatio voluntatis effectu debet prosequente compleri, quatinus et devotionis sinceritas laudabiliter enitescat et utilitas
l.3 postulata vires indubitanter assumat. Quia igitur dilectio tua ad sedis apostolicȩ portum confugiens, ejus tuitionem devotione debita requisivit, nos supplicationi
l.4 tuȩ clementer annuimus. Venerabile siquidem cȩnobium, cui auctore Deo tua strenuitas presidet, tam pro beatorum confessorum Christi MARTINI ac BASOLI reverentia,
l.5 quorum alterius nomine, alterius corpore locus ipse insignis est, quamque etiam pro tuȩ postulationis instantia juxta predecessorum nostrorum JOHANNIS ac BENEDICTI pontificum
l.6 exemplaria, nos quoque sedis apostolicȩ privilegio communimus. Per presentis igitur decreti paginam apostolica auctoritate statuimus, ut quecumque hodie idem cȩnobium
l.7 concessione pontificum, liberalitate regum, largitione principum vel ceterorum oblatione fidelium legitime possidet, sive in futurum juste atque canonice
l.8 poterit adipisci, firma tibi tuisque successoribus et illibata permaneant. Decernimus ergo, ut nulli omnino hominum liceat, idem monasterium temere perturbare
l.9 aut ejus possessiones auferre, vel ablatas retinere vel injuste datas suis usibus vendicare, minuere, vel temerariis vexationibus fatigare, sed omnia integra conserventur
l.10 eorum, pro quorum sustentatione et gubernatione concessa sunt, usibus omimodis profutura, salvo Remensi ecclesiȩ canonico jure et reverentia. Illud nimirum cyrographum
l.11 per quod frater noster PHILIPPUS, Catalaunensis episcopus, et HUGO comes, THEOBALDI comitis filii, se et omnes consanguineos suos ab advocatiȩ officio pro beati BASOLI reverentia
l.12 exuerunt, per quod etiam GUIDO, filius Manasses, consentiente et confirmante germano ejus venerabili fratre nostro MANASSE, Remensi archiepiscopo, ab eadem advocatia
l.13 remotus est, nos ratum perpetuo haberi volumus et jubemus. Unde et statuimus, ut nemini deinceps facultas sit, advocatiȩ officium in vestro monasterio, nec aliquas
l.14 proprietatis condiciones aut hereditarii juris aut investiturȩ, nec cujuslibet potestatis, quȩ libertati et quieti fratrum noceat, vendicare. Obeunte te, nunc ejus loci abbate,
l.15 vel tuorum quolibet successorum, nullus ibi qualibet subreptionis astutia vel violentia preponatur, nisi quem fratres communi consensu vel fratrum pars consilii sanioris secundum
l.16 Dei timorem et beati BENEDICTI regulam elegerint. Si qua igitur ecclesiastica secularisve persona hanc nostrȩ constitutionis paginam sciens contra eam temere venire
l.17 temptaverit, secundo terciove commonita, si non satisfactione congrua emendaverit potestatis honorisque sui dignitate careat, reamque se divino judicio existere de perpetrata
l.18 iniquitate cognoscat, et a sacratissimo corpore ac sanguine Dei et domini redemptoris nostri Jhesu Christi aliena fiat, atque in extremo examine districtȩ ultioni subjaceat.
l.19 Cunctis autem eidem loco justa servantibus sit pax domini nostri Jhesu Christi, quatinus et hic fructum bonȩ actionis percipiant, et apud districtum judicem
l.20 prȩmia eternȩ pacis inveniant. Amen. Amen. Amen
l.21 [rota] [benevalete].
l.22 Datum Cremone, per manum Johannis, sanctȩ Romanȩ ecclesiȩ diaconi cardinalis, II idus octobris, indictione Va, incarnationis dominicȩ anno MoXCoVIIIo pontificatus autem domni URBANI secundi papȩ IXo.
l.23 [sceau].

Bibliographie

JAFFE-LOEWENFELD, n° 5672.

PFLUGK-HARTTUNG (J. von), Acta pontificum romanorum inedita. Urkunden der Päpste 97-1197. rééd, 3 vol., Graz, 1958, t. 1, p. 64-65, n° 68.

Responsable

M. Courtois

Comment citer cette notice

Acte n°61 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°61»[En ligne] http://www.cn-telma.fr/originaux/charte61/. Date de mise à jour : 29/03/12.