Charles le Chauve, roi des Francs, donne aux moines de Saint-Philibert un petit monastère situé à Bussogilo dans le Maine pour leur servir de refuge.

l.1 [chrisme] [notes_tironiennes] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. QUICQUID PROPTER AMOREM DEI ET UTILITATEM AC NECESSITATEM SERVORUM EJUS EFFICERE STUDEMUS,
l.2 profuturum nobis ad aeternam beatitudinem obtinendam omnino confidimus. Itaque notum sit omnibus sanctae Dei ecclesie fidelibus et nostris presentibus atque futuris, quia ad deprecationem dilecti fidelis et compatris
l.3 nostri Erispogii, quandam cellam in pago Cenomannico sitam, in honore beati Petri apostolorum principis a sancto Trogecio fundatam, cum omnium rerum sibi pertinentium et familiae utriusque sexus integritate, com-
l.4-placuit precellentiae nostrae pro peccatorum nostrorum abolitione monasterio Deas, in quo sanctus Filibertus habetur sepultus, conferre ac perpetuo habendam hoc [nostrae] auctoritatis testamento delegare,
l.5 cui siquidem sancti Filiberti monasterio religiosus vir Hilbodus abbatis ministerio preesse congnoscitur, videlicet ut monachi ejusdem monasterii a facie persequentium paganorum ab eodem migrantes in prefata cella
l.6 Bussogilo refugium sese habere posse congratulentur. Quare altitudinis nostrae preceptum hoc fieri jussimus, per quod memoratam cellam, veluti presignatum est, cum omnibus sibi pertinentibus rebus
l.7 eidem sancti Filiberti monasterio perenniter delegatam esse volumus atque constituimus, videlicet ut nulli liceat aliquando a dominatione abbatis monasterii Sancti Filiberti eam aliquando subtrahere aut in alios aliquid
l.8 preterquam constituimus usus de rebus prescripte cellȩ pertinentibus ullo modo retorquere aut cuilibet habendum aut aliter agendum conferre, sed quicquid exinde fieri potest necessitatibus monachorum
l.9 inibi degentium semper auctore Deo proficiat in augmentum et animae nostrae prosit in adjutorium. Ut autem haec sublimitatis nostrae delegatio per[petua]m obtineat in Dei nomine vigorem,
l.10 manu nostra subter eam firmavimus et de anulo nostro jussimus sigillari.
l.11 SIGNUM [monogramme] KAROLI GLORIOSISSIMI REGIS. [chrisme] [notes_tironiennes] [Amen] GISLEBERTUS NOTARIUS AD VICEM HLUDOVUICI RECOGNOVIT ET [ruche_notes_tironiennes] [subscripsit indignus diaconus] [sceau].
l.12 Data IIII idus februarii, anno XVI, indictione II, regnante Karolo glorioso rege. Actum in Vetere Domo. In Dei nomine, feliciter. Amen. [Amen].

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 531, n° 121.

LEX (Léonce), Archives de la Saône-et-Loire. Documents originaux antérieurs à l'an mille, Chalon-sur-Saône, Marceau, 1888, (Archives de Saône-et-Loire) ou Mémoires de la Société d'histoire et d'archéologie de Chalon-sur-Saône, 1888, p. 6-7, n° 5.

JUSSELIN (Maurice), Notes tironiennes de quelques diplômes de Charles le Chauve, in BEC, t. 98 (1937), p. 13-16, p. 15.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 1, p. 478-480, n° 180.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 4, pl. 7 (fac-similé).