Pascal II, pape, assure à Bertulf, abbé de Walbourg, qu'il prend sous sa protection cette abbaye et lui confirme ses droits et privilèges.

l.1 PASCHALIS, EPISCOPUS, SERVUS SERVORUM DEI, DILECTO FILIO BERTULFO, ABBATI MONASTERII QUOD IN HONORE SANCTORUM APOSTOLORUM PHILIPPI ET JACOBI ET SANCTAE
l.2 GVALPURGAE VIRGINIS CONSTRUCTUM EST, IN ARGENTINO EPISCOPATU, IN LOCO VIDELICET QUI SACRA SILVA DICITUR, EJUSQUE SUCCESSORIBUS REGULARITER SUBSTITUENDIS IN PERPETUUM.
l.3 Desiderium, quod ad religiosum propositum et animarum salutem pertinere monstratur, auctore Deo sine aliqua est dilatione complendum. Religiosi siquidem principes
l.4 Fridericus et Petrus in alodio suo, infra episcopatum Argentinum, in loco videlicet qui Sacra Silva dicitur, monasterium construentes beato Petro et ejus sanctae Romane
l.5 aecclesiae obtulerunt sub unius aurei censu annuo, quod sub beatorum apostolorum PHILIPPI et JACOBI et sanctae GVALPURGE virginis honore dedicari, et apostolicae sedis
l.6 expostulant protectione muniri. Nos igitur, eorum congaudentes devotioni monasterium ipsum et dedicari concedimus et protectione sedis apostolicae per presentis privilegii
l.7 paginam communimus. Statuimus enim, ut universa quȩ a supradictis fundatoribus vel ab aliis fidelibus de suo jure monasterio eidem collata sunt, vel in futurum
l.8 largiente Deo dari, offerri vel aliis justis modis adquiri contigerit, quieta vobis vestrisque successoribus et illibata permaneant. Nulli ergo omnino hominum liceat,
l.9 eundem locum temere perturbare, aut ejus possessiones auferre vel ablatas retinere, minuere vel temerariis vexationibus fatigare, sed omnia integra conserventur
l.10 eorum pro quorum sustentatione et gubernatione concessa sunt, usibus omnimodis profutura. Sane fructuum vestrorum seu animalium decimas, sine episcoporum vel
l.11 episcopalium ministrorum contradictione xenodochio vestro, reddendas possidendasque sancimus, nec advocatus alius nisi qui ab abbate cum fratribus assumptus fuerit
l.12 eidem monasterio asciscatur. Sepulturam quoque loci ipsius omnino liberam esse decernimus, ut eorum, qui illic sepeliri deliberaverint devotioni et extremȩ
l.13 voluntati, nisi forte excommunicati sint, nullus obsistat. Consecrationes altarium, ordinationes monachorum, qui ad sacros fuerint ordines promovendi, ab
l.14 episcopo in cujus diocesi estis accipietis. Siquidem gratiam atque communionem apostolicae sedis habuerit et si ea gratis ac sine pravitate voluerit exhibere. Alioquin
l.15 liceat vobis, catholicum, quem malueritis adire antistitem et ab ipso eadem sacramenta suscipere. Qui apostolicae sedis fultus auctoritate quod postulatur indulgeat.
l.16 Si qua igitur, in futurum, ecclesiastica secularisve persona, hanc nostrae constitutionis paginam sciens contra eam temere, venire temptaverit, secundo tertiove
l.17 commonita si non satisfactione congrua emendaverit, potestatis honorisque sui dignitate careat reamque se divino judicio existere de perpetrata iniquitate
l.18 cognoscat et a sacratissimo corpore ac sanguine Dei et domni redemptoris nostri Jhesu Christi aliena fiat atque in extremo examine districtae ultioni subjaceat.
l.19 Cunctis autem sepedicti monasterio justa servantibus sit pax domini nostri Jhesu Christi. Quatenus et hic fructum bonae actionis percipiant
l.20 et apud districtum judicem premia aeternae pacis inveniant. Amen. AMHN. AMEN.
l.21 [rota] Ego Paschalis catholicȩ ecclesiȩ episcopus subscripsi [benevalete].
l.22 Data Beneventi per manum Johannis sanctȩ Romanȩ ecclesiȩ diaconi cardinalis ac bibliothecarii, VII kalendas maii, indictione Xa, incarnationis dominicȩ anno MoCXVIIo,
l.23 pontificatus autem domni Paschalis secundi papȩ anno XVIIIo.
l.24 [sceau].

1