Diezwib donne à l'Église de Strasbourg un demi-manse à Dingsheim et Bischoffsheim.

l.1 Notum sit omnibus Dei ȩcclesiȩ fidelibus, qualiter ego Diezwib pro remedio animȩ meȩ dilectique mariti
l.2 mei Benzelini dimidium mansum in Dungenesheim et Biscofesheim marcha situm Argentinensi
l.3 ȩcclesiȩ tradidi ea conditione, ut frater meus Iso vel alius in propinquitate mihi proximus eundem dimidium
l.4 mansum possideat et annis singulis in octava sancti Laurentii IIII solidos decano ejusdem ȩcclesiȩ persolvat,
l.5 ipse autem de eisdem denariis unicuique fratrum denarium in anniversario meo administret. Quicumque autem
l.6 heredum hanc hereditatem possidere voluerit, de manu decani absque honoris pecunia suscipiat. Si quis
l.7 autem heredum hereditate decesserit, is, qui ei hereditario jure succeserit, datis tantum IIII denariis prenomi-
l.8-natam hereditatem possidet. Acta sunt hȩc in civitate Argentinȩ, anno dominicȩ incarnationis MCXVI,
l.9 indictione VIIII, regnante Heinrico anno X regni ejus, Cuonone episcopo, Friderico duce, Sigefrido advo-
l.10-cato, in horum presentia testium: Burchardi decani, Geroldi, Diezmanni, Hugonis, Dietherici, Cuonradi,
l.11 Hessonis, Humberti, Burchardi, Hartgeri, Gebenonis, Ottonis, Berhdolfi, Cuononis.

1

WIEGAND (Wilhelm), Urkundenbuch der Stadt Strassburg, 7 vol., Strasbourg, 1879, t. 1, p. 56-57, n° 70.

Chartes originales du Bas-Rhin in Cahiers du CRAL, n° 35, p. 106.