Le noble Otton de Bruchkirchen donne à l'Église de Strasbourg un demi-manse situé à Vendenheim.

l.1 [croix] IN NOMINE SANCTȨ ET INDIVIDUȨ TRINITATIS. Omne testamentum tali ratione conscribitur, ut res acta et tempore preterita teneatur posteris in memoria. Notum igitur esse cupimus tam futuri quam
l.2 presentis sȩculi hominibus, qualiter quidam nobilis laicus de Bruchkirchen Otto nomine mansum unum in villa, quȩ vocatur Vendenheim, cum omni jure donaverit et legaverit sanctȩ Mariȩ in majori ȩcclesia ARGENTINE
l.3 in usum communem confratrum. Et hoc fecit pro remedio animȩ suȩ et suorum et pro dilectione Hartwigii filii sui et in eodem loco confratris. Ut hȩc vero traditio sive actio firma et insolubilis perma-
l.4-neat omni ȩvo, hanc cartam inde conscribi testesque subscribi et sigilli episcopi inpressione fecimus insigniri. Hii sunt testes prescriptȩ traditionis: Cuono episcopus, quo consentiente et cujus banno confirmante
l.5 hȩc omnia facta sunt; Brun, major prepositus et regis cancellarius; Burchart, decanus; Eberhart, edituus; Hesso, scolarum magister; Huc; Dietrich; Bertolt; Cuonrat; Ruodeger; Gerolt ceterique eorum
l.6 confratres. De laicali ordine: Sigefrit advocatus, Diebolt vicedomnus, Sigefrit urbis prefectus, Wernhere, Humbreth ceterique eorum comparitatis homines, quos enumerare longum est.
l.7 Quicumque autem hanc traditionem infringere vel irritam facere studuerit, auctoritate beati Petri apostoli et omnium sanctorum
l.8 et nostra eum anathemati subicimus.
l.9 Acta sunt hȩc ARGENTINE, anno dominicȩ incarnationis millesimo CoXVImo, Paschali papa Romanȩ ȩcclesiȩ presidente.
l.10 Heinrico imperatore IIIIto regnante, concurrente prima, ȩpacta VIta, indictione VIIIIna. [sceau].

1

WIEGAND (Wilhelm), Urkundenbuch der Stadt Strassburg, 7 vol., Strasbourg, 1879, t. 1, p. 56, n° 69.

WEISS (Peter), Frühe Siegelurkunden in Schwaben (10.-12. Jahrhundert), Marburg-an-der-Lahn, Institut für historische Hifswissenschaften, 1997 (Elementa diplomatica ; 6), p. 74-75.

Chartes originales du Bas-Rhin in Cahiers du CRAL, n° 35, p. 104-105.