Strasbourg, AD Bas-Rhin, H 2610 n° 1

<< < / > >>

Numéro558

Fiabilité de l'actedouteux

Genrediplôme

Date15/05/845(fiabilité :texte)

LieuStrasbourg(lat :publice in palatio regio Argentoraco)

DiocèseStrasbourg

RégionAlsace

Supportparchemin

Chirographienon

Sceau sceau plaqué perdu

Etat de la traditionpseudo-original

Hauteur à gauche615   mm

Largeur en bas470   mm

AuteurEmpereur Lothaire Ier

BénéficiaireAbbaye  de  SAINT-ETIENNE  de  STRASBOURG

Regeste

Lothaire, empereur, à la demande de l'abbesse Basilla, confirme les privilèges et immunités de l'abbaye Saint-Étienne de Strasbourg.

Texte

l.1 [chrisme] IN NOMINE DOMINI NOSTRI JHESU CHRISTI DEI EATERNI, HLOTARIUS, DIVINA ORDINANTE PROVIDENTIA INPERATOR AUGUSTUS. CUM PETIONIBUS SERVORUM DEI JUSTIS ET RACIO-
l.2-nabilibus divini cultus amore favemus, superni muneris donum nobis a domino inpertiri minime diffidimus. Igitur omnium fidelium sanctȩ Dei ȩclesiȩ et nostrorum presentium videlicet et futurorum conperiat industria,
l.3 qualiter dilecta cognata nostra venerabilis sanctimonialis et abbatissa Sancti prothomatiris Stephani Basilla in ambitu infra muros Argentorato, majestatem nostram adiit offerens obtutibus nostris aucoritates
l.4 et munimina cartarum illustris parentelȩ nostre, progenitoris ducis Adalberti, qui fundavit jamdictum locum in parte suȩ hereditatis, quȩ sibi pertinuit inter ruinas veteris Argentorati, pro opor-
l.5-tunitate solitudinis et juxta fluentis Brusci fluvii et dotavit eum prediis suis large pro remedio animȩ suȩ et parentum suorum ibidem adtributis, et Atalam, sacratissimam virginem
l.6 abbatissam presidere ordinavit, et quemadmodum in eisdem insertum continebatur auctoritatibus eundem locum per pragmaticam regis Childerici constitutionem prerogativa
l.7 emunitatis libertate conmuniri inpetravit, ita dumtaxat, ut salva per omnia reverentia sacrosancti antistitis, in cujus consistit territorio, nullus judex publicus vel quislibet ex
l.8 judiciaria potestate in loca vel agros seu reliquas possessiones, quas in quibuslibet pagis vel territoriis possidebat, nisi defensor, quem ipsius loci congregatio et abbatissa voluntarie a palacio
l.9 inpetraverit, audeat ingredi ad causas audiendas vel freda aut tributa exigenda vel colonos vel ficalinos homines ullo modo molestare. His itaque ita pertractatis et meritis piorum
l.10 votorum in vita futura conpensatis talis munificentiȩ expertem me futurum perhorrui et piȩ peticioni prefatȩ cognate nostrȩ [Basillȩ] facilem prebui auditum, et sicut rogavit facta an-
l.11-tecessorum meorum scriptis et preceptis confirmavi et corroboravi et constitucionis ordinem rememorando renovavi, ut videlicet ibidem permaneat certus numerus quatuor canonicorum sacerdo[tum],
l.12 ex quibus liceat idoneum echonemum, cum opus fuerit, accipere, et triginta sorores ad ministeria claustri peragenda cum congruis ministris et edituis intus et foris digne et fideliter ministrantibus. Pro-
l.13-inde vero eisdem confirmatis hortatu et rogatu atque favore voluntario dilectissimȩ conjugis inperatricis augustȩ Hyrmengardis, collecta utriusque manu, stibulatione firma, donatione legitima
l.14 tradidimus jam sepedicto loco Sancti Stephani prothomartiris ad stipendium fratrum canonicorum et sanctimonianium Deo ibidem famulantium XII nominatas et dominicas curtes cum omnibus appendiciis suis
l.15 et justiciis suis nobis in eis constitutis, videlicet basilicis, capellis, villis, vicis, et antea tradita confirmavimus tam infra muros Argentoracens quam in pagi infra muros basilicam Sanctȩ Crucis cum suis
l.16 terminis et decimis Bothebur et campis, pratis, pascuis, conpascuis, aquis aquarumque decursibus et piscationibus et utriusque ripȩ litoribus juxta vel infra aut circa villam Skitingsdtbvohel cul-
l.17-tis vel incultis, quesitis et inquesitis quibuslibet vel usibus vel questibus, aptis, servis, ancellis, colonis, ficalibus, silvis, insulis, exitibus et redetibus et banno et cyppo; in pago Alsacinda Wanga cum suis appendiciis, campis, silvis, vinetis, rivis eorumque decur-
l.18-sibus cunctisque justiciis; Othenhen, Nunnenwilre, Gundeneswilre in pago Martinhauga cum supradicto jure de Bothebur et Skitingsdtbuel; in pago Prisgaudi Munzinga villa cum suis appensibus, basilica, vicis, terminis, decimis, campis, silvis, pratis, pas-
l.19-cuis, conpascuis, cultis, incultis, quesitis, inquirendis, mancipiis, servis et ancillis, colonis et fiscalinis, tam de equestre quam pedestre ordine banno vel cyppo marcato aet omnibus justiis, sicut ceteri meliores; cis Renum juxta fluvium Ylla noncupante Egeshein, Wibi-
l.20-leshein in simili jure, sicut cetera supradicta basilica terminis usque ad fines Yllekiriche et Ryno et supra et inferius piscatum, in Bosenhen dominicam curtem, capellam et decimam [. . . 10. . . ] cum salica terra et suis apensibus; duas curtes
l.21 ad luminaria concynnanda destinavimus cum suis apensibus Lumarshein, Lupotheshen. Sed ut prefata nepta nostra Basilla abbatissa ejusque in eodem loco succestrices jura et constituciones sibi ab inicio pragmatice et canonice contraditas qui-
l.22-ete et inconvulse in perpetuum possideat et obtineat, hoc emunitatis edictum fieri jussimus, in quo precipimus et confirmamus, ut nullus publicus judex vel quilibet ex judiciaria potestate vel aliquis hominum audeat aliqua occasione [vel]
l.23 alicuis concessione vel jussione aliquas eorum aaeclesias, possessiones vel quaslibet res invadere vel aliquo modo molestare, nec aliquis successorum inperatorum seu regum hanc nostram constitutionem valeat inmutare, nisi, quod absit,
l.24 consultis summis aeclesiae principibus atque regni fidelibus pro aliqua evidentissima et chatolicis principibus legaliter cognita necessitate vel utilitate publice per aliam auctoritatem in meliorem statum reformetur. Si quis vero
l.25 contra hanc nostram auctoritatem venire temptaverit, predicto loco triginta libras argenti examinati exsolvere et fisco regio totidem auri purissimi cogatur.
l.26 Et ut hoc firmitatis preceptum inviolabilem et ratam habeat firmitatem, manu propria subter illud firmavimus et anuli nostri inpressione sigillari jussimus. SIGNUM HLOTHARII SERENISSIMI AUGUSTI [monogramme] [sceau].
l.27 RINADUS NOTARIUS [AD VICEM HILDUINI] RECOGNOVI ET CONFIRMAVI [ruche]. Data idus maii, anno Christo propicio imperii domini Hlotharii XXVI, et in Fran-
l.28-cia VI, indictione VIII. Actum publice, in palatio regio Argentoraco, cum iremus in Italiam. Feliciter. Amen.

Bibliographie

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 5, col. 464.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 382, n° 24.

SCHÖPFLIN (D.), Alsatia aevi Merovingici Carolingici Saxonici Salici Suevici diplomatica, 2 vol., Mannheim, 1772, t. 1, p. 81-82, n° 101.

WIEGAND (Wilhelm), Urkundenbuch der Stadt Strassburg, 7 vol., Strasbourg, 1879, t. 1, p. 19-20, n° 25.

BRUCKNER (Albert), Regesta Alsatiae aevi merovingici et karolini, 496-918, t. 1 : Quellenband, Strasbourg-Zurich, 1949, p. 331-332, n° 530.

SCHIEFFER (Th.), Die Urkunden Lothars I. und Lothars II., Berlin-Zurich, 1966 (MGH Diplomata Karolinorum, 3), p. 216-223, n° 90.

Chartes originales du Bas-Rhin in Cahiers du CRAL, n° 35, p. 28-31.

Responsable

M.J. Gasse

Comment citer cette notice

Acte n°558 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°558»[En ligne] http://www.cn-telma.fr/originaux/charte558/. Date de mise à jour : 29/03/12.