Dijon, AD Côte-d'Or, 82 H 1075

<< < / > >>

Numéro5007

Fiabilité de l'actenon suspecté

Genrecharte

Date1004(fiabilité :édition)

LieuBeaune(lat :Belno)

DiocèseAutun

RégionBourgogne

Supportparchemin

Chirographienon

Sceau sceau plaqué perdu

Etat de la traditionoriginal

Hauteur à gauche461   mm

Hauteur à droite463   mm

Largeur en haut288   mm

Largeur en bas287   mm

AuteurGautier, évêque d'AUTUN

BénéficiaireSAINT-BENIGNE) - BEAUNE (SAINT-ETIENNE  de  DIJON

Regeste

Gautier, évêque d'Autun, ratifie la fondation du prieuré Saint-Etienne de Beaune par le vicomte de Beaune Eudes, soustrait ce lieu à son autorité, donne plusieurs dîmes et confirme les limites du cimetière.

Fac-similé

Texte

l.1 IN NOMINE SANCTȩ ET INDIVIDUE TRINITATIS, VUATERIUS, DEI AMMINICULANTE OMNIPOTENTIS
l.2 miseratione, Heduensium presul. Si cunctis que ad ȩcclesiasticam pertinent providentiam, queque nostri ordinis vel
l.3 correctione indigent vel opitulatione, pro posse nostro rectitudinis moderamen inpendimus, non solum in hoc piorum ac Deo
l.4 devotorum predecessorum nostrorum facta imitamur, sed etiam animȩ nostrȩ perpetuȩ beatitudinis gloriam adquirimus.
l.5 Unde, justis assensum prebentes peticionibus cujusdam bonȩ devotionis viri, nomine Oddonis, atque uxoris ejus,
l.6 nomine Hingolȩ, aecclesiam quam prope menia Belnensis castri, per centum curricula et eo amplius
l.7 annorum destructam, modo, pro animarum suarum remedio, ad laudem et gloriam domini Dei salvatoris
l.8 reedificare contendunt, non solum ad profectum deducere cohortamur, sed etiam cuicumque ipsorum
l.9 largitionis dono prefata ecclesia collata visa fuerit monasterio, cum omnibus que ex suis
l.10 patrimoniis sive que auctoritate regia seniorisque sui illustrissimi scilicet
l.11 comitis OTTONIS, Dei hujus rei gratia contulerunt vel contulerint, perpetuo sancimus habere.
l.12 Et quoniam locus ille, ubi supradicta dedicanda est ecclesia, inter duas vias est, habens a sinistro
l.13 latere fluvium qui dicitur Bosesa, et ab occidente denominatum castrum, quod nostrae juri ȩcclesiȩ
l.14 minime pertinere dinoscitur, ut nullus inde successoribus nostris per succedentia tempora calumpniȩ patere
l.15 umquam queat locus, per hujus noticiȩ decernendo decernimus decretum, ut sine violentia ullius, abbas vel monachi
l.16 Divionensis cenobii, cui a supradicto viro Oddone et uxore ejus Hingola subjuganda prefata decernitur
l.17 ȩcclesia secundum timorem Dei, tam ex ea quam ex omnibus suis pertinentiis, ex collatis quoque vel conferendis, a jamdictis
l.18 jugalibus seu quibuscumque fidelibus, faciendi quecumque voluerint liberam habeant potestatem ; de terris vero
l.19 in nostro episcopatu manentibus, quȩ a fidelibus viris datȩ sunt vel dabuntur prefatȩ ȩcclesiȩ, decimas
l.20 earum ipsi perpetuo habere concedimus. Determinationes quoque cimiterii hujus ȩcclesie, sicut a gloriose
l.21 rege Rotberto distinctae sunt, nos approbamus et confirmamus. Que omnia, ut inconvulsa permaneant,
l.22 stipulatione subnixa, tam a nobis quam a nostris suffraganeis firmari pontificali auctoritate ratum
l.23 duximus, quatinus secundum predictorum cartulam, regalisque precepti auctoritatem, episcopalis
l.24 censura, et Christo de suis conferentium corroboret donum et rapacitatis ausum cohibeat
l.25 invasorum. Ego Vualterius episcopus subscripsi manu mea. [chrisme] Signum meum [sceau].
l.26 Signum Huboldi abbatis. Signum Hermuini abbatis. Signum Gerardi abbatis.
l.27 Signum Hunrici abbatis. Signum Richardi archidiaconi. Signum Ansisi cantoris. Signum Aynaldi.
l.28 Signum Hugonis. Signum Raynaldi cancellarii. Actum est Belno, in curia Ottonis comitis.
l.29 Signum OTTONIS comitis. Anno incarnati Verbi millesimo quarto, indictione secunda, epacta vicesima sexta,
l.30 concurrente sexto, regnante Rotberto rege anno septimo decimo.

Notes

1

Bibliographie

CHAUME (Maurice), Les origines du duché de Bourgogne, Aalen, 1977, p. 477.

CHEVRIER (Georges), CHAUME (Maurice), Chartes et documents de Saint-Bénigne de Dijon, prieurés et dépendances des origines à 1300, t. 1 : VIe-Xe siècle, Dijon, 1986, t. 2, p. 23-24, n° 227.

CHASSEL (Jean-Luc), À propos de quelques documents de Saint-Bénigne de Dijon au XIe siècle: Robert le Pieux, [?]-Guillaume et le comté de Beaune; la liste des vicomtes et des prévôts de Dijon in Annales de Bourgogne, 65 (1993), p. 149-153.

Responsable

M.-J. Gasse

Comment citer cette notice

Acte n°5007 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°5007»[En ligne] http://www.cn-telma.fr/originaux/charte5007/. Date de mise à jour : 24/11/14.