Joceran, évêque de Langres, confirme la donation faite par Elgerius de Montigny-sur-Aube aux frères de Blanchevaux, de ce lieu de Blanchevaux avec toutes ses dépendances.

l.1 [chrisme] IN NOMINE SANCTAE ET INDIVIDUAE TRINITATIS, PATRIS, ET FILII, ET SPIRITUS SANCTI.
l.2 Postquam dominus noster Jhesus Christus humanitatis nostrȩ formam ineffabiliter susceptam multimoda miraculorum
l.3 exhibitione perornaverat, seseque mirificum ȩternȩ salutis auctorem imitari debere mundum ȩvidenti ratione
l.4 docuerat, inter plurima suȩ exhortationis insignias, quibus fideliter obsequendo proveheremur ad cȩli palatia,
l.5 virtutum matris misericordiȩ dignitatem, maxime circa fidei domesticos operandam ammonere studuit, et eam pie
l.6 sectantes beatitunis ȩternȩ premia adepturos vȩridica repromissione asseruit, dicens : Beati misericordes,
l.7 quoniam ipsi misericordiam consequentur. Cujus tam benignȩ repromissionis aliquam portiunculam habere cupiens
l.8 ego Jocerannus, nutu Dei Lingonensis ȩcclesiȩ episcopus, notitiȩ fidelium communiter tradere dispono, qualiter miles
l.9 quidam, Elgerius nomine, de Montaniaco villa, de rebus sue hereditatis fratribus de Blaynchinval, Bosoni
l.10 videlicet, Johanni et Miloni, et eisdem in perpetuum successuris, et in sanctȩ conversationis habitu ibidem permansuris, supradictum
l.11 locum cum omnibus appenditiis suis, laude uxoris suȩ et liberorum suorum utriusque sexus, necnon et dominorum suorum omnium
l.12 illorum qui ex nobis aliquid juris ostendere potereant, pro amore Dei et peccatorum suorum remedio, datis prius et in manu
l.13 nostra redditis omnibus, libere concesserit et perpetua stabilitate muniri et confirmari jusserit, locum scilicet Candi-
l.14-de Vallis, sicut limes ab horreo fratrum versus Tugeiacum tendens discernit, usque ad terminos de Rhievu
l.15 Quicquid sub ista determinatione ambitur et continetur, supradictis fratibus libere concessa et perpetua do-
l.16-natione recensita nostra episcopali auctoritate ex casamentis Lingonensis ȩcclesiȩ, sicut ab ipso Elgerio pie collata
l.17 et donata audivimus, cum omni curiositate et diligentia decernimus et concedimus, et ut nulli amplius liceat manum
l.18 tendere vel ad suos usus revocare, exceptis supradictis fratribus, omnino prohibemus. Usum etiam et pasturam totius nemoris
l.19 et terrarum huic confinio adjacentis usque ad Montaniacum, quomodocumque supradicte domui utile et necessarium fue-
l.20-rit, tam sibi quam suis animalibus habeant et, excepta superiori proprietate, communiter possideant. Hugo etiam Cavalcata
l.21 et alter Hugo clericus cum Rotberto sororio suo, et Albericus de Paragia supradictus fratribus pie providentes, de suis pos-
l.22-sessionibus partem benigne contulerunt et per manum nostram concesserunt. Nos autem, eorum justis petitionibus
l.23 benigne assentientes, res superius insertas, sicut presentis carte testimonio distinctas et coram sacro con-
l.24-ventu recensitas audistis, ita ex nostra laudamus et confirmamus, et archidiaconis nostris confirmandas
l.25 tradimus. S. Guilenci archidiconi. S. Ayrardi archidiaconi. S. Warnerii archidiaconi.
l.26 S. Guidonis archidiaconi. Acta sunt hec Lingonis, in plenaria synodo, anno ab incarnatione Domini millesimo
l.27 centesimo XVIII, Apostolicȩ Sedis summo pontifice Gelasio, Francorum rege Lodvico, Joceranno
l.28 Lingonice urbis episcopo. Ego Durannus notarius ad vicem FULCONIS archicancellarii scripsi,
l.29 dictavi et recitavi. Milo comes de Barro super Sequanam laudavit et consensit. Clarembaldus
l.30 de Capis laudavit. Ansericus de Cacennaco laudavit. Gyrardus de Gurgeio et Anno Rufus
l.31 laudaverunt et concesserunt. Milo etiam frater Gyrardi concessit. Hujus rei testes sunt : Gaufridus
l.32 Walo, Angerius, Aymo, Johannes, Darius, Seyfredus, Ecelinus. Ex parte Helgerii,
l.33 ante Clarembaldum, Jheremias de Castellione. Clarembaldus dapifer Clarembaldi,
l.34 Iterius, Monacus cognomine. [sceau].