Niort, AD Deux-Sèvres, H 81

<< < / > >>

Numéro4967

Fiabilité de l'actenon suspecté

Genrecharte

Date24/02/1080(fiabilité :texte)

LieuSaint-Maixent(lat :in capitulo sancti Maxentii)

DiocèsePoitiers

RégionPoitou/Charentes

Supportparchemin

Chirographienon

Sceau non scellé

Etat de la traditionoriginal

AuteurGeoffroi

BénéficiaireAbbaye  de  SAINT-MAIXENT

Regeste

Geoffroi, fils d'Hugues, donne à l'abbaye de Saint-Maixent l'église de Saint-Gaudence de Fouras avec de nombreux domaines, à la condition d'y édifier un monastère pour huit religieux.

Texte

l.1 IN NOMINE DOMINI NOSTRI JHESU CHRISTI. Ego Woffredus, filius Ugonis, cupiens devitare pȩnas inferni, et particeps fore sempiterne glorie paradisi, pro remedio animȩ meȩ omniumque parentum meorum
l.2 vel fidelium defunctorum, dono Deo et sancto MAXENTIO, ipsiusque ȩcclesiȩ servitoribus ȩcclesiam Sancti GAUDENTII, quȩ est in Alnisio, juxta castrum Currasium, cum terra quȩ est a castello usque ad silvam, et a silva
l.3 usque ad mare terram arabilem, et ab ȩcclesia inter duas vias usque ad castrum, et terram hominis Costet, et censum de salinis Robelini, et a salinis totam terram usque ad mare. Si silva supradicta
l.4 deserta ab arboribus fuerit, sit terra sancti MAXENTII. Terram Rainmundi de Botavilla, quȩ est subtus ecclesia, cum terra Peitrin, et Otgerii et orto Arneis cum silvula concedo. De piscatura ponte
l.5 Naau medietatem meȩ medietatis, hoc est quarta anguilla, do eis, et censum de molendino Marsilie. De salina Robelini inferius usque ad Aguillam, si salina aut molendinum factum
l.6 fuerit, consuetudo sit monachorum. Si ipsi monachi in eadem terra molendinum aut salinam facere voluerint, faciant sicut domini. Ista vero omnia hoc est predictam ecclesiam
l.7 et cetera que subscribuntur, Deum et sanctum MAXENTIUM, et servitores ecclesiȩ ejusdem cum omni libertate habere concedo. Terrȩ autem de Alantia et de Lironis partem mihi
l.8 divino nutu concessam, duarum scilicet medietatem insularum, et bessam qua Vindocimenses monachi supradictas insulas circuire inceperunt, inmutabiliter
l.9 dono : hac in hoc dono conventione habita, ut monachi Sancti Maxentii inceptam bessam usque ad Sensmurum perficiant, et ipsius bessȩ piscaturam omnem optineant. Pecoribus
l.10 quoque sive aliis bestiis monachorum quibuslibet seu famulorum, sine aliqua consuetudine, omni tempore pasturam habere concedo ; aedificia vero domorum que monachi
l.11 sunt facturi in supradictis insulis et circa monasterium, non prepositus, non quelibet persona, violare aut judicare prȩsumat, nisi forte monachus vel alius jussione ejus.
l.12 Rursus hoc convenio et promitto ut pro injuriis vel aliis forisfactis, quȩ mihi abbas vel monachi Sancti Maxentii fortassis quandoque facient, de hoc loco vel de omnibus
l.13 rebus ad eundem pertinentibus, non accipiam aliquam vindictam, neque subtraham servitoribus loci beneficium meum. Si in his partibus me, vel uxorem meam, seu heredem
l.14 meum, hujus honoris possessorem contigerit mori, expeto ut hic, si voluero, monachi et abbas Sancti Maxentii me honorifice sepeliant, vel hinc, si petiero, deferant
l.15 ad sanctum Maxentium, sine precio, nisi aliquid spontanea voluntate dedero. Si vero comes Pictaviensis, vel suorum aliquis, injuriam aut pressuram aliquam ipsius loci
l.16 habitatoribus monachis vel insolitam consuetudinem inferre voluerit, prȩter id dominium quod me superstite ibi habet, hoc divino jure ei prohibeatur, et ex mea parte
l.17 et meorum pȩnitus ei sit prohibitum. Et iterum, si uxor vel heredum meorum aliquis monachos molestare aut elemosinam meam voluerit prorsus adnullare, comitis judicio
l.18 jussione mea subjaceant, et ut ei placuerit, ad ȩquitatis tramitem, quod injuste contra monachos egerint, reducat.
l.19 [rota] S. Gaufridi, filii Ugonis, qui hoc [croix] donum dedit. Signum Ugonis, filii ejusdem Gofre[croix]di, qui idem confirmavit. Si quis vero supradictam sententiam ac donationem, quod absit, violenter anullare voluerit, aex actoritate Dei omnipotentis et beatissime
l.20 Mariȩ matris ejus et beatissimi Petri apostolorum principis ac gloriosi confessoris Adjutoris MAXENTII sanctorumque martirum Gaudentii
l.21 atque Eutropii omniumque sanctorum quicumque in libro vite scripti sunt, excomunicetur et anathematizaetur, et a liminibus sanctȩ Dei ȩcclesiȩ sequestretur,
l.22 et cum Dathan et Abiran, qui vivi sunt a terra absorti, cum Faraone et Juda traditore Domini inrecuperabiliter, nisi resipuerit, in profundo
l.23 inferni inextinguibili igne comburatur, atque reproborum sententiam judiciariam in die judicii dicturi creatoris patiatur : Ite maledicti in ignem
l.24 ȩternum. Amen. Fiat. Fiat.
l.25 S. Rainaldi Grospan prioris. S. Willelmi Gratum. S. Fortonis. S. Hucberti cantoris. S. Garini. S. Petri conventus cellerarii. S. Johannis. S. Giraldi diaconi, qui dictavit hanc cartam. S. Ademari subscriptoris hujus donationis.
l.26 S. Petri pueri. S. Ademari pueri. S. Joscelmi pueri et monachi. S. ceterorum monachorum confratrum nostrorum. Huic donationi testes extiterunt et manu propria confirmaverunt : Witbertus archipresbiter.
l.27 Arbertus presbiter, Rainaldus David presbiter, Willelmus olim presbiter, Hugo Joscelmus miles, Rufinus miles, Ramnulfus Garinus miles, Hugo Arainuns, Aimericus Maintrole, Petrus Daalge, Ramnulfus Engelgers, Brunetus Maufe, Josbertus Feriers,
l.28 Johannes Vendarius, Tetbaudus Comes, Bernardus Serviens, Hugo Boillete.
l.29 Data VI kalendas marcii, in capitulo Sancti MAXENTII, domno Ansegiso abbate, eundem capitulum tenente, monasterii regimen solerter gubernante, Isemberto vero Pictavensis sedis
l.30 curam habente, ANNO ab incarnatione Domini millesimo LXXXmo regnantibus Philippo rege in Francia, Woffredo duce in Aquitania.

Bibliographie

RICHARD (Alfred), Chartes et documents pour servir à l'histoire de l'abbaye de Saint-Maixent, Poitiers, 1886, 2 vol. (Archives historiques du Poitou, 16 et 18), p. 179-183, n° 149.

Responsable

M.-J. Gasse

Comment citer cette notice

Acte n°4967 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°4967»[En ligne] http://www.cn-telma.fr/originaux/charte4967/. Date de mise à jour : 29/03/12.