Nantes, AD Loire-Atlantique, H 112 n° 8

<< < / > >>

Numéro4964

Fiabilité de l'actenon suspecté

Genrenotice

Date1110(fiabilité :artem)

Lieunon identifié

DiocèseVannes

RégionBretagne

Supportparchemin

Chirographienon

Sceau non scellé

Etat de la traditioncopie

Hauteur à gauche375   mm

Hauteur à droite370   mm

Largeur en haut280   mm

Largeur en bas285   mm

AuteurAbbaye  de  MARMOUTIER

BénéficiaireAbbaye  de  REDON

Regeste

L'abbaye de Redon cède à celle de Marmoutier l'église de Beriacum en échange d'une terre sur l'île de Area

Texte

l.1 Quoniam apostolica sententia instruimur servos dei non oportere litigare qui unamines in domo dei habitare cupientes ad cȩleste gaudium
l.2 eodem tramite student procedere, sanctȩ caritati in quantum possumus adherentes, discordia illa quȩ instigante diabolo inter Majoris monasterii monachos et
l.3 Rothonenses de ȩcclesia Beriacensi diu est habita, qua ratione sit sedata, successorum nostrorum notitiȩ tradere disposuimus. Cum enim utriusque ȩcclesiȩ monachi
l.4 jus proprium in ȩcclesia Beriacensi diversis ex causis se habere perhiberent, tandem ducti spiritu mansuetudinis et gratiȩ, ad hanc concordiam se venisse gavisi sunt.
l.5 Tempore quo sanctȩ Romanȩ ȩcclesiȩ legatus, Engolismensis videlicet episcopus nomine Gerardus, ad partes Britannicas causa celebrandi concilii jussione apostolica est destinatus,
l.6 et apud Nannetum cum cȩteris coepiscopis, pro eodem concilio celebrando congregatis, coram eodem legato presentibus episcopis Venetensi et Aletensi atque collaudantibus,
l.7 donnus abbas Majoris monasterii cum eruditioribus ȩcclesiȩ suȩ filiis, pro pace conservanda et predictȩ ȩcclesiȩ Beriacensis calunnia adquietanda, terram quandam
l.8 obȩdientiȩ Dongiensi pertinentem quȩ insula Areae dicitur sicut tenuerant solutam et quietam, monachis Rothonensibus perpetualiter habendam concesserunt,
l.9 et capellam quandam sacerdotalem XXti libris comparatam eis pro testimonio contulerunt. Abbas Rothonensis Herveus nomine monachique sui presentes
l.10 quorum nomina subscripta sunt calunniam illam guerpiverunt et sepedictam ȩcclesiam monachis Majoris monasterii in perpetuum habere concesserunt.
l.11 Post hanc vero concordiam apud Nannetum factam, abbas Majoris monasterii quosdam de fratribus Guarinum de Lanrigan, Hamelinum de Beriaco, Milonem
l.12 de Castello Joscelini, ad capitulum Rothonense transmisit, ibique res sicut antea facta fuerat est corroborata presente Rotberto et de Arbo-
l.13-rella et Graphione heremita, et ut in futurum servaretur a fratribus ejusdem capituli concessa atque in capitulo Majoris monasterii, presentibus quibusdam Rothonensis
l.14 ȩcclesiȩ fratribus, ipso scilicet donno abbate Herveo, et Moyse Calvo, Joscelino converso, atque Herveo Bulgro, qui ad hoc audiendum missi fuerant, affir-
l.15-mata. Sane si quis in posterum terram illam quȩ monachis Rothonensibus est concessa, calunniatus fuerit, monachi Majoris monasterii pro posse suo
l.16 justitia dictante, sine datione pecuniȩ eis eam adquietabunt, et in aliis necessitatibus si necesse fuerit eos sicut fratres adjuvabunt. Porro nec monachi Majoris monasterii intercipient res Rothonensium monachorum, nec Rothonenses res Majori monasterio pertinentes. Quod tamen si fieri forte contigerit, per eorum vel negligentiam vel ignorantiam, illi quorum res fuerint res interceptȩ, proclamationem facient in capitulum alterorum, et interceptores, quȩ interceperint aut plane dimittent, aut si plane noluerint, tenebunt eis judicium super hac re loco competenti sicut fratribus et amicis. Continuate invenies in cyrographo. Huic concordiȩ
l.17 et paci inerfuerunt predicuts legatus Gerardus episcopus, Judicalis Aletensis episcopus, Morvanus Venetensis episcopus, abbas Majoris monasterii Willelmus cum
l.18 monachis suis, Willelmo priore, Guarino de Lanrigan, Petro bajulo, Rivallonio secretario, Evano secretario, Hamelino
l.19 de Beriaco priore, Gilone, Willelmo de Paciaco, Johanne Venetensi, Lamberto Dongiensi priore, Maffredo, Milone de Castello Joscelini,
l.20 Radulfo priore de Castello Joscelini. De Rothonensibus abbas Herveus cum monachis suis, Urvodio priore, Moyse Calvo, Gualterio
l.21 Parvo, Rotberto olim abbate, Ulrico, Budico, Otgerio, Danihele heremita, Gualterio Pintardo, Tangico abbate de Calmo,
l.22 Eudone, Hugolino Pagano. De clericis et laicis, Francisco archidiacono Venetensi, Rivallonio archidiacono Aletensi,
l.23 Rothaldo filio Normanni, Guihu de Castello Briencii. De famulis Majoris monasterii, Petro Burdone, Adano, Herveo nauta, Rotberto
l.24 Rossello, Joscelino nauta.

Responsable

M. Courtois

Comment citer cette notice

Acte n°4964 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°4964»[En ligne] http://www.cn-telma.fr/originaux/charte4964/. Date de mise à jour : 29/03/12.