Pancarte de donations du comte de Troyes Hugues à l'abbaye de Montier-en-Der.

l.1 Omnibus Christi fidelibus tam futuris quam presentibus notum sit quod memorabilis Hugo comes Trecorum ad Sepulchrum dominicum pia devotione
l.2 profecturus, multis magnisque beneficiis quȩ Arremarensi ȩcclesiȩ contulerat adjecit rem diu multumque expetitam, justitiam videlicet quam
l.3 circa Desdam habebat extra quarantaniam, scilicet in Monte Herberti et Pruciaco et Ruliaco et Nova Villa et in omnibus aliis ad Desdam
l.4 pertinentibus locis, hanc itaque justitiam venerabilis comes Hugo pro anima sua et pro animabus antecessorum suorum Arremarensi conces-
l.5-sit ecclesie, constituens ut eadem libertas quȩ jamdudum servabatur intra quarantaniam servetur et extra, in locis scilicet supranominatis, et in omnibus aliis ad Desdam appendentibus hac ratione ut si homines Sancti Petri hominibus comitis aliquid forisfecerint, homines comi-
l.6-tis eant ad monasterium ab abbate vel a preposito justitiam querere, ibidemque in curia Sancti Petri rectitudinem consequantur nisi abbati vel
l.7 preposito placuerit rectitudinem facere illis de suis hominibus aut apud Desdam, aut in alio aliquo congruenti loco. Cujus rei
l.8 testes affuerunt: magister Drogo archidiaconus, Jocelmus archidiaconus, Milo comes Barri, Ayrardus frater ejus comes Breniȩ, Gosbertus
l.9 dapifer, Hugo dominus de Peanz, Gaufredus filius Otranni, Otrannus filius ejus, Falcho prepositus filius Ingelmeri, Gaufresus filius suprano-
l.10-minati Gaufredi, Johannes de Insulis, Robertus de Insulis.
l.11 Actum publice Trecis in curia, anno ab incarnatione Domini MCXIII, tempore venerabilis Philippi episcopis Trecensis.
l.12 Signum Hugonis [croix] comitis Trecorum [sceau].