Arras, AD Pas-de-Calais, 4 H 1

<< < / > >>

Numéro495

Fiabilité de l'actenon suspecté

Genrebulle

Date05/11/1119(fiabilité :texte)

LieuReims(lat :Remis)

DiocèseArras

RégionNord/Pas-de-Calais

Supportparchemin

Chirographienon

Sceau bulle perdue

Etat de la traditionoriginal

Hauteur à gauche612   mm

Largeur en bas480   mm

AuteurPape Calixte II

BénéficiaireAbbaye d'ETRUN

Regeste

Calixte II, pape, confirme à l'abbaye d'Etrun l'ensemble de ses possessions, qu'il énumère.

Texte

l.1 CALIXTUS, EPISCOPUS, SERVUS SERVORUM DEI, DILECTAE IN CHRISTO FILIE BEATRICI ABBATISSAE STRUMENSIS MONASTERII BEATE MARIE MAGDALENE ET IIS QUE POST EAM REGULARITER
l.2 SUCCESSERINT, IN PERPETUUM. Ad hoc nos in apostolice sedis regimen Domino disponente promoti conspicimur ut, per ejus gratiam, religiosam vitam ducentibus tuitionem impendere debeamus. Quapropter dilecta in Christo filia Beatrix
l.3 abbatissa, petitioni tue clementer annuimus, et Strumensi monasterio cui Deo auctore presides, universa que in presenti legitime possidere dinoscitur, sedis apostolice privilegio confirmamus : altare videlicet loci ipsius
l.4 qui dicitur Strum sine persona, sine redemptione, et ab omni exactione liberum cum atrio et decima ad idem pertinente ; ipsum etiam locum quod Parvum Castellare dicitur, cum terra que inter montem, et alveum aque sita est ; terram
l.5 Alvileir, que est ultra fluvium ; terram Geroldisart, terram infra magnos montes, terram sex modiorum, et totam terram quam Segardus tenuit, cum uno curtili. Item altaria de Harmarvilla, et de Norestel, et de Halut ; altare
l.6 de Frusiis cum appendiciis suis, sine persona. Apud Fuscherias, ex dono Engelardi, septem curtilia et medietatem unius et terras arabiles ; apud Succes, duo curtilia et terram arabilem ; apud villam Juvenci, ex dono Gerardi Paga-
l.7-nelli, tria curtilia et terram arabilem, et in Frevin, ex dono Abbonis, duo curtilia et terram arabilem et vivarium de Longuez. In Henuncurte, ex dono Walburgis, unum curtile et terram arabilem. In Anzeng, ex dono Hermo-
l.8-were, septem curtilia et terram arabilem. Desuper Scufolth, unum curtile et duo molendina, unum dictum Tenzenel, alterum Arundel. Apud Atrebatum, septem cambas, duas sedes cambarum et hospites octo ; apud Baliol,
l.9 ex dono Alelmi, terram arabilem ; apud Bailus terram arabilem, atque curtilia ; in Belcampo, totum alodium Ogive, atque Hatonis ; in Nigella et in Foscherias, alodium Hermari et uxoris ejus ; in Juvenci, ex dono Petri, nonam partem
l.10 totius ville, et in Nigella similiter. In Roverohit, ex dono Hildeburgis, tria curtilia et terram arabilem ; in Montegneio IIIIor curtilia et terram arabilem, sextariorum viginti octo ; in Illies et Juvenci, ex dono Milonis, terram
l.11 arabilem ; apud Floricurth, ex dono Roberti, Ogive, Thidboldi, Hermewere, Hadewidis et filiorum ejus, curtilia et terram arabilem ; in Govio, ex dono Hugonis, medietatem unius vivarii et medietatem unius molendini, atque
l.12 unum hospitem ; in villa que dicitur Monz, terram arabilem, ex dono Berte et sororis ejus ; in Guanchentin, ex dono Hugonis et filiorum ejus, unum curtile et terram arabilem. In Aiast, duo curtilia ; apud Fascera, alodium Eren-
l.13-burgis ; in villa Manin, curtilia et arabilem terram, atque nemus ; in Hynnino super Coiol, terram unius modii liberam ; in Noerol, tertiam partem alodii Helisabeth ; apud Guarlois, terram arabilem et quinque curtilia ; in Iriviler et in
l.14 Poteria, alodium Gotranni ; apud Flers, unum curtile ; in Magnicurt, tres partes totius ville, in terris, aquis et silvis ; in Alci et in Antin, terram arabilem et curtilia ; apud Dixmue, ex dono comitisse Clementie, terram que per singulos
l.15 annos, centum solidos reddit, et apud Formellas, curtilia et terram arabilem. In Perentiis, decimam quam tenuit Eustachius ; in Iser, ex dono Ilberti, unum curtile. Quecumque preterea in futurum, largiente Deo, idem cenobium juste
l.16 atque canonice poterit adipisci, firma tibi semper tibique successuris et illibata permaneant. Decernimus ergo, ut nulli omnino hominum liceat predictum monasterium temere perturbare, aut ejus possessiones auferre vel
l.17 ablatas retinere, minuere, vel temerariis vexationibus fatigare sed omnia integra conserventur, eis pro quibus concessa sunt, auxiliante Domino profutura, salva nimirum Atrebatensis episcopi canonica reverentia. Ad hec
l.18 licentiam vobis damus, in communi parochie interdicto, divina officia, clausis januis celebrare. Liceat etiam vobis, laicas personas, melioris vite causa venientes ad vos, absque alicujus contradictione suscipere, nisi forte
l.19 excommunicate sint. Sane presbiteros, clericos, vel servientes vestros, preter consensum vestrum ad alterius ire judicium prohibemus, nisi de ordinibus et christianitate sua. Si qua igitur in futurum ecclesiastica secularisve persona,
l.20 hanc nostre constitutionis paginam sciens, contra eam temere venire temptaverit, secundo tertiove commonita, si non satisfactione congrua emendaverit, potestatis honorisque sui dignitate careat, reamque se divino judicio
l.21 existere de perpetrata iniquitate cognoscat, et a sacratissimo corpore ac sanguine Dei et Domini redemptoris nostri Jhesu Christi aliena fiat, atque in extremo examine districte ultioni subjaceat. Cunctis autem eidem loco
l.22 justa servantibus, sit pax Domini nostri Jhesu Christi, quatenus et hic fructum bone actionis percipiant et apud districtum judicem premia eterne pacis inveniant. AMEN. AMEN. AMEN.
l.23 [rota] Ego Calixtus catholice ecclesie episcopus, subscripsi [benevalete].
l.24 Datum Remis, per manum Grisogoni, sancte Romane ecclesie diaconi cardinalis ac bibliothecarii, nonis novembris, indictione XIIIa,
l.25 incarnationis dominice anno MoCoXVIIIIo, pontificatus autem domni Calixti secundi pape anno primo.

Notes

1

Bibliographie

JAFFE-LOEWENFELD, n° 6779.

ROBERT (Ulysse), Bullaire du pape Calixte II : 1119-1124, 2 vol., Paris, 1891, p. 143-145, n° 99.

TOCK (Benoît-Michel), COURTOIS (Michèle), GASSE-GRANDJEAN (Marie-José), La diplomatique française du Haut Moyen Age. Inventaire des chartes originales antérieures à 1121 conservées en France, 2 vol., Brepols, 2001 (Artem), t. 1, p. 64-69, n° 5 (fac-similé, traduction, étude).

Responsable

M.-J. Gasse

Comment citer cette notice

Acte n°495 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°495»[En ligne] http://www.cn-telma.fr/originaux/charte495/. Date de mise à jour : 04/03/15.