Pierre de Montréal ayant manifesté le désir de se retirer chez les ermites de Fontenoy, sa mère Beliardis, son beau-père Engelbert, son frère Hugues et son épouse Bonafilia lui constituent une dot. L'évêque d'Autun confirme cette donation.

l.1 In nomine Domini nostri Jhesu Christi. Petrus de Monte Regali, clericus et canonicus Augustudunensis, filius Gauterii de
l.2 Turre, cupiens de seculari conversacione ad religiosam transire vitam, contulit se ad religiosos fratres in loco qui dicitur
l.3 Fontismus habitantes, et remansit cum illis. Propter quam causam mater ejus nomine Beliardis que adhuc vivebat, et vitricus
l.4 ejus nomine Engelbertus, et frater ejus Hugo, cum uxore sua que vocatur Bonafilia, dederunt predictis Fontismensibus fratribus
l.5 silvam quandam et pratum adque molendinum. Qui videlicet lucus binomius est, quia ex una parte propter fagorum habundantiam,
l.6 fagineus appellatur, pars vero altera propter arborum rectitudinem sagitta nuncupatur, pratum vero antiquitas ita nominare
l.7consuevit, pratum inter duos boschos, et silvam quidem atque pratum sicut perfecta inmunitate et in alodio possidebant, ita
l.8 perfecte et absolute dederunt. Quia vero molendinum a domino Montis Regalis nomine Hugone tenebant, et eum de
l.9 casamento ejus esse noverant, et ipsum quidem similiter perfecte et ex integro dederunt, sed doni hujus effectum a predicto Hu-
l.10-gone concedi et cumfirmari petierunt. Qui libentissime tale donum non solum laudavit, sed etiam fundum quendam
l.11 qui vulgari sermone Oscha dicitur, quia prope molendinum erat, prenominatis fratribus ex parte sua ita libere
l.12 et immuniter tribuit, ut quicumque in eo deinceps habitaverit, nichil penitus servitii domino Montis Regalis neque
l.13 ministris ejus vel prepositis reddat sed pocius de silvis, de planis, de aquis, de pascuis gratis sibi accipiat ea
l.14 que usibus humanis nece[ssari]a sive idonea videntur que nos aesias vulgariter dicimus. Et quia dominus
l.15 Montis Regalis prefati molendini excluxam aliquando perforare solebat, et pisces ibi capere, idem Hugo firmiter
l.16 statuit ne hoc amplius fieret. Constituit etiam et concessit, ut sepe dicti Fontismenses monachi quandocumque vel-
l.17-lent piscandi licenciam haberent in fluvio ejusdem molendini, tam supra quam infra, et in omnibus etiam [aliis]
l.18 fluviis ad jux suum pertinentibus. Denique et hoc precepit atque decrevit, ut quotienscumque quelibet materia ad re-
l.19-starationem molendini foret necessaria, ex circumjacentibus agris vel silvis licenter et secure ac gratis acciperetur.
l.20 Cum vero quadam die apud Montem Regalem multi homines sub umbra ulmorum congregati essent
l.21 carta hec in medium allata, atque coram ipso domino Montis Regalis, ceterisque predictarum rerum vel possessionum
l.22 datoribus seu concessoribus publice lecta et ab ipsis laudata atque confirmata est die dominico V kalendas julii luna
l.23 II, epacta XXIIIa, indictione VIIIa, concurrentibus IIII, anno decennovenalis cicli XIIII, anno ab incarna-
l.24-tione Domini [MoCoXVo] domno Stephano cathedram Eduensis ecclesie tenente, Ludovico francorum rege
l.25 Hugone Burgundionum duce sed quia nimis longum est omnes qui huic recitationi atque confirmationi
l.26 interfuerunt nominare paucos et pluribus placuit hic annotare Garnerius et Odo presbiteri, Nariodus
l.27 Hildebertus, Landricus, Gunbertus, Unbaldus de Terre, Obertus corvus, Robertus de valle excoriata cum tribus filiis suis
l.28 Hugone, Gaufrido, Bertanno, Raginaldus prepositus et Hugo frater ejus.