Philippe I^er, roi de France, confirme la donation faite par Hugues, évêque de Troyes, au monastère de Montier-la-Celle, de l'église Saint-André voisine dudit monastère.

l.1 In nomine sanctȩ et individue Trinitatis, ego Philippus, gratia Dei Francorum rex. Cum in exhibitione temporalium
l.2 rerum, quas humana religio, divino cultui famulando, locis sanctorum et congregationibus fidelium devotione
l.3 animi largitur, tam presentis quam perpetuȩ vitȩ, ut jampridem multis expertum est inditiis, solatium adquira-
l.4-tur, saluberrimus valde et omnibus imitabilis hic fructus primitivȩ virtutis, videlicet karitatis, per quem et
l.5 mundi prosperatur tranquillitas et felici remuneratione ȩterna succedit felicitas. Noverit ergo et
l.6 presens status et posteritas sanctȩ matris ȩcclesiȩ filiorum, nostrorum quoque primatum et omnium sub nostro
l.7 regimine degentium quod qui[dam] abbas, Bernardus nomine, nostrȩ serenitatis adierit presentiam, rogans
l.8 et obnixe postulans, ut donum quod Hugo, Trecassinȩ ȩcclesiȩ pontifex, pro salute animȩ suȩ monasterio Beati
l.9 Petri Cellensis cognominati, cui ipse predictus abbas tunc temporis preerat ȩternaliter tribuerat, scilicet
l.10 ȩcclesiam Sancti Andreȩ apostoli, non longe ab eodem monasterio cui conlata est sitam, laudassem atque comcessissem.
l.11 Cujus peticionibus, consilio Richerii, Senonicȩ ȩcclesiȩ metropolitani, cȩterorumque presulum atque fidelium nostrorum,
l.12 quorum nomina subscripta esse videntur, benigne annuimus, et hoc privilegium sigilli nostri inpressione
l.13 adsignari precepimus. Actum publice in Senonico palatio, anno incarnati Verbi millesimo LXXmo et I, VII kalendas
l.14 mai, indictione VIIII, regnan[t]e Philippo rege anno XII.
l.15 SIGNUM [monogramme] REGIS. [colonne1] Signum Richerii, archiepiscopi. Signum Hugonis, Trecensis episcopi. Signum Gualterii, Meldensis episcopi. Signum Gausfredi, Parisiacensis episcopi. Signum Arraldi, Carnotensis episcopi. Signum Rainerii, Aurelianensis episcopi. [colonne2] Signum Gausfredi. Autissioderensis episcopi. Signum Hugonis, Lingonensis episcopi [sceau].
l.16 EGO PETRUS CANCELLARIUS SCRIPSI ET SUBSCRIPSI [croix].

LALORE (Charles), Cartulaire de Montier-la-Celle, Troyes, 1882, p. 197, n° 190.

PROU (M.), Recueil des actes de Philippe I^er, roi de France (1059-1108), Paris, 1908 (Chartes et diplômes relatifs à l'Histoire de France), p. 153-154, n° 58.