Récit de l'installation des moines de Dèvres à Vierzon, rédigé par Galan, chanoine de la cathédrale de Bourges, portant la souscription de Thibaud, comte de Chartres.

l.1 [chrisme] Anno ab incarnatione Domini nungentesimo tertio, ecclesia Doverensis quȩ constructa quondam a rege Karolo et Rodulfo archiepiscopo videbatur
l.2 infestatione iniquorum hominum devastata , ad nihilum pene redacta extitisset, nisi instinctu miserationis omnipotentis clementia quorumdam
l.3 canonicorum Sancti Stephani ei succurreret. Quod qualiter gestum sit et quis inde fructus ȩcclesiȩ Bituricensi accesserit, ad utilitatem futurorum notare studuimus.
l.4 Namque Girbertus ȩcclesiȩ Sancti Stephani decanus, et Gaufredus precentor, et Johannes prȩpositus, supradictum locum sic redigi in desolationem
l.5 conspicientes, monachos et abbatem eorum Ragamundum assumpserunt, et de Teobaldi comitis amicitia prȩsumentes, in cellulam castellulo
l.6 Virisione sitam eos collocaverunt, et eis, ex rebus Sancti Stephani, necessaria ad eundem ipsum erigendum locum, ut ibi absque penuria Domino
l.7 servirent, largiter prȩbuerunt. Postea vero comitem, prȩdicti canonici adeuntes, et Carnotum eum repperientes, et quȩ gesta erant
l.8 seriatim retulerunt, et pro misericordia servis Domini attributa ab eo collaudati. Eundem ipsum locum quia tutior quam Doverensis videbatur,
l.9 supradictis monachis et eorum sequacibus in abbaciam suo precepto firmavit et sub tuitione et defensione canonicorum Sancti Stephani, magno munuere
l.10 ab eis accepto, imperpetuum eundem monasterium constituit. Et ut id ratum foret, cartulam fieri, et nomen suum in ea annotari in ea jussit.
l.11 Legitimos quoque testes jussit conscribi, de sua parte, Walterium, Widonem, Gedeonem, FROTGERIUM;
l.12 ex canonicis, Girbertus, Gaufredus, Johannes, Vandradus, Arnulfus. Actum mense novembrio, die jovis,
l.13 in festivitate sancti Clementis, quarto anno Rodulfi regis, adsistente et id juvante domno Geruncio Biturigensium archiepiscopo.
l.14 Walanus Sancti Stephani canonicus scripsit. SIGNUM TETBALDI COMITIS SIGNUM.