Calixte II, pape, confirme les possessions et les droits de l'église d'Aire qui est placée sous la protection du Saint-Siège.

l.1 CALIXTUS, EPISCOPUS, SERVUS SERVORUM DEI, DILECTIS IN CHRISTO [FILIIS JOHANNI], ARIENSIS ECCLESIȨ PREPOSITO, EJUSQUE FRATRIBUS [RELIGIOSAM VITAM]
l.2 in Dei servitio servaturis cunctisque eorum successoribus ibidem Deo in perpetuum [servituris]. Religiosis desideriis ea benivolentia nos annuere convenit ut [fidelis quisque]
l.3 et Deo militare desiderans tanto ferventius ad studium piȩ devotionis [excitetur, quanto] benignius ad quaesitam gratiam [apostolicȩ] tuitionis et confirmationis [admittitur].
l.4 Dignum namque valde est ut venerabilium locorum apostolica potissimum [sede jura firmentur], et inde universa ad utilitatem [servorum] Dei et ad conservandam libertatem et
l.5 quietem sanctȩ professionis eorum tam in exterioribus quam in spiritualibus [congrua et necessaria inviolabili stabilitate fulciantur, unde totius religionis divina actoritate
l.6 [sumpsit exordium] et gubernationis principatum habebit in [perpetuum]. Quapropter, karissime fili, postulante te per] confratrem nostrum Johannem, Morinensem episcopum, ut prefatam [ecclesiam cui tu,
l.7 Deo disponente, prepositus] esse dinosceris, sub tutelam [apostolicȩ sedis susciperemus, quatenus sub amplexu sedis Romanȩ] universalis matris ecclesiȩ tam in [bonis temporalibus
l.8 quam in gratia spirituali] cresceret atque proficeret liberiorque [ab omni humana infestatione consisteret, equitatem voluntatis] tuȩ considerantes, hujusmodi privilegia [eidem ecclesiȩ
l.9 et tibi universique ejusdem] loci servitoribus presenti [autoritatis nostrȩ decreto concedimus atque firmamus. Primum quidem] ut locus ille in Dei servitio ad [refugium et subsidium
l.10 quorumcumque fidelium] constitutus in sua semper [stabilitate permaneat, nec ulli unquam potestati seculari aut ecclesiasticȩ] cum destruere vel de statu suo [mutare liceat. Deinde
l.11 statuimus ut nulli] regum vel imperatorum, marcionum, [ducum, comitum, antistitum vel quacumque dignitate] predito aut cuiquam alii de his quȩ [eidem loco venerabili
l.12 a quibuslibet hominibus] de proprio jure donata sunt [su... in futurum, Deo miserante, collata fuerint, sub cujuslibet] occasionis specie minuere vel auferre et [suis usibus
l.13 applicare liceat, sed universa] quȩ ab egregiȩ memoriȩ Balduino], Flandrensium quondam comite, et ejus uxore Athela, ecclesiȩ] predictȩ fundatoribus, seu a quibuslibet fidelibus oblata
l.14 sunt vel offerri contigerit, ad sustentationem canonicorum [ibidem Deo et sancto Petro apostolorum principi servientium tam] a te quam ab eis qui in tuo officio locoque [successerint],
l.15 perenni tempore illibata et sine inquietudine aliqua et ab omni [justitia seculari absoluta volumus] ac decernimus possideri. Preterea concedimus et confirmamus ȩcclesiȩ
l.16 Ariensi in honore beati Petri apostolorum principis constitutȩ ȩcclesias et cetera quȩ [Morinorum] episcoporum concessione possidet, [oblationes] et decimas totius parochiȩ Sancti Petri, de
l.17 capella comitis modium frumenti et XXVIII bustel avenȩ, de pomerio comitis decimam pomorum, de vivario comitis decimam anguillarum, de Waselau decimam de pullis
l.18 equarum, carnem unius vaccȩ, cervum in festo sancti Petri, ȩcclesiam de Melemodio cum decimis et oblationibus, capellam Sancti
l.19 Quintini cum decimis et oblationibus et terrȩ quinquaginta sex dies in Kerseka, decimam de Gomelingaham et decem dies terrȩ, unam ovium berquariam in territorio
l.20 Bergensi, in villa quȩ vocatur Tetingehem, annis singulis quadraginta libras persolventem et nichil servitii nisi ejusdem ȩcclesiȩ fratribus debentem, villam etiam dimidiam
l.21 quȩ vocatur Baisiu, duas partes decimȩ ȩcclesiȩ et silvȩ de villa quȩ vocatur Maiseres, villam quȩ vocatur Wail cum molendinis omnibus in eadem villa constitutis, ita ut
l.22 in eadem villa infra possessionem canonicorum aut in propria terra ad incommodum eorum nulli omnino molendinum statuere liceat, terram etiam cultam et incultam ad
l.23 villas supradictas pertinentem cum silva plurima, ortos canonicorum circa atrium Ariensis ȩcclesiȩ, ortos sex in parrochia de Papingehem, unde kalendis octobris prepositus ȩcclesiȩ
l.24 Sancti Petri canonicis suis novem solidos persolvit, duos hospites in Mallingehem, septimam partem de villa quȩ vocatur Kernes, unum molendinum cum uno
l.25 hospite in villa quȩ vocatur Blandeca, utrumque ab omni potestate laicorum absolutum, duos etiam servos in eadem villa, Walterum et Ingelfridum, ortum unum
l.26 in villa quȩ dicitur Witernes, ortum etiam unum in villa quȩ dicitur Blessi et dies terrȩ tres et in insula de Blessel iterum dies terrȩ tres. Si qua sane
l.27 ecclesiastica secularisve persona hanc nostrȩ constitutionis paginam sciens contra eam temere venire presumpserit, ȩcclesiȩ secundo terciove commonita si non satisfactione con-
l.28-grua emendaverit, potestatis honoris que sui dignitate careat reamque se divino judicio existere de perpetrata iniquitate cognoscat et a sacratissimo corpore ac sanguine Dei et Domini
l.29 redemptoris nostri Jhesu Christi quatinus et hic
l.30 [fructum] bonȩ actionis percipiant et apud districtum judicem premia ȩternȩ pacis inveniant. Amen. Actum est hoc incarnationis dominice anno millesimo centesimo
l.31 [XVIIII, indictione] XII, pontificatus autem domini papȩ Calixti [secundi anno I, Ludovico rege Francorum concedente, Karolo] Flandrensium comite et comitissa Clementia [concedentibus : his testibus,
l.32 Roberto, Betuniensium] advocato, Eustachio, Morinorum advocato, Balduino de Uson, Rogero castellano de Insula, Manasse] comite de Gisnes, Rainardo castellano de Bruborg,
l.33 Theodorico castellano de Dikesmue, Theobaldo de Ipre, [Evrardo castellano de Aria, Onulfo de Locres, Engelberto de Aria, Roberto Greco et aliis pluribus].

JAFFE-LOEWENFELD, n° 7092.

ROUYER, Recherches historiques sur le chapitre de l'église collégiale de Saint-Pierre d'Aire, in Mémoires de la Société des Antiquaires de la Morinie, 10 (1858), p. 65-387, p. 249, 313.

ROBERT (Ulysse), Bullaire du pape Calixte II : 1119-1124, 2 vol., Paris, 1891, p. 173-175, n° 118.